2. Petro 2:21 - O Debleskro Lab 2024 (Sinte-Manouche)

²¹ Yon prindjran o čačo drom, oun moukan les. Yon kamenn bouder či te shounell o Debleskro lab, hoy lenge penlo vas. Lenge vals feteder, te djinans yon o Debleskro drom gar.

O Debleskro Drom 2021 (Sinte)

²¹ Jon prindjran o tchatcho drom, un mukan les. Jon kamenn buder tchi te shunell o Debleskro lab, hoi lenge penlo was. Lenge wals feteder, te djinans jon o Debleskro drom gar.

2. Petro 2:21 ပူးပေါင်းရင်းမြစ်များ

Debleskri gili 125:5

Kolen, kay tiro drom moukenn oun djan ap bange dromma, deh tou, baro Devel, i phagi khetne kolentsa, kay i vavarenge čilačepen krenna. Barht te vell pral o Israel!

Debleskri gili 85:8

Baro Devel, ab menge lačes, oun kre lauter menge pale mishto!

Gosewe laba 12:28

O djipen hi kote, kay djan le ap o čačo drom. Kava drom hi mishto kerdo oun anell gar an o merepen.

Gosewe laba 16:31

Parne balla hi har i kouč rayeskri stadi, hoy o Devel kolen dell, kay leskro drom djan.

Ezekiel 18:24

I lačo morsh, te moukell yob peskro lačo drom, oun krell kanna o čilačepen, oun ko tselo djoungelo koova, hoy ko čilačo kras, ačell lo djido? Na-a! Ko tselo lačo oun čačo koova, hoy lo kras, vell bistedo. Yob moukas o Debleskro drom oun anas doosh ap peste. Doleske hounte merell lo.

Ezekiel 23:13

Oun me dikom, te kras li pes pale-čiddo lentsa, yaake har lakri phoureder pheen ninna kras.

Ezekiel 3:20

Te djal i lačo mensho peskro lačo dromestar tele, oun krell o čilačepen, oun tou deh les gar trad, krau, te perell lo. Peskri doshake hounte merell lo. Oun ko lačepen, hoy kras lo glan kova, vell bistedo. Ap toute penau me palle: Tout hi doosh ap leskro merepen.

Ezekiel 33:13

Te penau me ap i lačo oun čačo mensho: Tou djivess! Oun yob patsell, kanna nay djal leske či, oun krell o čilačepen, palle vell ko tselo čačepaskro koova bistedo, hoy lo kras. Oun yob merell peskro čilačepaske, hoy yob kras.

Zefanja 1:6

Marau ninna kolen, kay perenn mandar tele, oun kolen, kay poučenn gar pal mande, oun kamenn či mandar te djinell.

Mateo 21:32

Har o Yohanni pash t'mende vas, te sikrell lo t'mende o čačo drom, patsan t'mer leske gar. I pale-čidde oun i loubya patsan ap leskre laba. Ninna har t'mer dikan, te patsan kolla ap leskre laba, moukan t'mer gar t'maro čilačo drom oun patsan leske vitar gar.”

Louka 12:47

Ko boudepaskro, kay djinella, hoy peskro ray lestar kamella, oun krell kova gar, kova lell boud dava.

Johanni 15:22

Te voms me gar pash lende, oun penoms lenge gar halauter, lans le kek doosh ap pende. Kanna nay penenn yon gar: Mer djinam gar, kay kova, hoy kram, čilačo hi.

Johanni 9:41

Koy penas o Yezous ap lende: “Te hans korelo, vals t'men kek doosh. T'mer penenn: Mer dikah. Doleske ačell i doosh ap t'mende.”

Remarja 7:12

Mer djinah: O Moseskre laba venna o Deblestar. Lauter, hoy yob mendar kamella, vell lestar, oun hi čačo oun lačo.

Galatarja 6:2

Yek hounte dikell ap ko vavareste oun hidjrella leha, hoy an leskro dji leske doukrella. Yaake krenn t'mer kova, hoy o Yezous Kristo t'mendar kamella.

1. Tessalonikarja 4:2

T'mer djinenna, hoy yob t'mendar kamella. Mer penam les t'menge.

1. Timoteo 6:14

Rike o tselo djiyeha ap kol laba, hoy touke penlo van, te hatsell kek i doosh ap toute. Ač koy pashel yaake rah har maro ray, o Yezous Kristo, gomme gar pale vas.

Hebrearja 10:26

Te kamell yek ap i čilačo drom te djal, oun krell kova ninna, ninna te prindjrell lo o čačepen, koleske hi bouder kek koy, kay nay merals, te lell lo leskri doosh krik.

Jakobo 4:17

Koon djinell o lačepen, oun krell les gar, kova anell doosh ap peste.

2. Petro 3:2

hoy penan o Debleskre rakepangre glan i rah tsiro! Bistrenn vitar gar kol laba, hoy t'menge kolla penan, kolen maro ray Yezous pash t'mende bičras, – yob, kay las men dran o čilačepen vin.

Judas 1:3

Mire phrala oun phenya, his i tsiro, kay kamoms t'menge an i liil te činell, har lačo o Devel ap mende hi, te las lo men dran o čilačepen vin. Pral kova kamau me kanna bouder gar te činell. Kanna dikau, hi feteder, te činap t'menge, te ačenn zoreles an o patsepen. Ma moukenn t'men o Debleskro dromestar tele te anell! Leskro lab, hoy t'menge penlo vas, ačell čačo hako tsiro.