2. Rajengro liil 10:24 - O Debleskro Lab 2024 (Sinte-Manouche)

²⁴ Vin glan o kheer čivas o Yehou 80 (orhta-deesh) morshen, oun penas lenge: “Denn yak, te nashell kek kal morshendar krik, kay dom an t'mare vasta! Te nashell yek lendar peske, vell kova t'mendar moulo dino, kay moukas les te nashell.” Oun o Yehou oun o Yonadab van dren, te marenn le firhen o debleske Baal, save firhe, kay rhan le khetne oun save, hoy venn tseles rhačedo.

O Debleskro Drom 2021 (Sinte)

²⁴ Win glan o kheer tchiwas o Jehu 80 (ochta-deesh) murshen, un penas lenge: “Denn jak, te nashell kek kal murshendar krik, kai dom an tumare wasta! Te nashell jek lendar peske, well kowa tumendar mulo dino, kai mukas les te nashell.” Un o Jehu un o Jonadab wan dren, te marenn le viechen o debleske Baal, sawe vieche, kai chan le khetne un sawe, hoi wenn tseles chatchedo.

2. Rajengro liil 10:24 ပူးပေါင်းရင်းမြစ်များ

1. Rajengro liil 18:40

Oun o Eliya penas ap lende: “Taprenn kol rashayen o deblestar Baal! Kek te nashell peske!” Oun yon tapran len, oun o Eliya anas len tele pash o pani Kishon oun maras len kote.

2. Rajengro liil 10:23

Oun o Yehou oun o Yonadab, koleskro dad o Rekab hi, kol douy djan khetne an o kheer o deblestar Baal. Oun o Yehou penas ap kolende, kay mangenn o debles Baal an: “Dikenn t'men trouyel oun denn garda, te vell kek mashkral t'mende, kay mangell o baro Debles an! Kokres kolla hounte venn kate, kay mangenn o debles Baal an!”