2. Mose 5:2 - O Debleskro Lab 2024 (Sinte-Manouche)

² Oun o Farao penas ap o Moseste oun ap o Aroneste: “Havo devel hi kova, kay me shounap ap leste? Hoske moukap me i Israelitarya te djal? Me prindjrau ko debles gar, oun me moukau gar i Israelitaryen te djal.”

O Debleskro Drom 2021 (Sinte)

² Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

2. Mose 5:2 ပူးပေါင်းရင်းမြစ်များ

2. Rajengro liil 18:35

Kay hi yek devel mank i tsele debla an i vavar themma, kay peskro them dran mire vasta nay vin tserdell? Patsenn čačepah, te nay tserdell kokres o baro Devel o foro Yerusalem vin dran miro vast?”

2. Familjakro liil 32:14

Kek kol tsele deblendar an kol themma, hoy dan mire phoure khetne, nay las peskre menshen dran miro vast. Har nay penenn t'mer, kay t'maro Devel t'men dran miro vast nay lella?

2. Familjakro liil 32:15

Ma moukenn t'men o Hiskiyestar te rhorhell oun dinelo koova dren te rakrell! Patsenn leske kek lab! Kek devel dran kol tsele vavar themma nay las peskro them vin dran mire phourengre vasta oun dran miro vast. Palle nay lell vitar gar t'maro Devel t'men dran miro vast.”

2. Familjakro liil 32:19

Oun yon rakran djoungele laba pral o Debleste, kay an o foro Yerusalem djivell, har te vals lo i devel har kolla, kay i menshengre vastentsa kerdo hi, oun kolen i menshe an vavar themma an-mangenn.

Nehemia 9:10

Oun tou kral baro zorelo koova, hoy kek vavar nay krell, ap o baro rayeste Farao oun i pralstunende oun i tsele menshende leskro themestar, har dikal, te rikran le mare phouren tele. Oun yaake kral tiro lab bares, yaake har kova kava dives hi.

Hiob 15:25

Yaake djal ko morsheske, kay hadas peskro vast ap o zorelo Debleste, oun kras pes bares ap leste,

Hiob 15:26

oun nashell peskro shereha ap leste, peskro shilto an o vast.

Hiob 21:15

Koon hi o zorelo Devel, te boudras mer leske? Hoy hi kova menge moldo, te mangas les an?”

Debleskri gili 10:4

O čilačo rikrell o nak pral oun penell peske: O Devel poučell gar palla. Lauter, hoy leske an o shero trouyel djala, hi: Dell kek Devel.

Debleskri gili 12:4

Baro Devel, kre, te rikrenn le pengre mouya, kolla, kay rakrenn douy čipyentsa! Pande kolenge o mouy, kay yaake bares rakrenna,

Debleskri gili 12:5

oun penenna: “Mer hayvah te rakrell. Maro rakepah ham zoreles. Koon hi o pralstouno pral mende?”

Debleskri gili 14:1

I gili o rayeske pral i gipangre. O David kras kay gili. Dinele hi le, kay rakrenn penge: “O Devel dell pes gar!” Či-molde hi le! I ladj hi kova, hoy yon krenn. Kek hi koy, kay krell lačepen.

2. Mose 3:19

Oun palle penas o baro Devel: “Me djinau, o baro ray pral o them Egiptia, te vell lo gar phagedo, moukell lo t'men gar dran o them vin te djal.

2. Mose 7:17

Doleske penell o baro Devel: Dikess oun hayvess, te hom me o baro Devel. Dik, me dau o kashteha, hoy an miro vast hi, ap o pani Nil. Oun ko pani vell rat.

Gosewe laba 30:9

Te vals man boudeder har man hounte vell, nay penaus: “Koon hi o baro Devel?” Oun te vals man gar doha, nay čoraus oun anaus ladj ap miro Debleste.

Jeremia 42:13

Te shounenn t'mer gar ap o baro Debleste oun penenn: “Mer kamah gar an kava them te ačell.

Jeremia 48:26

Tou Moab, his gar yaake, te his touke i Israelitarya sapaske? Hako kopo kay rakral lendar, sanal pral lende, har te vans le čorepangre, kay van tapedo. O Moab hadas pes pral o baro Debleste. Doleske krenn les mato! Yob te perell an peskro čadepen! Oun vavar sanenn pral leste.

Daniel 3:15

Kanna shounenn: Yaake sik, har shounenn t'mer o phourdepaskro bashepen oun bashepen ap i doryengre bashepangre oun ko tselo vavar bashepen, vitsrenn t'men tele ap i phoub, oun mangenn koy figura an, hoy me krom! Te vitsrenn t'men gar glan late ap i phoub, palle venn t'mer gomme kate an i bobeskri yag vitsedo! Oun koon hi ko devel, kay nay lell t'men vin dran miro vast?”

Johanni 16:3

Yon prindjrenn o dades gar oun man vitar gar. Doleske krenn yon kova.

Remarja 1:28

Yon kamenn či o Deblestar te djinell. Doleske moukas o Devel len te perell, te djivenn le pal pengro čilačo shero, oun krenna, hoy gar mishto hi.

2. Tessalonikarja 1:8

oun i yag hi troul lende. Palle vell o Debleskri rholi pral kolende, kay kaman lestar či te djinell, kolla kay shounan gar ap o lačo lab maro rayestar, o Yezousestar, oun kaman gar ap leskro drom te djal.

Čačepangre 2:10

Palle meran ninna kol tsele vavar menshe, kay an kava tsiro djivan, har o Yosua djivas. Oun pal lende van menshe, kay o baro Debles gar prindjran, vitar gar kova, hoy yob i Israelenge kras.

1. Samuel 2:12

O Eliyeskre čave his čilače oun kaman o baro Deblestar či te djinell.

1. Samuel 25:10

O Nabal penas ap lende: “O David, koon hi lo? Koleskro dad o Isay hi? Koon hi kova? Kava dives denna boud boudepangre, kay penge nashan pengro rayestar!