2. Mose 38:20 - O Debleskro Lab 2024 (Sinte-Manouche)

²⁰ Ninna kol tikne kotya his dran lolo saster, hoy denn le an i phoub, te vell o plarhteno kheer oun i plarhte troul i platsa zoreles rikedo.

O Debleskro Drom 2021 (Sinte)

²⁰ Ninna kol tikne kotja his dran lolo saster, hoi denn le an i phub, te well o plachteno kheer un i plachte trul i platsa soreles rikedo.

2. Mose 38:20 ပူးပေါင်းရင်းမြစ်များ

2. Familjakro liil 3:9

Oun i paash kilogrammi sonakay lan le, te krenn le nagle. Ninna i pralstoune iseme van pral-maklo o sonakayeha.

Esra 9:8

Kanna vas men i tikno tsiro baro kamlepen dino toutar, maro baro Deblestar. Tou moukal menshen mendar djides oun anal men pale kote, kay tou khere hal, te djivas mer kote kek trashah. Doleske sanenn mare yaka, oun nevo djipen hi an mende, ninna te ham gomme boudepangre.

2. Mose 27:19

O tselo koova, koleha boudrenn le an o Debleskro kheer, vell kerdo dran lolo saster, ninna kol tikne kotya, hoy denn le an i phoub, te vell o plarhteno kheer oun i plarhte troul i platsa zoreles rikedo.

2. Mose 38:19

Koy pashel kran le star pesse kashta oun star herya dran lolo saster, ninna roupene rikepangre oun roupene shelle, hoy rikrenn koy bari plarhta. I pesse kashta, len hi shere, kay roup troul čiddo his.

2. Mose 38:21

O Bezalel, – leskro dad his o Ouri oun leskro papo o Hour, dran o kheer Youda – yob kras koy tseli boudi yaake, har o baro Devel kova o Moseske penas. Oun o Oholiab, – leskro dad hi o Ahisamak, dran o kheer Dan – yob vas leske pash o vast. Oun peskre vastentsa kras lo shoukar koova dran lolo saster, sonakay, roup oun kasht. Ninna hayvas lo mishto lačo layntikro than te krell, oun sivas shoukar koova dran kouč bakrengro bal dren, hoy blaueto, lolo oun lolo har yag his. O Mose penas ap o Itamar, ko čavo o rashayestar Aron: “Pen ap i Levitarya, te činenn le lauter an i liil, hoy i Israelitarya khetne čivan, te krenn le o Debleskro kheer, – ko kheer, kay o Debleskre deesh laba dren hi.”

Sikepaskro 12:11

I laba, hoy i goseve rakrenna, hi har soubya. Oun kova, hoy le penenn, djal dour an o mensheskro dji. Kova, kay rakras len, hi har i bakrengro, kay dell garda ap peskre bakre.

Jesaja 22:23

Oun me krau les zoreles an peskri boudi yaake har i saster zoreles dren dino vell. Oun yob anell sharepen ap leskro dadeskro kheer.

Jesaja 33:20

Dik ap ko foro Sion, kay mer khetne vah ap i bare divessa. Dik, har i Yerusalem i foro hi, kay djivenn i menshe kek daryah. Ko foro hi har i plarhteno kheer, hoy bouder gar tele phagedo vell. Kol saster, hoy les rikrenn, venn gar bouder vin tserdedo, oun lengre shelle djan gar bouder paash.

Kolossarja 2:19

Yon rikrenn pen gar ap o Yezous Kristeste, ko ray pral i tsele patslende. Yaake har i kokale i menshes khetne rikrenna, yaake rikrell yob i patslen khetne pash leste, oun dell len lauter, hoy len hounte vell djipaske. Oun yon venna baro oun zorelo an o patsepen yaake, har o Devel kova kamella.