2. Mose 40:34 - O Debleskro Lab 2024 (Sinte-Manouche)

³⁴ Koy vas i folka ap o Debleskro plarhteno kheer. Oun o kheer vas pherdo raylepen o baro Deblestar.

O Debleskro Drom 2021 (Sinte)

³⁴ Koi was i wolka ap o Debleskro plachteno kheer. Un o kheer was pherdo railepen o baro Deblestar.

2. Mose 40:34 ပူးပေါင်းရင်းမြစ်များ

2. Samuel 7:6

Me djivom an kek kheer, foun ko dives, kay me kol Israelitaryen vin anom dran o them Egiptia bis kay dives. Man his či har i plarhteno kheer har djom lentsa trouyel. An ko tselo tsiro penom me kekeske, kay das garda ap mire menshende Israel: Hoske kreh tou mange kek kheer dran cedertikro kasht?

2. Familjakro liil 7:2

te nay djan i rashaya gar an o kheer dren.

Debleskri gili 26:8

Me kamau o kheer, kay tou djiveh, miro tselo djiyestar, oun koy platsa, kay tiro raylepen diklo vella.

2. Mose 14:24

Sik taysarlakro, har o kham gomme gar pre djas, dikas o baro Devel dran koy yagakri folka tele ap i tsele Egiptikre lourdende oun čivas i daar ap lende.

2. Mose 16:10

Har o Aron ap i tsele Israelitarya rakras, dikas hakeno kote, kay o moulo tato them hi. Oun ap yek kopo vas o raylepen o baro Deblestar an i folka diklo.

2. Mose 25:8

Kamau lendar, te krenn le mange i kheer, te djivap nay mashkral lende.

2. Mose 29:43

Kote vau pash i Israelitarya. Oun miro raylepen vell mantsa an ko kheer. Oun yaake vell o kheer miro kheer.

2. Mose 33:9

Vas lo koy, vas i bari folka tele oun ačas pral ko voudar tardo. Oun o baro Devel rakras o Moseha.

Jesaja 57:15

Me, o pralstouno, kay hadedo hom, oun hako tsiro djivau, oun kokres o čačo Devel hom, penau: Me djivau an o pralstunepen an miro bolepaskro kheer, oun ninna pash o mensheste, kay i phagedo oun tele-rikedo dji an leste hi, te dap pale zoor koleste, kay tele rikedo hi, oun moukap koles pre te djivell, koleskro dji phagedo hi.

Jesaja 6:4

Koy gole lendar moukas i telstoune barra o kherestar te trissell. Oun o kheer his pherdo yagakro dourho.

Ezekiel 10:4

Oun o baro Debleskro raylepen, hoy his pral kol bolepangren, hadas pes foun kotar, oun djas pash o kheer, kote kay o voudar hi. Oun o tselo kheer vas pherdo foun koy folka, oun i glanstouni platsa his pherdo o baro Debleskro raylepen.

3. Mose 16:2

Pen tiro phraleske, o Aroneske, te djal lo gar hako tsireske an o kouč isema an o Debleskro kheer, te merell lo gar. An koy isema, hoy pal ko kotar than hi, sikrau me man an i folka pral ko sonakaskro pralstouno kotar, hoy ap o morhton čiddo hi, kay mire deesh laba dren hi.

Haggai 2:7

Ava, i menshenge an i tsele themma lau i zoor krik. Oun lengro kouč koova vell kate anlo, oun me krau miro kheer pherdo raylepen. Ko penell o baro Devel, ko ray pral o bolepen oun i phoub.

Haggai 2:9

Kava kheer te vell shoukeder har miro ersto kheer his. Oun me kamau t'men barht te dell an kava foro, penell o baro Devel, ko ray pral o bolepen oun i phoub.

4. Mose 7:89

Oun har o Mose an o Debleskro kheer djas, te rakrell yob leha, koy shounas yob leskro rakepen, hoy vas kotar, kay o sonakaskro morhton hi, an leste o Debleskre deesh laba hi. Ko rakepen vas mashkral kol douy bolepangre vin, kay ap o pralstouno kotar hi, hoy ap ko morhton hi, oun hoy sikrella, kay o Devel peskre menshenge lačo hi. Oun yob rakras leha.

Remarja 9:4

Yon hi Israelitarya. Kolen rodas o Devel vin, te venn le leskre čave. Lende sikras lo peskro raylepen. Lentsa kras lo vin, te vell lo lengro Devel oun yon peskre menshe. Lende das lo peskre laba, hoy penenna, har te djivenn le, ninna kol laba, hoy sikrenna, har te boudrenn le leske an peskro kheer. Lentsa rakras lo pral o djipen oun o bravlepen, hoy kamell lo len te dell an ko tsiro, hoy vella.

Debleskro tsiro 15:8

Oun o Debleskro kheer his pherdo tampa, hoy vas dran o Debleskro raylepen oun zoor. Oun kek nay djas kote an o Debleskro kheer dren, bis te anan kol efta bolepangre efta kope i bari phagi pral i phoub.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”