2. Petro 2:18 - O Debleskro Lab 2024 (Sinte-Manouche)

¹⁸ Yon rakrenn bare laba, kay či moldo hi. Lengro vi-ladjedo djipen tserdell kolen ap o čilačo drom, kay dan glan i tikno tsiro pengro phouro djipen pre.

O Debleskro Drom 2021 (Sinte)

¹⁸ Jon rakrenn bare laba, kai tchi moldo hi. Lengro wi-ladjedo djipen tserdell kolen ap o tchilatcho drom, kai dan glan i tikno tsiro pengro phuro djipen pre.

2. Petro 2:18 ပူးပေါင်းရင်းမြစ်များ

1. Rajengro liil 13:19

Yaake anas ko phouro o Debleskro morshes pale, te rhal lo maro oun te piyell lo pani an peskro kheer.

Ezekiel 35:13

Yaake phourdan t'men pre, oun t'maro baro mouyeha hadan t'men pral mande. Me shounom halauter.

Daniel 11:36

Oun ko baro ray krell, hoy yob kamell. Yob hadell pes oun patsell, te hi lo bareder har hako devel. Ninna pral o pralstouno Debleste rakrell lo savo koova, hoy nay rakrell kek vin. Oun kova krell lo yek tsireske, oun djal leske mishto, bis te vell o Debleskri rholi pral leste. Palle krell o Devel, hoy las lo pes glan.

Daniel 4:30

Oun gomme an ko tsiro, har lo koy pral tardo his, vas kava lab čačo. Oun yob vas pale-čiddo oun djivas bouder gar mank i menshende. Oun yob rhas khass har i groumya. Oun yob čivas pes vin tele. Oun o brishin peras ap leste tele oun kras les sapeno. Leskre balla van yaake lengsto har i phora bare čirklendar, oun leskre naya bango har i čirklengre tsebe.

Bičepangre 2:40

Oun boud vavar labentsa rakras o Petro lentsa, oun mangas len, oun penas ap lende: “Moukenn t'men vin te lell dran o čilačepen, te lenn gar koy phagi, hoy vell pral kal čilače menshende, kay djivenn an kava tsiro.”

Bičepangre 8:9

An ko foro Samaria his ninna i morsh, kova his i dourkepaskro. Leskro lab his Simon. Yob penas pestar, te hi lo i baro morsh. Oun i menshe an ko foro kran bare yaka pral kova, hoy yob kras.

Remarja 13:13

Djivas yaake djoudjo, har djivenn i menshe ap o dives. Te djas gar kote, kay rhan le pen nasselo oun piyenn pen mato! Te kras gar vi-ladjedo koova! Te čingras gar, oun dikas gar čilače yakentsa ap kova, hoy o vavares hi!

Efesarja 4:17

Me penau t'menge zoreles, hoy mange o ray Yezous penas: Ma djivenn bouder har kol menshe, kay prindjrenn o Debles gar! Kova, hoy an lengro shero trouyel djala, hi či moldo.

2. Tessalonikarja 2:4

Yob hadell pes pral o Debleste oun pral halauter, hoy i menshe an-mangenna, oun beshell pes an o Debleskro baro kheer, oun krell, har te vals yob o Devel.

Jakobo 5:5

T'menge djas mishto ap kay phoub, t'mer rhan oun piyan, oun van pesso, yaake har i firhe, kay venn maredo.

2. Petro 1:4

Glan i rah tsiro penas o Devel i menshenge, te bičrell lo lenge yekes, kay lell len dran o merepen vin, oun dell len o Debleskro djipen. Ko baro oun kouč koova kras lo kanna menge. Mer lam o Debleskro djipen oun hounte kras bouder gar ko djoungelo koova, hoy i menshe ap kay phoub yaake kamenna, oun hoy anell lenge o merepen.

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

2. Petro 2:2

Boud vavar dikenn lengro vi-ladjedo djipen, oun krenn yaake har yon, oun djivenn ninna i vi-ladjedo djipen. Doleske rakrenn kolla, kay gar patslo hi, djoungeles pral o Debleskro drom.

2. Petro 2:20

Yon hayvan, kay maro ray, o Yezous Kristo, lenge meras, oun dan pengro phouro djipen pre. Oun palle van le ap ko djoungelo drom pale. Kanna hi lengro djipen djoungleder har glan ko tsiro.

2. Petro 2:7

O Lot kokres vas vin lino dran o foro Sodom, har i yag tele peras. Yob djivas yaake, har o Devel kamas. Oun leske doukas ko djoungelo djipen, hoy kol čilače menshe djivan.

2. Petro 3:17

Lače phrala oun phenya, kanna djinenn t'mer, kay čilače menshe venna, kay shounenn gar ap o Debleste. Doleske denn garda, te patsenn gar o rhorhepen, hoy yon rakrenna! Ma djan lentsa, te perenn t'mer gar o čačo dromestar tele! Ačenn zoreles an o patsepen tardo!

Judas 1:13

Yon hi har divye panya, hoy vitsrenn pengro čik, hoy an lende hi, vin ap i phoub glan lende. Yon hi har bolepangre momlia, hoy dran pengro drom vin djan, oun hounte djan kanna hako tsireske an i kali rat.

Debleskro tsiro 13:11

Oun me dikom i vavar firhes dran i phoub pre te vell. Oun les his douy shinga har i terno bakro. Oun yob rakras har o baro lolo sap.