2. Rajengro liil 10:11 - O Debleskro Lab 2024 (Sinte-Manouche)

¹¹ Palle das o Yehou lauteren moulo, kay ačan pral dran o Ahabeskri familya an Yesreel: kol tsele pralstunen, kol vavaren leskre menshendar oun leskre rashaya. Kek lendar ačas djido.

O Debleskro Drom 2021 (Sinte)

¹¹ Palle das o Jehu lauteren mulo, kai atchan pral dran o Ahabeskri familja an Jesreel: kol tsele pralstunen, kol wawaren leskre menshendar un leskre rashaja. Kek lendar atchas djido.

2. Rajengro liil 10:11 ပူးပေါင်းရင်းမြစ်များ

1. Rajengro liil 14:10

Dran kova moukau me i bibarht pral tiro kheer te vell, oun marau i tsele morsha oun morsh čaven, kay pal toute venna. Kek lendar ačell pral an Israel, yaake har kek čik pral ačell, te vell o kheer djoudjes kerdo.

1. Rajengro liil 15:29

Oun har yob baro ray vas, maras lo i tseli familya o Yerobeamestar. Oun yob moukas kekes leskri familyatar djido. Yaake vas kova čačo, hoy penas o baro Devel ap peskro boudepaskro, o Ahia dran Shilo, oun hoy kova doureder penas.

1. Rajengro liil 16:11

Oun yaake sik har yob o baro ray vas, moukas lo i tsele morshen oun morsh čaven dran i familya Baasha te marell. Kekes lendar moukas lo djido, ninna leskre malen oun vavaren leskre menshendar moukas lo te marell.

1. Rajengro liil 18:19

Kanna mouk i tsele Israelitaryen te penell, te venn le khetne pash mande ap i berga Karmel, ninna kol 450 (star-sheel-te-paash-sheel) rashaya o deblestar Baal oun kol star-sheel rashaya, kay i debletsa Ashera sharenn, kolen i Isebel rhapen oun pipen dell.”

1. Rajengro liil 18:40

Oun o Eliya penas ap lende: “Taprenn kol rashayen o deblestar Baal! Kek te nashell peske!” Oun yon tapran len, oun o Eliya anas len tele pash o pani Kishon oun maras len kote.

1. Rajengro liil 21:22

Tou kral man rhoyedo, oun anal i Israelitaryen miro dromestar tele. Doleske djal tiri familyake yaake djoungeles har koy familyake foun o Yerobeam, koleskro dad o Nebat his, oun har koy familyake foun o Baasha, koleskro dad o Ahia his.

1. Rajengro liil 21:29

“Dikal tou kova, har kras pes o Ahab tiknes glan mande? Doleske moukau koy bibarht gar te vell, yaake rah har yob djivell. An ko tsiro, kay leskro čavo o baro ray hi, anau me koy bibarht pral leskro kheer.”

1. Rajengro liil 22:6

Kote moukas o ray pral o them Israel i dikepangren khetne te vell – kolla his yaake star-sheel morsha – oun poučas lendar: “Djap me an o kourepen, te kourap man o foreha Ramot an o them Gilead? Kamell o Devel kova? Kamell lo kova gar?” Kote penan yon: “Dja koy, oun o Devel dell o foro an tiro vast.”

2. Rajengro liil 10:12

O Yehou djas ap ko drom, hoy an Samaria djal. Har yob pash o foro Bet-Eked vas,

2. Rajengro liil 23:20

Oun moukas i tsele rashayen, kay i moule deblenge boudran, te marell ap lengre rhačepangre, oun rhačras menshengre kokale koy pre. Oun palle vas lo pale an o foro Yerusalem.

2. Rajengro liil 9:7

Oun tou maress kol menshen, kay venna tiro rayestar Ahab. Yaake dau len i phagi ko rateske, hoy ratas, har maras i Isebel mire boudepangren, mire rakepangren oun kol tsele vavaren, kay mange koy his.

2. Rajengro liil 9:9

Oun me kamau, te djal i menshenge, kay van pal o Ahab, yaake har kol menshenge, kay van pal o Yerobeam, koleskro dad o Nebat his, oun har kol menshenge, kay van pal o Baasha, koleskro dad o Ahia his.

2. Familjakro liil 22:7

O Devel kamas kova yaake, te djal o Ahasya pash o Yoram, te vell lo kote maredo. Oun har yob koy vas, djan kol douy, o Ahasya oun o Yoram pash o Yehou, koleskro dad o Nimshi hi. Koles rodas o baro Devel vin, te vell lo baro ray oun marell o Ahabeskri tseli familya.

2. Familjakro liil 22:8

Yaake vas, har o Yehou i phagi pral o Ahabeskri familya anas, hatsas lo ninna pralstoune lourden dran Youda, oun kol čaven o Ahasyeskre phralendar. Kolla boudran pengro kakeske, o Ahasya. Kolen moukas o Yehou te marell.

Hiob 18:19

Leske ačell kek čavo, vitar kek čavengro čavo mank peskre menshende. Kote, kay djivas lo, ačell kek lendar djido.

Debleskri gili 109:13

Kre, te merenn kolla vin, kay pal leste venna. Leskre čavengre čaven venn kek čave bouder, yaake te vell lengro lab bistedo.

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Gosewe laba 13:20

Kova, kay khetne hi kolentsa, kay gosevo hi, kova vell ninna gosevo. Kova kay i maal hi i dinelentsa, kova vell bibarhtelo.

Hosea 1:4

Oun o baro Devel penas ap leste: De les ko lab Yesreel! An i tikno tsiro anau ap o rayeskro kheer koy doosh pale, hoy o baro ray, o Yehou, ap peste anas, har maras lo boud mire menshendar an i tala Yesreel. Oun krau, te hi o themes Israel bouder kek ray.

Josua 10:30

Oun o baro Devel das ninna kolen oun lengro baro rayes an o Israeleskro vast. Oun i Israelitarya dan len o rhareha. Lauteren, kay an ko foro djivan, dan le moulo, oun moukan kekes krik te nashell. Oun ko baro rayeha kran le yaake har o baro rayeha pral o foro Yericho.

Josua 11:8

Oun o baro Devel das len an o Israeleskro vast. Oun yon dan len, oun lan len palla bis pash ko baro foro Sidon oun bis pash Misrefot-Mayim oun bis an ko telstouno them Mispe kote kay o kham pre djala. Oun yon maran len lauteren oun moukan kekes krik te nashell.

Josua 15:56

Yesreel, Yokdeam, Zanoa,

Debleskro tsiro 19:20

Oun ko firho vas tapedo, ninna leskro rhorheno rakepaskro. Ko rakepaskro kras boud baro koova, oun anas kolen ap o bengeskro drom, kay o firheskro lab ap pende lan, oun ko firhes an-mangan, hoy i menshendar kerdo vas. Oun djides van kol douy an i bari yag vitsedo, hoy zoreles rhačella oun khandella.

Debleskro tsiro 20:10

Oun o beng, kay anas len ap peskro drom, vell an i bari yag vitsedo, hoy zoreles rhačella oun khandella. Kote hi ninna o firho, oun ko rhorheno rakepaskro. Kote vell len hako tsiro bare douka.