2. Petro 2:6 - O Debleskro Lab 2024 (Sinte-Manouche)

⁶ Oun o Debleskri rholi vas pral kol forya Sodom oun Gomorra. Oun yob rhačras kol forya yaake te ačas či har barra oun yagakri čik. Yaake sikras yob kolende, kay pal lende venna, hoy djal kolentsa, kay gar ap leste shounenna.

O Debleskro Drom 2021 (Sinte)

⁶ Un o Debleskri choli was pral kol forja Sodom un Gomorra. Un job chatchras kol forja jaake te atchas tchi har barra un jagakri tchik. Jaake sikras job kolende, kai pal lende wenna, hoi djal kolentsa, kai gar ap leste shunenna.

2. Petro 2:6 ပူးပေါင်းရင်းမြစ်များ

1. Mose 19:28

Oun o Abraham dikas tele ap kol forya Sodom oun Gomorra oun pral ko tselo them pash o pani Yordan, oun dikas i bari yagakro dourho pre te djal har dran i baro bob.

Jesaja 1:9

Te moukals o baro Devel, ko ray pral o bolepen oun i phoub, gar mendar pral, djals menge har i foryenge Sodom oun Gomorra.

Jesaja 13:19

O Babilon his i shoukester foro mank i rayengre themma. Koleha sharenn pen i Kaldearya. O Devel krell kava foro paash, yaake har lo i forya Sodom oun Gomorra paash kras.

Jeremia 50:40

Yaake har das o Devel i forya Sodom oun Gomorra khetne, ninna kol forya troul lende, yaake djal ninna o themeske Babilonia: Ko them vell yaake paash dino, kay nay djivell bouder kek mensho koy. Kova penell o baro Devel.

Hosea 11:8

Har nay moukaus me toutar, Efrayim, har nay daus tout an o vast kolendar, kay marenn tout, Israel? Kraus me touha, har krom kol foryentsa Adma oun Seboyim? Na-a, kova phagals miro dji! Tou khayteh man yaake!

Amos 4:11

His save forya pash t'mende, kay krom yaake paash, har krom i forya Sodom oun Gomorra paash. Oun t'mer hans har i kotar kasht, hoy vas vin tserdedo dran i yag. Ninna palle van t'mer gar pale pash mande, penell o baro Devel.

Zefanja 2:9

Me, o baro Devel, kay hom o ray pral o bolepen oun i phoub oun o Israeleskro Devel, me dau man sovel pash miro djipen: Ko dives vella, kay djal kol themenge Moab oun Ammon har i foryenge Sodom oun Gomorra. Hako tsireske venn kal themma i moulo them, kay loneskre groube hi, oun divyo zenlepen bares vella. Kolla, kay mire menshendar djido ačan, yon randenn len vin, oun lenn penge ninna lengro them.

4. Mose 26:10

Oun i phoub kras peskro mouy pre, oun tserdas len tele khetne o morsheha, o Korah. Oun kol 250 (douy-te-paash-sheel) morsha, kay djan lentsa, meran an i yag. Yaake van le i sikepen, te dikan i menshe, hoy hi.

Mateo 10:15

Čačepah, me penau t'menge: Ap ko dives, kay o Devel o čačepen pral i tsele menshende ap i phoub vi-rakrella, lenna kol menshe, kay lan t'men gar pre, i bareder phagi har kolla, kay djivan an i forya Sodom oun Gomorra.

Mateo 11:23

Oun t'mer menshe an o foro Kapernaum, patsenn t'mer, kay venn t'mer an o bolepen hadedo? Na-a! T'mer djan an o moulengro them tele. O baro koova, hoy krom an o Debleskri zoor pash t'mende, te kroms kova an o foro Sodom, palle vals ko foro gomme kava dives.

Remarja 9:29

Kova hi yaake har o Debleskro rakepaskro, o Yesaya, penas: Te moukals o Devel, ko ray pral o bolepen oun i phoub, gar čave mendar te ačenna pral, palle merans mare tsele menshe yaake har i menshe an i forya Sodom oun Gomorra.

1. Korintarja 10:11

Kova lauter, hoy ap lende vas, sikrell men, hoy nay vella. Oun mer, kay djivah kava dives oun djinah, te ačell kava tsiro bouder gar rah, menge vas kova činlo an i lila, te das mer yak ap mende.

5. Mose 29:23

Palle penenn i menshe dran i tsele vavar themma: “Hoske kras o baro Devel kava kau themeha? Hoske vas lo yaake rhoyedo?”

Hebrearja 4:11

Doleske čivas mer maro tselo dji koy pre, te vas an leskro them dren, kay ham hako tsiro pash leste khere. Das yak, te perell kek mendar o Debleskro dromestar tele, har kol menshe an o phouro tsiro, kay shounan gar ap o Debleste!

Judas 1:15

Yob vell, te rakrell lo o čačepen vin pral i tsele menshende, oun te dell lo kolen i phagi, kay djan gar ap o Debleskro drom oun kran gar, hoy yob kamas, oun čingran ap leste čilače labentsa.

Judas 1:7

Yaake lan ninna kol menshe i phagi, kay djivan an i forya Sodom oun Gomorra oun an kol forya troul lende. Yon kran vi-ladjedo koova har kol bolepangre oun djan vavar mass palla. I phagi, hoy pral kol menshende vas, sikrell mende, hoy kolenge djal, kay savo koova krenna. Yon djan an i yag, hoy hako tsiro rhačella.