2. Mose 39:32 - O Debleskro Lab 2024 (Sinte-Manouche)

³² Yaake vas koy tseli boudi kerdo: kol tsele kotya o Debleskro plarhteno khereske, oun lauter, hoy koy pashel hi. I Israelitarya kran lauter yaake, har o baro Devel o Moseske penas.

O Debleskro Drom 2021 (Sinte)

³² Jaake was koi tseli budi kerdo: kol tsele kotja o Debleskro plachteno khereske, un lauter, hoi koi pashel hi. I Israelitarja kran lauter jaake, har o baro Dewel o Moseske penas.

2. Mose 39:32 ပူးပေါင်းရင်းမြစ်များ

1. Rajengro liil 6:38

Oun an o deesh-te-yekto bersh an o čon Bul, – kova hi o orhtato čon – his o kheer kerdo. Oun lauter his yaake har hounte vals kova. Oun yon boudran efta bersha ap leste.

1. Rajengro liil 7:40

Oun o Houram kras ninna pirya, bare roya, oun čare. Oun yaake kras lo halauter, hoy o ray Salomo lestar kamas, te krell lo o baro Debleskro khereske.

1. Familjakro liil 28:19

Kova lauter hi pre činlo an i liil, yaake har sikras o baro Devel o Davideste, har kava kheer kerdo hounte vell.

2. Mose 12:28

Palle djan le oun kran yaake, har o baro Devel o Moseske oun o Aroneske penas.

2. Mose 25:40

Oun tou kress lat yaake, har kova touke ap i berga sikedo vas.

2. Mose 31:7

O Debleskro plarhteno kheer, o morhton, kay o Debleskre deesh laba dren hi, o pralstouno kotar koy pre, hoy sikrella, kay o Devel lačo ap peskre menshende hi, ninna o tselo vavar koova, hoy an o kheer vell:

2. Mose 39:33

Oun yon anan lauter pash o Moseste: kol plarhte o Debleskro khereske oun leskre tsele koola: rikepangre, činle kashta, pandepangre kashta, oun pesse kashta ap herya;

2. Mose 40:1

O baro Devel rakras o Moseha oun penas:

2. Mose 40:3

Oun čip ko morhton dren, kay o Debleskre deesh laba dren hi. Glan o morhton pande ko kouč kotar than pre!

2. Mose 40:32

Yon hounte thovenn pen hako kopo, kay djan le an o Debleskro plarhteno kheer oun pash i sasterni rhačepaskri. Yaake penas kova o baro Devel o Moseske.

4. Mose 3:31

Oun yon hounte denn garda ap ko sonakaskro morhton, koy rhapaskri, koy momelengri, o Debleskro sonakaskro bob oun o Debleskri sasterni rhačepaskri, kay firhe rhačede venna. Ninna denn le garda ap i tselo Debleskro koova an leskro kheer, koleha yon boudrenna, ninna ap koy plarhta mank kol douy iseme oun ap halauter, hoy koy pashel hi.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

Hebrearja 3:2

Koy boudi das les o Devel. Oun yob kras lat mishto yaake, har ninna o Mose peskri boudi o Debleskre menshenge mishto kras.

Hebrearja 8:5

Ko kheer, kay yon boudrenna, oun kova, hoy yon krenna, sikrell men i tikno kotar dran koy tseli boudi, hoy krell maro baro rashay, o Yezous Kristo, an o bolepen. Kova dikah kanna gomme gar lauter. Har kras o Mose o Debleske i kheer dran firhengre balla an o moulo them, penas o Devel leske, har te krell lo les oun penas: Kova lauter, hoy tou kreh, kre yaake, har me sikrom les toute ap i berga!

1. Samuel 15:22

O Samuel penas: “Hoy patseh, hi shoukar o baro Debleske: Fiche, hoy leske maredo venn, save hoy leske tseles rhačedo venn oun save, kolengre feteder kotya mass leske rhačedo venn? Kamell lo gar boudeder, te shounell yek ap kova, hoy lo penell? Djin, te shouneh tou ap o baro Debleste, hi kova leske feteder, har te deh les firhen. Te shouneh tou mishto ap leste, hi kova feteder, har te deh les thoulle kotya i bakrestar.