2. Rajengro liil 10:27 - O Debleskro Lab 2024 (Sinte-Manouche)

²⁷ Oun ko baro bar, hoy pre-čiddo vas o debleske Baal, koles dan le an kotya, ninna leskro tselo kheer. Bis kay dives hi koy platsa i platsa, kay djan i menshe ap i rig.

O Debleskro Drom 2021 (Sinte)

²⁷ Un ko baro bar, hoi pre-tchiddo was o debleske Baal, koles dan le an kotja, ninna leskro tselo kheer. Bis kai diwes hi koi platsa i platsa, kai djan i menshe ap i rig.

2. Rajengro liil 10:27 ပူးပေါင်းရင်းမြစ်များ

1. Rajengro liil 16:32

Oun yob moukas o Baaleske i kheer te krell an o foro Samaria, oun čivas leske i rhačepaskri koy dren, te vell leske soungepaskro koova oun firhen kote rhačedo.

2. Rajengro liil 10:28

Yaake kras o Yehou, te vell o devel Baal bouder gar sharedo an Israel.

2. Rajengro liil 11:18

Palle djan i tsele menshe dran o them Youda an o kheer ko deblestar Baal, oun kran kol tsele figure paash, hoy les sikran. Oun kol rhačepangre, kay firhen oun vavar koova leske rhačedo van, phagan le tele. Oun glan kol rhačepangre maran le leskro rashayes, o Mattan. Oun o rashay Yoyada bičras klisten, te denn le yak ap o baro Debleskro kheer.

2. Rajengro liil 18:4

O Hiskiya kras kol moulne platse paash, kay le i moule deblen an-mangan. Yob moukas kol bare barra an kotya te phagell, hoy le lenge pre-čivan, oun moukas koy kashteni debletsa Ashera trouyel te dell. Oun yob das ko sasterno sap paash, hoy moukas o Mose te krell. Glan ko tsiro, kay o Hiskiya kova kras, rhačran i Israelitarya soungepaskro koova glan ko sap, oun dan leste ko lab Nehoushtan.

2. Rajengro liil 3:2

Oun yob kras, hoy glan o baro Debleskre yaka djoungeles his, oun kras savo koova har o Yerobeam kras, koleskro dad o Nebat his. Kova anas i Israelitaryen o Debleskro dromestar tele, te mangan le vavar deblen an. Ninna te moukas o Yoram len kova ninna te krell, his lo gar yaake čilačo har peskro dad oun peskri day. Yob las kol pre-čidde barra krik, hoy leskro dad o debleske Baal kras.

Esra 6:11

Oun pale moukau t'menge te penell: Te rikrell pes yek t'mendar gar ap mire laba, hounte vell i baro kasht dran leskro kheer vin tserdedo, oun yob hounte vell koy pre dino. Oun leskro tselo kheer hounte vell tele phagedo, doleske kay yob gar mire laba dren rikras.

2. Mose 34:13

Vitsrenn kol pre-čidde barra trouyel, kay marenn oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol figuren tele, hoy sikrenn i debletsa Ashera.

Daniel 2:5

O baro ray penas ap lende: “Hi yaake har penom: T'mer hounte penenn mange i souni, oun hoy koya kamell te penell. Te krenn t'mer kova gar, palle moukau me t'men an kotya te činell, oun t'mare khera tele te phagell.

Daniel 3:29

Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

3. Mose 26:30

Me krau kol moulne platse paash, kay t'mer t'mare deblenge firhen rhačrenna. Oun kol boba, kay t'mer lenge soungepaskro koova rhačrenn, phagau khetne. T'mare moulen vitsrau ap kol paash-dine figuren, oun t'mendar kamau bouder či te djinell.

5. Mose 7:25

Rhačrenn i figure lengre deblendar! Ko roup oun ko sonakay, hoy ap lende hi, lenn gar tele t'menge, te venn t'mare djia gar pandles ap kova. Savo koova vals djoungeles glan t'maro baro Debleskre yaka.

5. Mose 7:5

Doleske krenn kava lentsa: Vitsrenn kol pre-čidde barra trouyel, kay marenn le oun rhačrenn le firhen lengro debleske. Phagenn kol bare barra paash, hoy le leske pre-čivan! Oun denn kol kashta tele, hoy sikrenn i debletsa Ashera. Oun rhačrenn lengre figuren pre.