2. Mose 4:13 - O Debleskro Lab 2024 (Sinte-Manouche)

¹³ Koy penas o Mose: “Miro ray, mangau tout, biče yek vavares!”

O Debleskro Drom 2021 (Sinte)

¹³ Koi penas o Mose: “Miro rai, mangau tut, bitche jek wawares!”

2. Mose 4:13 ပူးပေါင်းရင်းမြစ်များ

1. Mose 24:7

O baro Devel, o Devel pral o bolepen, anas man vin dran miro dadeskro kheer oun miro dadeskro them, oun rakras mantsa. Oun das pes sovel, te dell lo mire čaven kava them, kay kanna hom. Kova bičrell peskro bolepaskres glan toute, te less miro čaveske i romyat mire menshendar.

1. Mose 41:35

Oun čivenn ko djob khetne oun anenn les an i forya. Oun o baro ray mou dell garda, kay kova yaake kerdo vella.

1. Mose 48:16

ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

2. Mose 23:20

Me bičrau i bolepaskro glan t'mende, koon dell yak ap t'mende ap o drom, hoy t'mer djan. Oun kova anell t'men an ko them, hoy me t'menge vi-rodom.

2. Mose 4:1

O Mose poučas o baro Deblestar: “Hoy hi, te patsenn i Israelitarya gar, hoy me lenge penau, oun yon shounenn gar ap mande? Nay vell, yon penenna ap mande: O baro Devel moukas pes gar glan toute te dikell.”

2. Mose 4:12

Oun kanna dja pash lende! Me kamau tiro mouy te vell, oun kamau touke lauter sikrell, hoy tou lenge te peness!”

2. Mose 4:14

Oun har penas o Mose kova, las o baro Devel rholi ap o Moseste, oun yob penas ap leste: “Tiro phraal, o Levitari Aron, me djinau, te hayvell lo mishto te rakrell. Shoun, yob vella pash toute. Oun te dikell yob tout, palle hi les baro shoukapen an peskro dji.

Jeremia 1:6

Oun me penom: Baro Devel, miro ray, me hom gar mishto doha te penap tiro lab. Me hom gar phouro doha.

Jeremia 20:9

Ava, te penau mange, me kamau o Debles te bistrell, oun rakrau bouder gar an leskro lab, palle rhačell leskro lab an mande har i yag. Me lau miri tseli zoor khetne, te rikrap kova vin. Oun kova djal gar.

Jona 1:3

Oun o Yona stas pre oun kamas glan o baro Debleste an o foro Tarsis te nashell, oun vas tele an o foro Yafo. Oun har lo i shiffo hatsas, hoy kamas pash o foro Tarsis te oulerell, das lo love koy, oun stas dren, te nay oulerell lo lentsa pash o foro Tarsis, oun te vell lo glan o baro Debleskre yaka bouder gar diklo.

Jona 1:6

Kote vas ko ray pral kava shiffo pash leste oun poučas lestar: “Hoy hi kanna touha? Hoske soveh tou? Ste pre, oun khare tiro debles an! Nay vell, tiro devel dikell kamles ap mende, te meras gar!”

Mateo 13:41

O Mensheskro Čavo bičrell peskre bolepangren ap i phoub. Oun yon lenn kolen glan leskre yaka krik, kay kran, hoy o Devel gar kamella, ninna kolen, kay anan i vavaren ap o čilačo drom.

Johanni 6:29

Penas o Yezous ap lende: “O Devel kamella, te patsenn ap koleste, kay yob bičras.”

Čačepangre 2:1

Oun o baro Debleskro bolepaskro vas dran o foro Gilgal pre ap koy platsa, hoy kharella Bokim, oun penas: “Me lom t'men dran o them Egiptia vin, oun anom t'men an kava them, yaake har man sovel dom glan t'mare phoure dadende, te dau les t'mende. Oun me penom, te rikrap hako tsireske miro lab, hoy t'mende dom.