2. Petro 3:12 - O Debleskro Lab 2024 (Sinte-Manouche)

¹² Djivenn yaake, te vell o Debleskro baro dives sikeder! Ap ko dives rhačrell o bolepen pre, oun djal paash an i yag. Oun i bolepangre momlia rhačrenna ninna pre.

O Debleskro Drom 2021 (Sinte)

¹² Djiwenn jaake, te well o Debleskro baro diwes sikeder! Ap ko diwes chatchrell o bolepen pre, un djal paash an i jag. Un i bolepangre momlia chatchrenna ninna pre.

2. Petro 3:12 ပူးပေါင်းရင်းမြစ်များ

Debleskri gili 50:3

Maro Devel vella oun moukell pes te shounell. Glan leste nashell i yag oun rhal lauter pre. Oun troul leste phourdell i baro zorelo dourho.

Jesaja 24:19

Oun i phoub phagell khetne, phagell an kotya oun perell khetne.

Jesaja 34:4

Oun i tsele bolepangre momlia perenn khetne. Oun o bolepen tserdell pes khetne har i liil, hoy vell khetne lino. Oun kol bolepangre momlia perenn tele har moule patria ap o drakengro rouk oun har fayge, hoy gar bares van ap i faygetikro rouk.

Micha 1:4

Tel leskre pire venn i berge tikno har i momeli, hoy tele rhačell, oun perenn tele an i tala, yaake har o pani i berga tele nashell.

Mateo 16:27

Me hom o Mensheskro Čavo. Oun me vau pale ap i phoub an o raylepen, hoy das man miro dad an o bolepen. Oun mantsa venna mire bolepangre. Oun palle dikau ap hakeneste, hoy yob kras. Oun me dau lačo koova kolen, kay lačo koova kran. Oun me dau i phagi kolen, kay čilačo koova kran.

Mateo 16:28

Čačepah, me penau t'menge: Mashkral t'mende hi save menshe, kay merenn gar, bis te dikenn le o Menshengro Čaves, har yob o baro ray hi.

Filiparja 1:6

Doleske djinau: O Devel kras i lači boudi an t'mende. Oun yob krell ninna, te ačenn pash leste, te venn lačes glan leste tardo ap ko dives, kay vell o Yezous Kristo pale.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

2. Petro 3:10

Kek djinell o dives, kay maro ray Yezous pale vella. Ko dives vella yaake har i dre-phagepaskro vella. Palle djal o bolepen krik bari golyah. I bolepangre momlia rhačrenna krik. Ninna i phoub oun ko tselo koova, hoy ap i phoub hi, rhačrella pre.

2. Petro 3:11

Mer djinah, kay lauter yaake paash djala. Doleske hounte kras mer lauter, te ačas o Debleha, oun djivas yaake, har yob kamella.

2. Petro 3:4

oun penenn ap t'mende: “Kay hi t'maro Yezous? Yob penas, kay yob pale vella. Mare phoure meran, oun lauter ačas yaake har his, har i phoub kerdo vas.”

2. Petro 3:7

Pral o bolepen oun i phoub, hoy kanna kay hi, penas o Devel, te ačenn le yaake rah, bis te venn le rhačedo an i yag. Yon ačenn yaake rah tardo, bis te vell ko dives, kay vell o Debleskri rholi pral i menshende ap kay phoub, oun yob kolen i phagi della, kay gar ap leste shounan.

Judas 1:21

Oun rikrenn t'men an o Debleskro kamlepen! Oun dikenn ap maro rayeste, o Yezous Kristeste! Kova hi yaake lačo ap mende, te dell lo men o djipen, hoy gar pre-herella.