2. Rajengro liil 10:5 - O Debleskro Lab 2024 (Sinte-Manouche)

⁵ Ko pralstouno pral o Ahabeskro kheer oun o moskro oun i phoureder an o foro oun kolla, kay tserdenn o Ahabeskre čaven baro, kolla bičran yekes pash o Yehou, oun moukan leske te penell: “Mer ham tire boudepangre. Mer krah lauter, hoy tou menge peneh. Mer kamah kek vavar baro ray pral mende. Kre, hoy an tire yaka mishto hi!”

O Debleskro Drom 2021 (Sinte)

⁵ Ko pralstuno pral o Ahabeskro kheer un o moskro un i phureder an o foro un kolla, kai tserdenn o Ahabeskre tchawen baro, kolla bitchran jekes pash o Jehu, un mukan leske te penell: “Mer ham tire budepangre. Mer krah lauter, hoi tu menge peneh. Mer kamah kek wawar baro rai pral mende. Kre, hoi an tire jaka mishto hi!”

2. Rajengro liil 10:5 ပူးပေါင်းရင်းမြစ်များ

1. Rajengro liil 20:32

Yaake pandan le gone troul pende oun čivan dorya troul lengre menya, djan pash o baro rayeste pral Israel, oun penan: “Tiro boudepaskro, o Ben-Hadad, penell: Mouk mange miro djipen!” Kote poučas yob: “Hi lo gomme djido? Miro phraal hi yob.”

1. Rajengro liil 20:4

Kote penas o baro ray pral Israel pale pale: “Miro baro ray oun pralstouno, yaake har tou peneh, yaake hi. Me hom tiro, oun halauter, hoy man hi, hi ninna tiro.”

2. Rajengro liil 10:6

Koy činas yob i douyto liil ap lende: “Te han t'mer ap miri rig oun shounenn ap mande, lenn kol sherya kol čavendar t'maro rayestar oun anenn len pash mande an Yesreel taysar an kava tsiro!” Kol efta-deesh čave o baro rayestar djivan pash kol an-dikle morshende an ko foro, kay tserdenn len baro.

Jeremia 27:17

Ma denn garda ap lengre laba! Moukenn o baro rayes dran Babilonia t'maro ray te vell! Palle ačenn djido! Hoske te vell kava foro i moulo foro?

4. Mose 11:12

Hi kalla halauter mire čave? Van yon mandar boldo? Har nay peneh tou ap mande: Hidje len an tire moussya, har i djouvel, kay hidjrell i ternepen, te anap len an ko them, kolestar penal lengre phourenge, te dess ko them lenge?

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Josua 9:11

Oun har kova shounam, penan mare phoureder oun halauter, hoy an maro them djivenn, ap mende: Lenn kova, hoy t'men o djipaske hounte vell, t'mentsa ap o drom! Oun djan kote pash lende oun penenn ap lende: T'mare boudepangre ham, oun krenn mentsa vin, te krenn kek kourepen mentsa!

Josua 9:8

Oun yon penan ap o Yosua: “Tire boudepangre ham mer!” Oun o Yosua poučas: “Koon han t'mer? Dran havo them venn t'mer?”