2. Petro 1:20 - O Debleskro Lab 2024 (Sinte-Manouche)

²⁰ Oun kova hounte djinenn t'mer: Kek Debleskro rakepaskro rakras nay pestar Debleskre laba.

O Debleskro Drom 2021 (Sinte)

²⁰ Un kowa hunte djinenn tumer: Kek Debleskro rakepaskro rakras nai pestar Debleskre laba.

2. Petro 1:20 ပူးပေါင်းရင်းမြစ်များ

Remarja 12:6

O Devel das hakenes mendar i vavar boudi leske te krell, yaake har yob an peskro lačepen les mishto rikras. Koy hi save patsle, kay penenn i menshenge i lab, hoy o Deblestar vella. Koy boudi hounte krenn le yaake, har maro patsepen penella.

Remarja 13:11

Denn yak, te krenn kova! T'mer hayvan, havo tsiro kanna hi. O dives vell sik, kay vell o Yezous Kristo pale. Har van t'mer patslo, his ko tsiro dour t'mendar. Kanna hi ko dives bouder gar dour t'mendar. Doleske hounte vas gar har menshe, kay sovenna.

Remarja 6:6

Mer djinah, maro phouro djipen vas leha ap o troushel dino oun meras, te vell o čilačepen bouder gar o ray pral mende.

1. Timoteo 1:9

Mer djinah, o Moseskre laba van gar činlo kolenge, kay pal o čačepen djivenna. Kol laba van činlo kolenge, kay gar pal o čačepen djivenna, oun kay gar ap o Debleste shounenna. Kol laba van činlo kolenge, kay gar ap o Debleste patsenna, oun krenna, hoy yob gar kamella. Kol laba van činlo kolenge, kay lengro dji djoungelo hi, oun kolenge, kay praasenn o Debles. Kol laba van činlo kolenge, kay marenn o dades oun i da, oun ninna vavar menshen.

2. Timoteo 3:16

Lauter, hoy an o Debleskro lab činlo hi, čivas o Devel an i menshengre djia, te činenn le kova pre. Men hounte vell o Debleskro lab, te sikras i menshende leskro drom, te sikras len lengri doosh, oun hoy te krenn le feteder, oun har te djivenn le i djipen, hoy o Devel kamella.

Jakobo 1:3

Te vell savo koova ap t'mende, oun t'mer moukenn gar tele te patsenn ap o Yezous Kristeste, palle venn t'mer zorleder an o patsepen oun denn gar sik pre.

2. Petro 3:3

Me kamau, te djinenn t'mer, glan ko tsiro, kay o Yezous Kristo pale vella, venna menshe pash t'mende, kay san pral t'maro patsepen. Kolla djivenn yaake har yon kamenna,