2. Mose 9:28 - O Debleskro Lab 2024 (Sinte-Manouche)

²⁸ Mang o baro Debles, te vell kanna o barrengro brishin doha, oun te dell o bolepen bouder gar gole! Palle moukau me t'men te djal, oun rikrau t'men bouder gar kay.”

O Debleskro Drom 2021 (Sinte)

²⁸ Mang o baro Debles, te well kanna o barrengro brishin doha, un te dell o bolepen buder gar gole! Palle mukau me tumen te djal, un rikrau tumen buder gar kai.”

2. Mose 9:28 ပူးပေါင်းရင်းမြစ်များ

1. Rajengro liil 13:6

Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

2. Mose 10:17

Yaake mangau t'men, bistrenn miri doosh kokres kava yek kopo, oun mangenn t'maro baro Debles, te lell lo kava merepen mandar krik.”

2. Mose 10:24

Kote moukas o Farao o Moses gole te dell, oun penas ap leste: “Djan oun mangenn t'maro baro Debles an! Ninna t'mare romya oun čave nay djan t'mentsa. Kokres t'mare bakren, bouzya oun groumyen moukenn kay!”

2. Mose 10:8

Kote pre vas o Mose oun o Aron pale glan o Farao anlo. Oun yob penas ap lende: “Djan oun mangenn t'maro baro Debles an! Koon hi kolla t'mendar, kay djan?”

2. Mose 11:1

Palle penas o baro Devel ap o Mose: “Yek vavar bibarht kamau me pral o Farao oun pral o tselo them Egiptia te anell. Pal koya moukell lo t'men te djal. Oun kova hi gar doha: yob tradell t'men vin.

2. Mose 8:25

Oun o Mose penas: “Ava, te djom me toutar vin, palle mangau o baro Deblestar, te djan i matsille, hoy čourye denn, taysar penge t'mendar lauterendar: toutar, o Farao, ninna tire pralstunendar oun tire tsele menshendar. Yek koova penau touke: Rike tiro lab! Ma pen pale, te moukals men te djal, te nay marah mer firhen o baro Debleske. – Oun palle moukeh tou men gar te djal.”

2. Mose 8:28

Oun ninna kava kopo pandas o Farao peskro dji oun moukas i Israelitarya gar te djal.

2. Mose 8:4

Kote moukas o Farao o Moses oun o Arones pash peste gole te dell oun penas: “Mangenn o baro Debles, te lell lo i djambe mandar oun mire menshendar krik! Palle moukau i Israelitaryen te djal, te nay denn le o baro Debleske firhen temerl.”

2. Mose 8:8

Oun o Mose oun o Aron djan dran o Faraeskro kheer vin. Oun o Mose das o baro Debles gole oun mangas les, te lell lo i djambe krik, hoy yob pral o Farao anas.

Jeremia 21:2

“O Neboukadnezar, ko baro ray pral Babilonia vas, te kourell lo pes mentsa, oun hi peskre lourdentsa troul o foro Yerusalem tardo. Mange menge o baro Deblestar! Te kamell yob, nay vell lo menge peskri bari zoryah ap i rig, har yob kova boudeder kope kras, yaake te hounte tserdell pes o Neboukadnezar pale.”

4. Mose 21:7

Koy van yon pash o Moseste oun penan: “Mer anam doosh ap mende, har čingram ap o baro Debleste oun ap toute. Mange o Debles menge, te lell yob kol sapa mendar!” Oun o Mose mangas kol menshenge.

Bičepangre 8:24

Koy penas o Simon ap lende: “Mangenn o Deblestar, te vell kova gar pral mande, hoy t'mer penan!”

1. Samuel 12:19

Oun yon penan ap o Samuel: “Mer ham tire boudepangre. Mang menge o baro Debles, kay tiro Devel hi, yaake te hounte meras mer gar. Ap mende hi boud doosh čiddo. Oun kanna kram ninna ko čilačo koova, te mangam menge i baro rayes pral mende.”