2. Petro 3:7 - O Debleskro Lab 2024 (Sinte-Manouche)

⁷ Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

O Debleskro Drom 2021 (Sinte)

⁷ Pral o bolepen un i phub, hoi kanna kai hi, penas o Dewel, te atchenn le jaake rah, bis te wenn le chatchedo an i jag. Jon atchenn jaake rah tardo, bis te well ko diwes, kai well o Debleskri choli pral i menshende ap kai phub, un job kolen i phagi della, kai gar ap leste shunan.

2. Petro 3:7 ပူးပေါင်းရင်းမြစ်များ

Debleskri gili 102:26

Tou kral i phoub glan rah tsirya, oun tire vasta kran o bolepen.

Debleskri gili 50:3

Maro Devel vella oun moukell pes te shounell. Glan leste nashell i yag oun rhal lauter pre. Oun troul leste phourdell i baro zorelo dourho.

Jesaja 51:6

Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

Jesaja 66:15

Dik, o baro Devel vell an i yag, oun leskre vourdya hi har i zorelo phourdepen. Yob dell len lengro čilačepen pale i bari rholyah, oun leskro čingepen hi har yag, kay rhačrell.

Daniel 7:9

Oun me dikom har bare rayengre beshepangre pre-čiddo van. Oun yek, kay boud phouro his, beshas pes. Leskro ripen his parno har gib. Oun leskre balla ap leskro shero his parno har bakrengro bal. Oun leskri beshepaskri his har i bari yag. Oun i rade tel i beshepaskri his har i yag, hoy pre oun tele djal.

Zefanja 3:8

Doleske djinenn, penell o baro Devel, ko dives vell, kay vau me, oun rakrau o čačepen vin pral i phoub. Me lom mange glan, te anap i menshen khetne dran vavar themma ap i phoub, te čorap miri rholi pral lende vin. Ava, miri zoreli rholi, hoy rhačell har i yag, vell pral i tseli phoub oun rhal lat pre.

Mateo 10:15

Čačepah, me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kolla, kay djivan an i forya Sodom oun Gomorra.

Mateo 11:22

Ap ko dives, kay rakrell o Devel o čačepen vin pral i tsele menshende ap i phoub, djal kol menshenge an i forya Sidon oun Tirus feteder har t'menge kate.

Mateo 11:24

Me penau t'menge: Ap ko dives, kay rakrell o Devel o čačepen pral i tsele menshende vin, lenn t'mer i bareder phagi, har kol menshe an o foro Sodom.

Mateo 12:36

Me penau t'menge: Vell ko dives, kay rakrell o Devel o čačepen pral i tsele menshende ap i phoub vin. Kote poučell lo lendar pal hako čilačo lab, hoy yon penan.

Mateo 24:35

O bolepen oun i phoub ačenna gar. Mire laba ačenna hako tsiro.

Mateo 25:41

Oun palle penell yob kolenge, kay ap leskri servi rig tardo hi: T'mer han tel o Debleskro praasepen tardo! Djan t'menge! Djan an koy yag, hoy rhačella hako tsiro, oun hoy hi o bengeske oun leskre kourepangre kerdo!

Markus 6:11

Kote, kay lenn le t'men gar an pengro kheer dren, oun kamenn gar ap t'mende te shounell, kote djan doureder, oun denn koy čik t'mare pirendar tele! Kova sikrell kol menshende, kay yon čilačo hi.”

Johanni 12:48

Koon lell man gar pre, oun kamell gar mire laba te shounell, kova lell peskri phagi. Kol laba, hoy me rakrom, denn les i phagi ap ko dives, kay o čačepen pral i tsele menshende vi-rakedo vella.

Remarja 2:5

Oun tou kameh gar pash leste te vell. Tiro dji hi har bar. Doleske vell o Debleskri rholi baro oun bareder, hoy ap toute vella ap ko dives, kay hi o Devel o čačepaskro ray oun rakrell o čačepen vin pral i tsele menshende.

1. Korintarja 3:13

Vell ko dives, kay dikenn le, hoy hakeno pre čivas. Ap ko dives vell lauter an i yag. Oun koy yag sikrella, hoy haki boudi moldo hi.

Filiparja 1:28

Ma darenn kolendar, kay kamenn gar o Yezous Kristes, oun kay rhan pen ap t'mende! Te han zorelo an o patsepen tardo, sikrell kova lende, te djan yon nashedo, oun te lenn t'mer o djipen an o bolepen, hoy vella o Deblestar.

2. Tessalonikarja 2:3

Kova lauter hi rhorhepen. Ma patsenn kekeske, kay kova penella! Ko dives vella gar yaake rah, har peran gar boud menshe o čačo dromestar tele. Ap ko tsiro vell ko čilačo mensho diklo, kay rikrell pes ap kek čačepen. Leske hi glan-diklo, te djal lo nashedo.

1. Timoteo 6:9

Kolla, kay kamenn bravele te vell, kolla perenn an o bengeskro vast, oun anenn pen an boud dinelo oun djoungelo koova. Oun kova anell len an i bibarht oun moukell len tele te djal.

Hebrearja 12:29

Ma bistrenn, maro Devel hi yaake har i zoreli yag!

2. Petro 2:9

O Devel, maro ray, hayvell garda te dell ap kolende, kay les kamenna, te perenn le gar o čačo dromestar tele. Yob hayvell ninna kol čilačen pandlo te rikrell, te lenn le pengri phagi ap ko dives, kay vell o čačepen vi-rakedo pral i tsele menshende.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Petro 3:12

Djivenn yaake, te vell o Debleskro baro dives sikeder! Ap ko dives rhačrell o bolepen pre, oun djal paash an i yag. Oun i bolepangre momlia rhačrenna ninna pre.

1. Johanni 4:17

Mer te ham pherdo Debleskro kamlepen, palle hi men bouder kek daar glan o Debleste ap ko dives, kay o Devel o čačepen vi-rakrella pral i tsele menshende. Ninna te ham mer kanna ap kay phoub, ham mer o Debleha khetne, yaake har o Yezous Kristo o Debleha khetne hi.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.

Debleskro tsiro 17:11

Ko firho, hoy djido his, oun kanna bouder gar djivella, yob hi o orhtato. Ninna hi lo yek kol eftendar, oun djal hako tsireske nashedo.

Debleskro tsiro 17:8

Ko firho his djido, oun djivell kanna bouder gar, oun vell dran o telstunepen pale pre. Oun palle djal lo hako tsireske nashedo. I tsele menshe krenn bare yaka, te dikenn le, te vell ko firho pale, hoy djido his, oun kanna bouder gar djivella. Yon hi kolla, kolengre laba gar dren činlo van an o djipaskro liil, har i phoub gomme gar koy his.

Debleskro tsiro 20:11

Oun me dikom i baro parno beshepaskro oun koles, kay pre beshdo hi. I daryatar nashas i phoub oun o bolepen glan leste krik. Oun kek dikas len bouder pale.

Debleskro tsiro 21:1

Oun me dikom i nevo bolepen oun i nevi phoub. O phouro bolepen oun i phouri phoub his bouder gar koy. Oun o baro pani his bouder gar koy.