2. Mose 9:6 - O Debleskro Lab 2024 (Sinte-Manouche)

⁶ Oun o baro Devel kras kova ap o vavar dives yaake. Oun i tsele firhe, hoy i Egiptaryen his, meran. Kol firhendar, hoy i Israelitaryen his, meras kek firho.

O Debleskro Drom 2021 (Sinte)

⁶ Un o baro Dewel kras kowa ap o wawar diwes jaake. Un i tsele vieche, hoi i Egiptarjen his, meran. Kol viechendar, hoi i Israelitarjen his, meras kek viecho.

2. Mose 9:6 ပူးပေါင်းရင်းမြစ်များ

Debleskri gili 78:48

I brishineskre barra dan lengre groumyen moulo, oun koy yag, hoy pral oun tele djas ap o bolepen, das i bakren moulo.

Debleskri gili 78:50

Oun o Devel rikras peskri rholi gar pale, oun las len gar vin dran o merepen, oun moukas len te merell ap i djoungelo nasslepen.

2. Mose 12:12

Oun me djau an kaya rat mashkral o tselo them Egiptia, oun dau i tsele morsh čaven temerl, kay hi i phoureder čave pengre dayendar, kolla, kay i menshestar, ninna i firhestar boldo van. Yaake dau me kolende lauterende i phagi, kay kharenn pen devel, oun kolen i Egiptarya an-mangenna. Me hom o baro Devel.

2. Mose 12:29

Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

2. Mose 8:22

O Mose penas: “Kova djal gar. Kol firhen, hoy mer maro baro Debleske marah, hi pale-čiddo pash i Egiptarya. Te marah mer kol firhen kote, kay i Egiptarya nay dikenn men, palle hadenn yon barra pre oun vitsrenn men lentsa moules.

2. Mose 9:25

Oun kol brishineskre barra dan an o tselo them Egiptia lauter paash, hoy vin his: menshe har firhe, ninna o tselo zenlepen ap i harhetikri phoub. Oun i rouka van tele phagedo.

2. Mose 9:26

Kokres an o them Gosen, kay i Israelitarya djivan, kote peras kek barrengro brishin tele.

2. Mose 9:4

Kava baro nasslepen vell gar ap i firhende, hoy i Israelitaryen hi. O baro Devel krell vavarčandes pash i Egiptarya har pash i Israelitarya. Kolendar merell kek firho.”

2. Mose 9:5

Ninna penas o baro Devel o tsiro, kaana yob kova krella, oun penas: “Taysar moukell o baro Devel kay bibarht pral o them te vell.”