2. Petro 1:1 - O Debleskro Lab 2024 (Sinte-Manouche)

¹ Me, o Simon Petro, činau kava liil. Me boudrau o Yezous Kristeske oun hom leskro bičepaskro. Me činau ap lauterende, kay lan ninna ko patsepen har mer. Ko kouč patsepen, kay čivas men an o čačepen glan o Debleste, das men maro Devel oun o Yezous Kristo, kay las men dran o čilačepen vin.

O Debleskro Drom 2021 (Sinte)

¹ Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

2. Petro 1:1 ပူးပေါင်းရင်းမြစ်များ

Jesaja 12:2

O Devel lell man dran i bibarht vin. Me rikrau ap leste, oun darau gar. Peskri zoryah vas o baro Devel ap miri rig. Miri gilyah sharau les dran o dji. Yob las man vin.

Jeremia 33:16

An ko tsiro venn i menshe an Youda vin lino dran i čilače vasta, oun kolla an Yerusalem nay djivenn kek daryah. Oun o foro vell kharedo o baro Devel krell men čačo.

Mateo 10:2

Kolla hi i laba kol deesh-te-douyendar, kolen o Yezous pash i menshende bičras: O glanstouno his o Simon, kay kharas ninna Petro, oun leskro phraal Andreas, oun o Yakobo oun leskro phraal Yohanni, – kolengro dad his o Zebedeo,

Mateo 4:18

Oun har yob pash o baro pani an o them Galilea djas, dikas lo kote douy phralen: O Simon, kay kharella ninna Petro, oun leskro phrales, o Andreas. Kolla his mačepangre, oun vitsran pengre mačengre gone an o pani, te taprenn le mačen.

Louka 1:47

Oun miro dji dell gole i barhtyatar pral mo Debleste. Yob hi ap miri rig.

Louka 11:49

O Devel djinas kova. Doleske penas lo glan i rah tsiro: Me bičrau mire rakepangren oun mire bičepangren pash lende. Oun mashkral lende hi save morsha, kay venn lendar maredo, oun vavar venn palla lino.

Johanni 1:42

Oun o Andreas anas peskro phrales pash o Yezouseste. Har o Yezous koles dikas, penas lo: “Tou hal o Simon, ko Yohanneskro čavo. Tou khareh kanna Kefas.” Ko kharella baro bar.

Johanni 12:26

Koon kamell mange koy te vell, kova hounte djal mantsa. Kote, kay me hom, hi ninna kova, kay mange koy hi. Kova, kay mange koy hi, vell sharedo miro dadestar.

Johanni 20:21

Pale penas o Yezous ap lende: “O Debleskri barht t'mentsa! Har miro dad man bičras, yaake bičrau me t'men.”

Bičepangre 15:14

O Simon ginas menge dren, hoy o Devel lauter kras, te venn ninna kolla, kay kek bibolde hi, leskre menshe, oun te venn le leske koy.

Remarja 1:1

Me, o Paulo, o boudepaskro o Yezous Kristestar, činau kava liil. Yob das man gole, te vap leskro bičepaskro, oun rodas man vin, te sikrap i menshende leskro drom.

Remarja 1:12

Te dikah o patsepen, hoy an o vavareste hi, vah mer khetne zoreles an maro patsepen.

Remarja 1:17

An kava lab sikrell o Devel, koon glan leste čačo hi: Kolla, kay patsenna oun denn pengro patsepen gar pre. Lengro čačepen vell dran o patsepen. Yaake hi kova činlo an o Debleskro lab: Kova, kay patsella, kova vell čačo glan o Debleste oun djivella.

1. Korintarja 1:30

O Devel kras, te van t'mer ap o Yezous Kristeskro drom. Kanna djinah, hoy čačepah gosvepen hi. O Yezous Kristo kras men čačo glan o Debleste. Yob rodas men vin, te vas leske koy, oun las mari doosh mendar krik.

1. Korintarja 15:9

Me lom i patslen palla, te marap len. Doleske hom me o tikneder mashkral lende, kolen o Yezous bičras, te penenn le i menshenge o lačo lab lestar. Oun me hom gar moldo, te penenn yon, kay me yek lendar hom.

1. Korintarja 9:1

Dikenn ap mande, har me hom! Me nay kroms, hoy me kamau, oun me krau les gar. Hom me gar o Yezouseskro bičepaskro? Ava, me hom o Yezouseskro bičepaskro. Me dikom o Yezouses, maro rayes. T'mer djinenna, koon t'men ap o Debleskro drom anas. Kova homs me.

2. Korintarja 4:13

Mer patsah ap o Yezous Kristeste. Doleske rakrah lestar. Yaake krah mer har ko morsh, kay činas an o Debleskre gilya: Me patsom o Debles. Doleske rakrom lestar.

2. Korintarja 5:21

O Devel čivas mari tseli doosh ap maro rayeste, o Yezous Kristeste, kay yob kek čilačepen kras, te vas mer čačo oun erligo glan o Debleskre yaka.

Galatarja 2:8

Kova, kay bičras o Petres pash i biboldende, hi kova, kay man bičras pash kolende, kay kek bibolde hi.

Efesarja 3:5

An o phouro tsiro djinan i menshe kova gar. Kanna djinenn les o Debleskre bičepangre oun rakepangre. Lenge čivas les o Debleskro Dourho an o dji.

