2. Mose 5:6 - O Debleskro Lab 2024 (Sinte-Manouche)

⁶ Ap kava dives penas o Farao ap kol pralstoune Egiptarya oun ap kol pralstoune Israelitarya, kay dan yak ap i boudepangre:

O Debleskro Drom 2021 (Sinte)

⁶ Ap kau diwes penas o Farao ap kol pralstune Egiptarja un ap kol pralstune Israelitarja, kai dan jak ap i budepangre:

2. Mose 5:6 ပူးပေါင်းရင်းမြစ်များ

2. Familjakro liil 26:11

Oun o Usiya, les his lače lourde dran o tselo them. O činepaskro Yehiel oun o pralstouno Maasseya činan lengre laba pre oun čivan len yaake khetne pre har hounte djan le an o kourepen. Pral kolende douyende his o Hananya tardo, yek o pralstunendar o baro rayestar.

2. Mose 1:11

I Egiptarya čivan pralstoune pral i Israelitarya. Kolla dan garda te boudran i Israelitarya phares, oun yaake rikran le len tele. Oun yon kran i forya Pitom oun Ramses, te vell kote o rhapen čiddo o baro rayeske, o Farao.

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

2. Mose 5:10

Koy djan kol pralstoune Egiptarya oun kol Israelitarya, kay dan yak ap i boudepangre, pash lende oun penan lenge: “O Farao penas, te das mer t'men bouder kek phouss.

2. Mose 5:19

Har shounan i morsha, kay hounte krenn le hako dives yaake boud barra har glan kova, koy dikan le, te dikell lenge gar mishto vin.

2. Mose 5:7

“Denn len bouder kek phouss, te čivenn le kova an koy čik, kolatar yon barra rhačenna! Moukenn len ko phouss penge kokres khetne te čivell!

Gosewe laba 12:10

Kova, kay an o čačepen tardo hi, les hi i dji peskre firhenge. I čilačen hi kek dji lenge.

4. Mose 11:16

Oun o baro Devel penas leske: “Le touke efta-deesh morsha kol phourendar an Israel, kolendar, kay tou djineh, kay hi yon pralstoune pral i menshende. An len glan o Debleskro plarhteno kheer. Kote venn le glan toute tardo.

5. Mose 1:15

Oun me lom i pralstoune morshen dran t'mare bare familyen, goseve oun an-dikle morshen oun čivom len pral t'mende, te venn le t'mare čačepangre morsha. Yon van pralstoune pral 1.000 (yek zero), pral 100 (yek sheel) oun pral 50 (i paash-sheel) oun pral 10 (deesh).

5. Mose 16:18

Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

Josua 24:1

Oun o Yosua moukas menshen dran haki bari familya, kay van kol deesh-te-douy čavendar o Yakobestar pash peste an o foro Sichem khetne gole te dell, i phoureden, i pralstunen pral i bare familye, i čačepangre morshen, oun vavar pralstunen. Oun yon van khetne glan o Debleste.

Josua 24:4

Oun o Isaakeste dom o Yakob oun o Esau. Oun i menshenge dran o kheer Esau dom i berge Seir, te djivenn le kote. O Yakob oun leskre čave djan tele an o them Egiptia.

Josua 8:33

Oun i tsele Israelitarya, lengre phoureder, pralstoune oun čačepangre morsha, ninna i vi-themarya mank lende, yon halauter his tardo ap kol douy rigya pash o morhton, kay i deesh laba dren hi, hoy o baro Devel len das. Ap koy yek rig dikan le i berga Garizim, ap koy vavar rig dikan le i berga Ebal. Mank lende oun o morhton his i rashaya tardo, kay o morhton hidjran, – kolla his Levitarya. I tsele menshe his yaake tardo har o Mose, o baro Debleskro boudepaskro, glan i tsiro penas, te venn le tardo ap ko dives, kay vell o Debleskri barht pral lende vi-rakedo.