2. Rajengro liil 10:30 - O Debleskro Lab 2024 (Sinte-Manouche)

³⁰ O baro Devel penas ap o Yehou: “Kova, hoy kral ap o Ahabeskro kheer, his mishto an mire yaka. Tou kral ap leste, hoy man an miro dji his. Doleske venna dran tiri familya bare raya yaake rah, bis te star familye yek pal i vavar djivan.”

O Debleskro Drom 2021 (Sinte)

³⁰ O baro Dewel penas ap o Jehu: “Kowa, hoi kral ap o Ahabeskro kheer, his mishto an mire jaka. Tu kral ap leste, hoi man an miro dji his. Doleske wenna dran tiri familja bare raja jaake rah, bis te star familje jek pal i wawar djiwan.”

2. Rajengro liil 10:30 ပူးပေါင်းရင်းမြစ်များ

1. Rajengro liil 20:42

Oun yob penas ap leste: “Kava penell o baro Devel: Tou moukal i morshes te djal, kay me kamom, te hounte merals lo. Doleske lau me tiro djipen leskro djipaske, oun tire menshen leskre menshenge.”

1. Rajengro liil 21:22

Tou kral man rhoyedo, oun anal i Israelitaryen miro dromestar tele. Doleske djal tiri familyake yaake djoungeles har koy familyake foun o Yerobeam, koleskro dad o Nebat his, oun har koy familyake foun o Baasha, koleskro dad o Ahia his.

1. Rajengro liil 21:29

“Dikal tou kova, har kras pes o Ahab tiknes glan mande? Doleske moukau koy bibarht gar te vell, yaake rah har yob djivell. An ko tsiro, kay leskro čavo o baro ray hi, anau me koy bibarht pral leskro kheer.”

2. Rajengro liil 10:35

Oun o Yehou meras, oun vas paskedo pash peskre phourende an o foro Samaria. Oun leskro čavo, o Yoakaz vas baro ray pal leste.

2. Rajengro liil 13:1

Har o Yoash, koleskro dad o Ahasya his, an o biish-te-triinto bersh o baro ray pral o them Youda his, vas o Yoakaz, koleskro dad o Yehou his, baro ray pral o them Israel. O Yoakaz his 17 (deesh-te-efta) bersha baro ray. An ko tsiro djivas lo an o foro Samaria.

2. Rajengro liil 13:10

Har o Yoash an o 37. (triyanda-te-eftato) bersh ko baro ray pral o them Youda his, vas o Yoash, koleskro dad o Yoakaz his, o baro ray pral Israel. Yob his 16 (deesh-te-shob) bersha baro ray oun djivas an ko tsiro an o foro Samaria.

2. Rajengro liil 14:23

Har o Amazya, koleskro dad o Yoash his, an o deesh-te-pančto bersh o baro ray pral o them Youda his, vas o Yerobeam baro ray pral o them Israel. Leskro dad kharas ninna Yoash. O Yerobeam his 41 (star-deesh-te-yek) bersha baro ray oun djivas an ko tsiro an o foro Samaria.

2. Rajengro liil 14:29

Oun o Yerobeam meras, oun vas paskedo pash peskre phourende, kol bare rayende pral o them Israel. Oun leskro čavo, o Zakarie, vas baro ray pal leste.

Hosea 1:4

Oun o baro Devel penas ap leste: De les ko lab Yesreel! An i tikno tsiro anau ap o rayeskro kheer koy doosh pale, hoy o baro ray, o Yehou, ap peste anas, har maras lo boud mire menshendar an i tala Yesreel. Oun krau, te hi o themes Israel bouder kek ray.

3. Mose 26:25

Me moukau kourepen an t'maro them vin te phagell, oun dau t'men pale, te rikran gar dren, hoy mantsa vin kran. Oun te khatrenn t'mer t'men palle an t'mare forya, palle bičrau i pharo nasslepen mashkral t'mende, oun dau t'men an i vasta kolendar, kay kourenn pen t'mentsa.