2. Mose 6:4 - O Debleskro Lab 2024 (Sinte-Manouche)

⁴ Ninna dom lende miro vast koy pre, te dap len o them Kanaan, ko them, kay yon vi-themarya his.

O Debleskro Drom 2021 (Sinte)

⁴ Ninna dom lende miro wast koi pre, te dap len o them Kanaan, ko them, kai jon wi-themarja his.

2. Mose 6:4 ပူးပေါင်းရင်းမြစ်များ

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 15:13

Oun o Devel penas ap o Abrameste: “Čačepah, tou djiness: Tire menshe, kay toutar venna, venn vi-themarya an i them, kay gar lengro hi. Oun i menshe an ko them djan zoreles ap lende oun krenn boudepangre lendar. Oun yon hounte boudrenn lenge 400 (star-sheel) bersha.

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 17:13

Činlo hounte vell hako boudepaskro, kay pash t'mende boldo vas oun t'mendar ginlo vas. Ap t'maro mass dikenn t'mer, kay han mire menshe. Kava koova ačell yaake hako tsiro.

1. Mose 17:4

“Shoun, kova hi, hoy me touke krau: Tou veh o dad boud menshendar. Yon venn yaake boud, kay lendar boud natsyone venna.

1. Mose 23:4

Oun yob penas ap lende: “Me hom mank t'mende i vi-themari. Man hi kek kotar them pash t'mende. Kanna mangau t'men: Denn man i kotar them pash t'mende, te paskrap miri mouli romyat.”

1. Mose 26:3

Ač i tsiro an kava them. Me hom pash toute, te čivap miri zoor oun miri barht ap toute. Kalla tsele themma dau me tout oun tire čaven, kay pal toute venna. Me rikrau miro lab, hoy dom tiro dadeste Abraham, oun kay dom miro vast koy pre.

1. Mose 26:4

O Abraham shounas ap mande oun kras kova, hoy me leske penom. Yob rikras pes ap mire laba oun djivas pal miro čačepen. Doleske krau me, te venn tire čave yaake boud har i bolepangre momlia. Oun me dau len kalla tsele themma. Oun koy barht, hoy dau tire čavende, djal doureder ap i tsele natsyone, kay ap i phoub hi.”

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

1. Mose 28:4

Koy barht oun koy zoor, hoy o Devel čivas ap o Abrahameste, mou vell ap toute oun ap tire menshende! Tou leh kava them, kay tou kanna i vi-themari hal – ko them, hoy o Devel o Abrahameste das.”

1. Mose 6:18

Tout dau miro lab, kay ačeh djido. Koy dau miro vast pre. Oun tou djas tire čaventsa oun tiri romyah oun tire čavengre romyentsa an o panyeskro kheer dren.

2. Samuel 23:5

O Devel das man peskro lab hako tsireske, oun hoy lo penas hi mishto oun ačell tardo. Yaake hi miro kheer zoreles glan leste tardo. Lauter, hoy mange mishto hi oun hoy kamau o djiyestar, moukell lo mishto te djal.

Debleskri gili 105:11

Yob penas: “Touke dau kava them Kanaan, kova hi ko them, hoy t'menge vell.”

Debleskri gili 105:12

An ko tsiro his le gar boud, gar boudeder har i vast pherdo, oun his vi-themarya an o them.

2. Mose 13:5

O baro Devel das pes sovel glan t'mare phourende, te dell lo t'men ko them, kay djivenn kanna i Kanaanitarya, i Hetarya, i Amorarya, i Hivarya oun i Yebousarya. Kova hi i them, kay hi boud thoud oun gvin dren. Ap ko tsiro, kay anas t'men o baro Devel an ko them, krenn pale yaake hako bersh an o čon Abib:

2. Mose 6:8

Palle anau me t'men an ko them, koleske me miro vast dom, oun man sovel dom, te dau les o Abrahameste oun o Isaakeste oun o Yakobeste. Kava them dau me t'mende, te vell lo t'maro them. Me, o baro Devel, dau les t'mende.”

Jesaja 55:3

Shounenn mishto, hoy penau, oun avenn pash mande! Shounenn ap mande, te ačenn djido! Oun me kamau t'mentsa vin te krell, te ačas mer mala hako tsireske. Ko lačo koova, hoy o Davideske penom, vell ap t'mende.

4. Mose 10:29

Oun o Mose penas ap peskri romyakro phraleste, o Hobab, koleskro dad o Regouel hi dran o them Midian: “Mer djah an ko them, hoy o baro Devel penas: Me dau kova t'mende. Kanna, ab mentsa! Palle krah touke lačo koova. O baro Devel penas: Me kamau lačepen te krell ap o Israel.”

Bičepangre 7:5

O Devel das les kek kotar phoub an kava them, vitar gar i tikno kotar. Oun o Devel das les peskro lab, te dell lo leskre čavende i them. An ko tsiro his o Abrahames kek čavo.