2. Mose 6:26 - O Debleskro Lab 2024 (Sinte-Manouche)

²⁶ Kova Aron oun kova Mose hi kolla, ap kolende o baro Devel penas: “Anenn i Israelitarya vin dran o them Egiptia! Anenn len yaake vin, te djal haki bari familya khetne!”

O Debleskro Drom 2021 (Sinte)

²⁶ Kowa Aron un kowa Mose hi kolla, ap kolende o baro Dewel penas: “Anenn i Israelitarja win dran o them Egiptia! Anenn len jaake win, te djal haki bari familja khetne!”

2. Mose 6:26 ပူးပေါင်းရင်းမြစ်များ

1. Mose 2:1

Yaake vas o bolepen oun i phoub kerdo, oun halauter, hoy koy hi.

1. Familjakro liil 6:3

O Kohat, leskre čave his: o Amram oun o Yizhar oun o Hebron oun o Usiel.

Debleskri gili 77:20

Tou djal mashkral o baro pani. Tire herya djan an o telstouno pani. Oun kek nay dikas, kay tire herya stakran.

Debleskri gili 99:6

O Mose oun o Aron his leskre rashaya, oun o Samuel his mank kolende, kay les an-mangan. Yon dan ap o baro Debleste gole, oun yob shounas len.

2. Mose 12:17

Rikrenn t'men ap kal laba: An kol efta divessa rhan t'mer maro, kay kek shoutlo yarro dren hi. Ap kava dives lom me t'men lauteren dran o them Egiptia vin. Doleske rikrenn t'men ap kava, oun krenn kova hako bersh, t'mer oun t'mare čave, kay venna pal t'mende hako tsiro.

2. Mose 12:41

Oun har kal bersha trouyel his, ap ko dives, djan o baro Debleskre menshe vin dran o them Egiptia.

2. Mose 12:51

Oun ap kava dives anas o baro Devel i tsele Israeleskre familyen vin dran o them Egiptia, yek familya pal i vavar.

2. Mose 13:18

Doleske moukas lo len i baro drom troul o Filistarengro them te djal. Ko drom anas len an o moulo tato them pash ko baro pani, hoy kharella Baro Lolo Pani. Oun i Israelitarya djan penge dran o them Egiptia yaake har te djan le an o kourepen.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

2. Mose 32:11

O Mose mangas o baro Debles, kay leskro Devel his, oun penas: “Baro Devel, tiro zorelo vasteha anal tou tire menshen dran o them Egiptia vin, oun sikral tiri tseli zoor. Hoske kameh tou len kanna an tiri rholi temerl te dell?

2. Mose 32:7

O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova.

2. Mose 6:13

Oun o baro Devel rakras ap o Moseste oun ap o Aroneste oun bičras len pash i Israelitarya oun pash o Farao, ko baro ray pral o them Egiptia, te moukell lo i Israelitaryen dran o them Egiptia te djal.

2. Mose 6:20

Oun o Amram las peske i romni, i Yokebed, i pheen leskro dadestar. Oun koya las douy čave: o Aron oun o Mose. Oun o Amram vas 137 (sheel-te-triyanda-te-efta) bersha phouro.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

2. Mose 7:4

Oun o Farao shounella gar ap t'mende, ninna te vell miri rholi boud kope pral leste oun leskro them. Oun palle lau mire menshen, i Israelitarya, vin dran o them Egiptia.

Micha 6:4

Me hom kova, kay anas t'men dran o them Egiptia vin, kay hans pandle boudepangre. Me dom t'men o Mose, o Aron oun i Miryam, te djan le glan t'mende.

4. Mose 33:1

Kalla hi kol platse, kay čivan i Israelitarya pengre plarhtene khera pre, har djan le vin dran o them Egiptia pengre lourdentsa. Vi las len o Mose oun o Aron.

Josua 24:5

Pal boud tsiro bičrom o Mose oun o Aron pash lende, oun anom bari bibarht pral o them Egiptia koveha, hoy krom kote. Pal kova lom t'mare phouren dran o them Egiptia vin.

1. Samuel 12:6

Oun o Samuel penas ap i Israelitarya: O baro Devel hi kova, kay o Moses oun o Arones pral t'mende čivas, oun t'mare phouren dran o them Egiptia vin anas!

1. Samuel 12:8

Har o Yakob an o them Egiptia vas, oun i Egiptarya t'mare phourenge o djipen phares kran, dan yon gole ap o baro Debleste, te vell lo ap lengri rig. Oun o baro Devel bičras o Moses oun o Arones. Oun yon anan t'mare phouren dran o them Egiptia vin, oun moukan len kate an kava them te djivell.