Efesarja 4:11

Yob hi kova, kay das i patslen pengri boudi. Koy hi kolla, kolen yob bičras, te penenn le i menshenge lestar. Vavar rakrenna, hoy yob lenge an o dji čivas, hoy kek vavar djinella. Vavar anenn kol menshen, kay gar patslo hi, pash o Yezous Kristeste. Pale vavar rikrenn i patslen khetne, oun sikrenn lende o Debleskro drom.

Efesarja 4:5

T'men hi o emligo ray, oun o emligo patsepen. Oun t'mer lan o emligo Debleskro thopen.

Filiparja 1:1

Mer, o Paulo oun o Timoteo, činah kava liil. Mer boudrah o Yezous Kristeske, oun činah kava liil ap lauterende, kolen o Devel vin gole das an o foro Filipi, te patsenn le ap o Yezous Kristeste. Kava liil hi ninna i pralstunenge, kay denn garda ap i patslende, ninna kolenge, kay krenn o Debleskri boudi mashkral i patslende.

Filiparja 1:29

O Devel hi t'menge lačo, oun das t'men o patsepen ap o Yezous Kristeste, oun gar o patsepen kokres. Na-a, dran o patsepen ap leste, hounte lenn t'mer ninna douka ap t'mende.

Filiparja 3:9

Leske kamau te djivell. Har djivom pal o Moseskre lila kras man kova gar čačo glan o Debleste. Na-a, miro patsepen ap o Yezous Kristeste kras man čačo glan o Debleste. Koon patsell ap o Yezous Kristeste, koles čivell o Devel an o čačepen.

2. Timoteo 1:5

Dikom tiro patsepen, an koleste kek rhorhepen hi. Kava patsepen his ninna an tiri mamyate Lois, oun an tiri date Eunike. Oun me djinau, kay djivell kava patsepen ninna an toute.

Tito 1:1

Me, o Paulo, činau kava liil. Me hom o Debleskro boudepaskro. Oun o Yezous Kristo bičras man pash kolende, kolen o Devel peske vin rodas, te krap lengro patsepen zoreles, te hayvenn le o tselo čačepen, oun te djan le ap o Debleskro drom.

Tito 1:4

Me činau ap toute, Tito. Tout oun man hi yek patsepen. Doleske hal tou har miro čačo čavo. Mou vell tout lačepen oun barht an o dji! Kova dell tout o Devel, maro dad, oun o Yezous Kristo, kay las men dran o čilačepen vin.

Tito 2:13

Oun mer dikah ap ko barhtelo dives, kay vell o Yezous Kristo pale an o shoukar raylepen. Yob hi maro baro Devel, kay las men dran o čilačepen vin.

Jakobo 1:1

Kava liil činau me, o Yakobo, kova, kay boudrell o Yezous Kristeske oun o Debleske. Me penau lače laba kolenge, kay patsenn ap o Yezous Kristeste oun djivenn mashkral kolende, kay gar patslo hi.

1. Petro 1:1

Me, o Petro, činau kava liil. Me hom o Yezous Kristeskro bičepaskro, oun činau kava liil t'menge, kay djivenn an i themma Pontus, Galatia, Kappadocia, Asia oun Bitinia. T'mer han o Yezouseskre menshe oun djivenn mashkral kolende, kay patsenn gar ap o Yezous Kristeste.

1. Petro 1:7

Kova vella pral t'mende, te vell t'maro patsepen zorelo. Yaake har o sonakay an i yag djoudjo oun kouč kerdo vella, yaake hounte vell t'maro patsepen ninna djoudjo oun kouč kerdo. T'maro patsepen hi boudeder moldo har o sonakay, hoy ačell gar. Te ačell t'maro patsepen zorelo, palle sharell t'men o Devel oun krell t'men bares oun rayles ap ko dives, kay vell o Yezous Kristo pale.

1. Petro 2:7

Kava bar hi kouč t'menge, kay patsenna. Kava bar hi gar kouč kolenge, kay gar patsenna. Yon perenn pral kava bar, oun rhoyrenn pen koy pral, yaake har činlo hi an o Debleskro lab: Ko bar, hoy kol boudepangre ap i rig vitsran, kova vas ko bar, ap koleste ko tselo kheer tardo hi; pral ko bar perenn i menshe, oun rhoyrenn pen koy pral. Kolla kay patsenn gar ap o Debleskro lab, perenn pral leste. Yaake hounte djal lenge.

1. Petro 5:1

Kanna rakrau ap kolende, kay hi i phoureder mank t'mende. Me hom ninna i phoureder, oun dikom mire yakentsa, har o Yezous Kristo ap o troushel meras. Oun ap ko dives, kay vell peskro tselo raylepen diklo, hom me ninna pash leste. T'menge penau zoreles:

2. Petro 1:4

Glan i rah tsiro penas o Devel i menshenge, te bičrell lo lenge yekes, kay lell len dran o merepen vin, oun dell len o Debleskro djipen. Ko baro oun kouč koova kras lo kanna menge. Mer lam o Debleskro djipen oun hounte kras bouder gar ko djoungelo koova, hoy i menshe ap kay phoub yaake kamenna, oun hoy anell lenge o merepen.

Judas 1:1

Me, o Youdas, činau kava liil ap t'mende, kolen o Devel peske vin rodas. Yob hi t'maro dad oun kamell t'men o djiyestar. Oun o Yezous Kristo dell garda ap t'mende. Me hom o Yezous Kristeskro boudepaskro oun o Yakobeskro phraal.