2. Mose 38:21 - O Debleskro Lab 2024 (Sinte-Manouche)

^21-23 O Bezalel, – leskro dad his o Ouri oun leskro papo o Hour, dran o kheer Youda – yob kras koy tseli boudi yaake, har o baro Devel kova o Moseske penas. Oun o Oholiab, – leskro dad hi o Ahisamak, dran o kheer Dan – yob vas leske pash o vast. Oun peskre vastentsa kras lo shoukar koova dran lolo saster, sonakay, roup oun kasht. Ninna hayvas lo mishto lačo layntikro than te krell, oun sivas shoukar koova dran kouč bakrengro bal dren, hoy blaueto, lolo oun lolo har yag his. O Mose penas ap o Itamar, ko čavo o rashayestar Aron: “Pen ap i Levitarya, te činenn le lauter an i liil, hoy i Israelitarya khetne čivan, te krenn le o Debleskro kheer, – ko kheer, kay o Debleskre deesh laba dren hi.”

O Debleskro Drom 2021 (Sinte)

^21-23 O Bezalel, – leskro dad his o Uri un leskro papo o Hur, dran o kheer Juda – job kras koi tseli budi jaake, har o baro Dewel kowa o Moseske penas. Un o Oholiab, – leskro dad hi o Ahisamach, dran o kheer Dan – job was leske pash o wast. Un peskre wastentsa kras lo shukar koowa dran lolo saster, sonakai, rup un kasht. Ninna haiwas lo mishto latcho laintikro than te krell, un siwas shukar koowa dran kutch bakrengro bal dren, hoi blaueto, lolo un lolo har jag his. O Mose penas ap o Itamar, ko tchawo o rashajestar Aron: “Pen ap i Levitarja, te tchinenn le lauter an i liil, hoi i Israelitarja khetne tchiwan, te krenn le o Debleskro kheer, – ko kheer, kai o Debleskre deesh laba dren hi.”

2. Mose 38:21 ပူးပေါင်းရင်းမြစ်များ

1. Familjakro liil 6:3

O Kohat, leskre čave his: o Amram oun o Yizhar oun o Hebron oun o Usiel.

2. Familjakro liil 24:6

Kote moukas o baro ray o pralstouno rashayes, o Yoyada, te kharell, oun penas ap leste: “Hoske dal tou gar yak, te lenn i Levitarya kol menshendar an o them Youda oun an o foro Yerusalem kol love o Debleskro khereske dren, yaake har penas glan i rah tsiro o Mose, koles o baro Debleskro vast his, te anenn i Israelitarya love o baro Debleskro plarhteno kheer.

Hiob 11:4

Tou penal: “Kova hoy me rakrom, hi halauter čačo. Me hom djoudjo glan o Debleskre yaka.”

Hiob 22:23

Te veh tou pale pash o zorelo Debleste, krell lo tout pale zorelo. Čip o čilačepen dour krik dran tiro kheer!

Hiob 26:1

Oun o Hiob penas koy pre:

Debleskri gili 15:1

I gili o Davidestar. Baro Devel, koon nay vell an tiro kheer? Kones moukeh tou ap koy berga te djivell, kay tou khere hal?

2. Mose 25:16

An ko morhton čip kol douy barra kol deesh labentsa, hoy me tout dau.

2. Mose 38:20

Ninna kol tikne kotya his dran lolo saster, hoy denn le an i phoub, te vell o plarhteno kheer oun i plarhte troul i platsa zoreles rikedo.

2. Mose 40:3

Oun čip ko morhton dren, kay o Debleskre deesh laba dren hi. Glan o morhton pande ko kouč kotar than pre!

2. Mose 6:23

O Aron las peske i romni: i Elisheba. Lakro dad hi o Amminadab. Oun lakro phraal hi o Nashon. Oun yoy las čave: o Nadab, oun o Abihu, o Elazar oun o Itamar.

