2. Mose 9:25 - O Debleskro Lab 2024 (Sinte-Manouche)

²⁵ Oun kol brishineskre barra dan an o tselo them Egiptia lauter paash, hoy vin his: menshe har firhe, ninna o tselo zenlepen ap i harhetikri phoub. Oun i rouka van tele phagedo.

O Debleskro Drom 2021 (Sinte)

²⁵ Un kol brishineskre barra dan an o tselo them Egiptia lauter paash, hoi win his: menshe har vieche, ninna o tselo senlepen ap i hachetikri phub. Un i ruka wan tele phagedo.

2. Mose 9:25 ပူးပေါင်းရင်းမြစ်များ

Debleskri gili 78:47

Oun lengre drakengre rouka das i barrengro brishin paash, oun lengre faygetikre rouka o djayedo pani.

Debleskri gili 78:48

I brishineskre barra dan lengre groumyen moulo, oun koy yag, hoy pral oun tele djas ap o bolepen, das i bakren moulo.

2. Mose 9:19

Kanna pen, te lenn le i firhen dren. Oun kova, hoy vin tardo hi, te anenn le les khere. Lauter, hoy vin hi, menshe har firhe hounte merenna.”

2. Mose 9:6

Oun o baro Devel kras kova ap o vavar dives yaake. Oun i tsele firhe, hoy i Egiptaryen his, meran. Kol firhendar, hoy i Israelitaryen his, meras kek firho.

Ezekiel 13:13

Kava penell o baro Devel, maro ray: An miri tati rholi moukau me i zorelo dourho vin te phagell, oun i zorelo brishin te vell, oun brishineskre barra te perell, te vell i massouri paash dino.

Josua 10:11

Oun har i Amorarya glan i Israelitarya nashan ap o drom, hoy djal tele pash Bet-Horon, kote moukas o baro Devel brishineskre barra dran o bolepen ap lende te perell ap o tselo drom bis pash Aseka, yaake te van le i barrendar moulo dino. Oun kol brishineskre barra maran boudeder lendar har i Israelitarya o rhareha moulo dan.