2. Mose 38:26 - O Debleskro Lab 2024 (Sinte-Manouche)

²⁶ I tsele morsha, kay phoureder his har biish bersha, his 603.550 (shob-sheel-te-triin-zerya-panč-sheel-te-panč-desha) morsha. Hakeno lendar das i paash roupeno kotar. Yek paash kotar roup his yaake boud har yek paash kotar roup an o Debleskro kheer pharo his.

O Debleskro Drom 2021 (Sinte)

²⁶ I tsele mursha, kai phureder his har biish bersha, his 603.550 (shob-sheel-te-triin-serja-pantch-sheel-te-pantch-desha) mursha. Hakeno lendar das i paash rupeno kotar. Jek paash kotar rup his jaake bud har jek paash kotar rup an o Debleskro kheer pharo his.

2. Mose 38:26 ပူးပေါင်းရင်းမြစ်များ

2. Mose 12:37

Oun i Israelitarya djan vin dran o foro Ramses oun djan pash o foro Soukot. Kokres i morsha his 600.000 (shob-sheel-zerya). Ninna lengre romya oun čave his pashel.

2. Mose 30:12

Dik, har boud morsha hi mank i Israelitarya! Oun pen lenge, te hounte denn le man love, te ačenn le djido, te vell kek bibarht ap lende an kol divessa, kay venn lengre laba pre činlo.

2. Mose 30:13

Hako morsh, kay hi biish bersh oun phoureder, kova dell man i paash kotar roup. Ko paash roupeno kotar hounte vell yaake pharo har kolla an o Debleskro kheer: shob gramme pharo.

2. Mose 38:27

Sheel centnarya roup lan le oun kran lestar kol sheel herya, ap kolende i činle kashta tardo venna, ninna kolla, kay rikrenn o voudar dran o kouč kotar than. Haki roupeni heri his yek centnari pharo.

4. Mose 1:2

Tou oun o Aron, činenn an i liil har boud morsh Israelitarya koy hi, kay hi zoreles doha, te venn le lourde. Činenn i laba hake morshendar pre, kay hi biish bersha phouro oun phoureder! Činenn ninna pre dran havi familya yon venna oun koon lengro dad hi!

4. Mose 2:32

Har i tsele morsha, kay nay venn lourde, dran haki familya an lila dre-činlo his, his le khetne 603.550 (shob-sheel-triin-zerya-panč-sheel-panč-deesh) morsha.

4. Mose 26:2

“Činenn an i liil har boud morsh Israelitarya koy hi, kay hi zoreles doha, te venn le lourde. Činenn kolen pre, kay hi biish bersha phouro oun phoureder! Činenn ninna pre have menshendar yon venna!”

4. Mose 26:51

I tsele Israelitarya his khetne 601.730 (shob-sheel-te-yek-zerya-efta-sheel-te-triyanda) morsha.

Mateo 17:24

Oun yon djan an o foro Kapernaum. Kote his kolla, kay lenn o Debleskro khereskre love khetne. Kolla van pash o Petreste, oun poučan lestar: “Dell t'maro sikepaskro kol Debleskro khereskre love?” “Ava,” penas lo, “kova playsrell yob.”