2. Rajengro liil 1:13 - O Debleskro Lab 2024 (Sinte-Manouche)

¹³ Koy bičras o baro ray pale o triinto kopo i pralstouno lourdes, kay his les penepaske pral paash-sheel lourdende. Oun kolla van leha. Har kova pash o Eliya vas, djas yob glan o Eliya ap peskre čanga, mangas lestar peskro djipen oun penas: “Debleskro morsh, mouk te vell miro djipen kouč glan tire yaka, ninna o djipen kal paash-sheel morshendar.

O Debleskro Drom 2021 (Sinte)

¹³ Koi bitchras o baro rai pale o triinto kopo i pralstuno lurdes, kai his les penepaske pral paash-sheel lurdende. Un kolla wan leha. Har kowa pash o Elija was, djas job glan o Elija ap peskre tchanga, mangas lestar peskro djipen un penas: “Debleskro mursh, muk te well miro djipen kutch glan tire jaka, ninna o djipen kal paash-sheel murshendar.

2. Rajengro liil 1:13 ပူးပေါင်းရင်းမြစ်များ

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

2. Rajengro liil 1:12

O Eliya penas: “Te hom me i Debleskro morsh, yaake mou perell yag dran o bolepen oun rhal tout oun tire paash-sheel lourden pre.” Koy peras o Debleskri yag dran o bolepen oun rhas les oun kol paash-sheel morshen pre.

2. Rajengro liil 1:14

Tou djineh, yag peras dran o bolepen oun rhačras kol douy pralstunen pre pengre lourdentsa, kay van glan mande pash toute. Kanna mouk man ap o djipen, te djal mange gar har lenge!”

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 72:14

Yob lell len vin dran o vast kolendar, kay lenge o djipen phares kran. Oun kolendar, kay len dava dan, lell lo len krik. Lengro djipen hi leske boud moldo.

2. Mose 11:8

Palle venna tire pralstoune lauter pash mande oun vitsrenn pen glan mire pire tele oun mangenn man an oun penenn: Djan t'menge, tou oun tire tsele menshe, djan! Oun palle djah mer menge.” Oun moulo rhoyedo djas o Mose peske dran o Faraeskro kheer vin.

Gosewe laba 27:22

I kashteha vell djob tiknes kerdo an i piri. Ninna te krals yaake i dineleha, perals leskro dinlepen gar lestar tele.

Sikepaskro 9:3

Kova hi koy bibarht pash halauter, hoy djal ap kay phoub, te djal ko yekeske har ko vavareske djala. Oun koy pashel hi o dji o menshendar pherdo čilačepen oun pherdo dinlepen, yaake rah har yon djivenna; pal kova merenn le!

Jesaja 1:5

Han gomme gar doha dino? Hoske rikrenn t'mare djia pandlo oun djan doureder ap t'maro čilačo drom? T'maro tselo shero hi pherdo doukepen, oun t'maro tselo dji hi nasselo.

Jesaja 60:14

Oun i čave kolendar, kay rikran tout tele, venn pash toute, oun čivenn pen glan toute tele. Oun kolla, kay praasan tout, vitsrenn pen glan tire herya an i čik. Oun yon kharenn tout foro o baro Deblestar, oun Sion, o foro o Israeleskro Deblestar.

Jesaja 66:2

Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jeremia 5:3

Baro Devel, tire yaka dikenn ap i djipen an o čačepen. Tou dal len i phagi. – Yon hayvenn kova gar. Tou kral len paash moulo. – Oun yon ačan, har yon hi. Yon djan pal pengro shero. oun kamenn gar pengro čilačo drom te moukell.

Jakobo 4:7

Doleske, shounenn ap o Debleste! Krenn lauter, hoy yob kamella! Ma krenn, hoy o beng kamella! Yaake nashell o beng t'mendar.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.

1. Samuel 26:21

Oun o Saul penas: “Me lom doosh ap mande, miro čavo. Am pale pale! Me kamau touke bouder kek čilačepen te krell. Dikau, miro djipen his kava dives kouč an tire yaka! Kova hoy me krom, his dineles, oun anom bari doosh ap mande!”