4. Mose 1:50

Tou dess len gole, te boudrenn yon an o Debleskro plarhteno kheer, kay o Debleskre deesh laba dren hi, oun ap halauter, hoy an kava kheer hi. Yon hounte hidjrenn o Debleskro kheer oun halauter, hoy koy dren hi, oun denn garda ap halauter, oun čivenn pengre plarhtene khera troul o Debleskro kheer.

4. Mose 1:53

Kol Levitarya hounte čivenn pengre plarhtene khera troul o Debleskro plarhteno kheer, kay o Debleskre deesh laba dren hi, te denn le garda, te vell kek pash o kheer, yaake te vell gar miri rholi pral i Israelitarya.

4. Mose 10:11

Ap o biishto dives an o douyto čon an o douyto bersh hadas pes koy bari folka, hoy pral o Debleskro kheer his, kay o Debleskre deesh laba dren hi.

4. Mose 18:2

I Levitarya hi tire phrala, kolen less tou pash toute, te ačenn yon pash toute oun boudrenn touke. Tou kokres tire čaventsa han mire rashaya oun boudrenn glan o Debleskro kheer, kay o Debleskre deesh laba dren hi.

4. Mose 24:5

Har shoukar hi tire plarhtene khera, Yakob, kay tou djiveh, Israel.

4. Mose 9:15

Oun ap ko dives, kay vas o Debleskro kheer pre-čiddo, ko kheer, kay o Debleskre deesh laba dren hi, vas i folka tele pral o kheer. Oun an i rati his i yag an late.

Mateo 17:4

Koy penas o Petro ap o Yezouseste: “Ray, hi mishto, te ham mer kate. Tou te kameh, krau me triin tikne khera kate, yek touke, yek o Moseske, oun yek o Eliyeske.”

Bičepangre 7:44

O Stefano penas doureder: Mare phouren his o Debleskro tikno kheer, hoy his kerdo dran firhengre balla, oun hidjran les lentsa, har djan le an o moulo them trouyel. Kava kheer kran le yaake, har o Devel kova o Moseste ap i berga sikras.

2. Korintarja 5:1

Mer djinah, maro djipen ap kay phoub ačell gar. Pal maro merepen lah i nevo troupo. Ko nevo troupo hi har i kheer, hoy kras o Devel oun kek mensho. Ko kheer ačell hako tsiro an o bolepen.

Hebrearja 8:2

Kote boudrell lo o Debleske an o čačo Debleskro kheer, hoy kras o Devel, oun kek mensho.

Hebrearja 9:11

Kanna vas o Yezous Kristo. Yob hi maro baro rashay oun anas men o bolepaskro bravlepen. O Debleskro kheer an o bolepen, kay yob dren djas, hi bareder oun feteder har ko Debleskro kheer ap i phoub. O Debleskro kheer an o bolepen hi gar i menshendar kerdo.

2. Petro 1:13

Me patsau, hi mishto t'menge, te penap t'menge kova yaake rah, har me djivau, te bistrenn t'mer kova gar, oun te venn gar khino, te krenn kova lauter.

Debleskro tsiro 11:19

Oun o Debleskro kheer an o bolepen vas pre kerdo. Oun an o Debleskro kheer dikom me ko sonakaskro morhton, hoy sikrella, kay o Devel o maal peskre menshendar hi. Oun i yag das karye dran o bolepen pre te tele. Oun o bolepen das bari gole, har koy gole, hoy o bolepen della, te dell baro brishin oun te djal yag tele dran o bolepen. Oun i phoub trissas, oun das brishin har bare barra.

Debleskro tsiro 15:5

Oun pal kova dikom, har koy kouč isema pre kerdo vas an o Debleskro kheer an o bolepen.

Debleskro tsiro 21:3

Oun me shounom i zorelo rakepen. Kova vas kotar, kay o Debleskro beshepaskro tardo hi, oun kova penas: “Dikenn, o Debleskro kheer hi pash i menshende! Yob djivell pash lende. Oun yon hi leskre menshe. Oun o Devel hi lengro Devel kokres, oun hi pash lende.”