2. Petro 3:17 - O Debleskro Lab 2024 (Sinte-Manouche)

¹⁷ Lače phrala oun phenya, kanna djinenn t'mer, kay čilače menshe venna, kay shounenn gar ap o Debleste. Doleske denn garda, te patsenn gar o rhorhepen, hoy yon rakrenna! Ma djan lentsa, te perenn t'mer gar o čačo dromestar tele! Ačenn zoreles an o patsepen tardo!

O Debleskro Drom 2021 (Sinte)

¹⁷ Latche phrala un phenja, kanna djinenn tumer, kai tchilatche menshe wenna, kai shunenn gar ap o Debleste. Doleske denn garda, te patsenn gar o chochepen, hoi jon rakrenna! Ma djan lentsa, te perenn tumer gar o tchatcho dromestar tele! Atchenn soreles an o patsepen tardo!

2. Petro 3:17 ပူးပေါင်းရင်းမြစ်များ

Gosewe laba 1:17

Čičeske vell i netsa glan i čirkle pre-pandlo. Yon dikenn lat oun djan gar dren.

Mateo 16:11

Hayvenn t'mer kanna, kay me rakrom gar pral o maro, har penom: Denn yak! O shoutlo yarro hi gar mishto, hoy vell i Farisarendar oun i Sadducarendar!”

Mateo 16:6

Oun o Yezous penas ap lende: “Denn yak! O shoutlo yarro hi gar mishto, hoy vell i Farisarendar oun i Sadducarendar!”

Mateo 7:15

Denn yak, te patsenn gar kol rhorhene rakepangren, kay penenn, te vans le o Deblestar bičedo! Yon krenn, har te vans le t'mare phrala. An lengro dji hi le divye djoukle, kay marenna.

Johanni 16:4

Te vell ko tsiro, hounte djinenn t'mer, kay kova yaake vella, har me les t'menge penom. Me penom t'menge kova gar, har homs pash t'mende. Kanna penau t'menge kova.

Bičepangre 2:42

Oun hako tsiro van le khetne oun shounan, hoy o Yezouseskre bičepangre lenge penan. Oun yon rhan o maro khetne, oun mangan o Debles an.

Remarja 16:18

Save menshe boudrenn gar maro rayeske, o Yezous Kristeske. Na-a, yon krenn, hoy lenge kokres mishto hi. Shoukar labentsa oun baro rakepen anenn le kolen o Debleskro dromestar tele, kay denn gar yak.

1. Korintarja 10:12

Doleske, koon penella, kay yob zoreles an o patsepen hi, dell yak, te perell lo gar.

1. Korintarja 15:58

Doleske, mire kamle phrala, ačenn zoreles an o patsepen! Ma moukenn t'men kekestar o Debleskro dromestar tele te anell! Avenn hako tsiro o Debleske koy, oun boudrenn leske mishto! T'mer djinenna: Kay boudi, hoy leske krenna, hi gar čičeske.

2. Korintarja 11:3

Me darau, te vas vavar koova an t'maro shero, oun t'mer djivenn bouder gar djoudjes oun kokres o Yezous Kristeske. Me darau, te djas t'menge har i Evake, har o gosevo sap rhorhras lat, oun yoy moukas o čačo drom.

Galatarja 5:4

Koon mank t'mende djivell pal o Moseskre laba, te vell lo čačo glan o Debleste, kova moukas o Yezous Kristes. Leskro kamlepen hi bouder gar leske koy.

Efesarja 4:14

Palle ham bouder gar har tikne čave, kay lauter patsenna, kava dives yaake oun ko vavar dives vavarčandes. Oun mer shounah bouder gar ap kolende, kay rhorhenna, oun kamenn men o čačo dromestar tele te anell.

Filiparja 3:2

Denn garda, te shounenn gar ap kolende, kay hi čilače boudepangre oun djoukle. Yon kamenna, te moukenn t'men ap t'maro mass te činell, oun penenn: “Kova hounte krenn, te nay venn t'mer o Debleskre menshe!”

Kolossarja 2:5

Ninna te hom gar pash t'mende, han t'mer an miro dji. Oun me hom barhtelo, te shounau, kay han zorelo tardo an o patsepen ap o Yezous Kristeste.

Kolossarja 2:8

Denn yak, te shounenn ap kekeste, kay kamell te taprell t'men shoukar labentsa, hoy venna dran i menshengro gosvepen. Kova hi rhorhepen oun či moldo! Kol laba hi menshengro rakepen, hoy i phoure ap i čavende doureder penan oun vella i phoubyatar, oun gar o Yezous Kristestar.

2. Timoteo 4:15

Tou ninna, de tout garda glan leste! Lauter, hoy mer penam, his leske gar mishto.

Hebrearja 3:14

Te rikrah zoreles ap maro patsepen ap o Yezous Kristeste yaake rah, har djivah, palle ham čačepah leskre.

1. Petro 5:9

Ma krenn, hoy o beng t'mendar kamella! Ačenn zoreles an o patsepen! T'mer hounte djinenna, kay lenn le t'mare phralen oun phenya ap i tseli phoub ninna yaake palla har t'men.

2. Petro 2:7

O Lot kokres vas vin lino dran o foro Sodom, har i yag tele peras. Yob djivas yaake, har o Devel kamas. Oun leske doukas ko djoungelo djipen, hoy kol čilače menshe djivan.

2. Petro 3:1

Lače phrala oun phenya, kava hi o douyto liil, hoy me t'menge činau. Kalla lila činau, te venn t'mer gar khino an t'maro patsepen. Ma bistrenn,

Debleskro tsiro 2:5

Moukenn t'menge kova an o shero te djal, har dour t'mer mandar tele peran. Avenn pale o tselo djiyeha pash mande! Djivenn ko djipen, hoy djivan, har t'maro patsepen ap mande terno his. Te krenn kova gar, palle vau, oun lau t'mari momeli krik, oun čivrau lat ap i rig.