2. Mose 39:39 - O Debleskro Lab 2024 (Sinte-Manouche)

³⁹ koy sasterni rhačepaskri, kay firhe rhačedo venna o Debleske, koy sasterni netsa, lakre hidjepaskre kashta oun i tsele koola, hoy koy pashel hi; ko thopaskro čaro oun leskre herya;

O Debleskro Drom 2021 (Sinte)

³⁹ koi sasterni chatchepaskri, kai vieche chatchedo wenna o Debleske, koi sasterni netsa, lakre hidjepaskre kashta un i tsele koola, hoi koi pashel hi; ko thopaskro tcharo un leskre herja;

2. Mose 39:39 ပူးပေါင်းရင်းမြစ်များ

1. Rajengro liil 8:64

Koy sasterni rhačepaskri his gar bares doha, te rhačrenn le kova, hoy o Debleske dino vas. Doleske las o baro ray Salomo ap ko dives ninna o mashkralstouno kotar ap i platsa glan o Debleskro kheer rhačepaske. Kote moukas lo save firhen te rhačrell, hoy van tseles o Debleske rhačedo, ninna yarro oun ko thulepen kol firhendar, hoy rhan le glan o baro Debleste.

2. Mose 27:1

O Debleskri rhačepaskri kress tou dran o kasht ko roukestar, hoy kharella Akatsia. Pral i tseli rhačepaskri vell lolo saster. I rhačepaskri vell 2,50 (douy-te-paash) metari lengsto oun ninna yaake bourhlo, oun vell 1,50 (yek-te-paash) metari pral. Ap haki pralstouni ekka vell i shing vin. Kol shinga venn kerdo dran yek kotar kasht har i rhačepaskri.

2. Mose 27:4

Kre ninna i sasterni netsa, kay i yagakri čik tele perella. Oun čip star sasterne goustria ap lakre star rigya, kote kay i rigya khetne venna.

2. Mose 30:18

Kre i thopaskro čaro dran lolo saster, oun čip les ap herya, hoy ninna dran lolo saster hi. Oun čip les mashkral o Debleskro plarhteno kheer oun o Debleskri sasterni rhačepaskri. Oun čore pani dren,

2. Mose 38:30

Kolestar moukas o Bezalel kol herya te krell, ap kolende i pesse kashta tardo hi, hoy hi serves oun čačes pash o voudar. Ninna kran le kolestar koy sasterni rhačepaskri oun koy sasterni netsa, hoy koy pashel hi, oun i tsele koola, kolentsa i rashaya boudrenna.

2. Mose 39:38

ko sonakaskro bob, kay o soungepaskro koova rhačedo vella; ko makepaskro djet; ko soungepaskro koova, hoy rhačedo vell; koy bari plarhta glan o khereskro voudar;

2. Mose 39:40

kolla layntikre kotya oun pesse kashta ap herya, hoy troul i glanstouni platsa hi; oun koy plarhta o voudareske ap i glanstouni platsa; kol tikne sasterne kotya, hoy denn le an i phoub, te rikrenn le o plarhteno kheer zoreles, oun kol shelle, hoy hi kote an-pandlo; ninna kol tsele koola, hoy kolen hounte vell, kay boudrenn an o Debleskro plarhteno kheer.