2. Mose 40:38 - O Debleskro Lab 2024 (Sinte-Manouche)

³⁸ Oun i tsele Israelitarya dikan koy folka. Ap o dives his li pral o Debleskro kheer, ap i rat his li pherdi yag yaake rah har i Israelitarya ap o drom his.

O Debleskro Drom 2021 (Sinte)

³⁸ Un i tsele Israelitarja dikan koi wolka. Ap o diwes his li pral o Debleskro kheer, ap i rat his li pherdi jag jaake rah har i Israelitarja ap o drom his.

2. Mose 40:38 ပူးပေါင်းရင်းမြစ်များ

2. Samuel 7:6

Me djivom an kek kheer, foun ko dives, kay me kol Israelitaryen vin anom dran o them Egiptia bis kay dives. Man his či har i plarhteno kheer har djom lentsa trouyel. An ko tselo tsiro penom me kekeske, kay das garda ap mire menshende Israel: Hoske kreh tou mange kek kheer dran cedertikro kasht?

Debleskri gili 105:39

O baro Devel khatras peskre menshen tel i folka, oun rati sikras len i yag o drom.

Debleskri gili 78:14

Ap o dives djas lo glan lende an i folka, oun rati an i yag, te vas len i momeli.

2. Mose 13:21

O baro Devel djas glan lende ap o dives an i bari folka, te anell lo len ap o čačo drom, oun rati an i bari yag, te vell lenge i momeli, yaake te nay djan le ap o dives oun ninna an i rat.

2. Mose 13:22

Oun koy folka djas peske gar, oun ačas glan lende ap o dives. Oun koy yag djas peske gar lendar an i rat.

4. Mose 10:34

Oun ap o dives, har djan le doureder, his o baro Debleskri folka pral lende.

4. Mose 9:12

Oun yon hounte moukenn či čiddo pral i rat. Vitar kek kokalo hounte vell phagedo. Oun halauter hounte vell yaake kerdo har pash o Passa, hoy rhan le ap o čačo tsiro.

4. Mose 9:15

Oun ap ko dives, kay vas o Debleskro kheer pre-čiddo, ko kheer, kay o Debleskre deesh laba dren hi, vas i folka tele pral o kheer. Oun an i rati his i yag an late.

4. Mose 9:16

Yaake his kova o tselo tsiro: ap o dives his koy folka pral ko kheer tardo. Oun ap i rati dikas li vin har i yag.