2. Mose 40:35 - O Debleskro Lab 2024 (Sinte-Manouche)

³⁵ Oun har i folka pral o kheer ačas oun o kheer pherdo raylepen o baro Deblestar his, nay djas o Mose gar dren.

O Debleskro Drom 2021 (Sinte)

³⁵ Un har i wolka pral o kheer atchas un o kheer pherdo railepen o baro Deblestar his, nai djas o Mose gar dren.

2. Mose 40:35 ပူးပေါင်းရင်းမြစ်များ

1. Rajengro liil 8:10

Har i rashaya vin djan dran o baro Debleskro kheer, his i folka an o tselo kheer.

1. Rajengro liil 8:11

An koy folka his o baro Debleskro raylepen. O tselo kheer his pherdo raylepen o baro Deblestar. Doleske nay ačan i rashaya gar koy, te krenn le pengri boudi.

2. Familjakro liil 7:2

te nay djan i rashaya gar an o kheer dren.

2. Mose 16:10

Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.

2. Mose 29:43

Kote vau pash i Israelitarya. Oun miro raylepen vell mantsa an ko kheer. Oun yaake vell o kheer miro kheer.

Jesaja 4:5

Pral i tseli berga Sion oun pral kay platsa, kay venn le khetne, bičrell o baro Devel palle yek folka ap o dives, oun i yagakro dourho an i rati. Yaake čakrell lo o foro peskro raylepah

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 6:4

Koy gole lendar moukas i telstoune barra o kherestar te trissell. Oun o kheer his pherdo yagakro dourho.

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

Ezekiel 43:4

Oun o baro Debleskro raylepen vas an o baro voudar, hoy kote hi, kay o kham pre djal, oun djas an o kheer dren.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

4. Mose 7:89

Oun har o Mose an o Debleskro kheer djas, te rakrell yob leha, koy shounas yob leskro rakepen, hoy vas kotar, kay o sonakaskro morhton hi, an leste o Debleskre deesh laba hi. Ko rakepen vas mashkral kol douy bolepangre vin, kay ap o pralstouno kotar hi, hoy ap ko morhton hi, oun hoy sikrella, kay o Devel peskre menshenge lačo hi. Oun yob rakras leha.

4. Mose 9:15

Oun ap ko dives, kay vas o Debleskro kheer pre-čiddo, ko kheer, kay o Debleskre deesh laba dren hi, vas i folka tele pral o kheer. Oun an i rati his i yag an late.

Debleskro tsiro 15:8

Oun o Debleskro kheer his pherdo tampa, hoy vas dran o Debleskro raylepen oun zoor. Oun kek nay djas kote an o Debleskro kheer dren, bis te anan kol efta bolepangre efta kope i bari phagi pral i phoub.