2. Mose 36:8 - O Debleskro Lab 2024 (Sinte-Manouche)

⁸ Yaake kran kol tsele boudepangre, kay hayvan mishto shoukar koova te krell, o Debleskro kheer dran deesh pesse plarhte. Kolla van sido dran lačo zorelo layntikro than, kay ninna kouč bakrengro bal dren hi. Kova his blaueto, lolo oun lolo har yag. An kol plarhte van bolepangre dren sido an shoukar vastengri boudi.

O Debleskro Drom 2021 (Sinte)

⁸ Jaake kran kol tsele budepangre, kai haiwan mishto shukar koowa te krell, o Debleskro kheer dran deesh pesse plachte. Kolla wan sido dran latcho sorelo laintikro than, kai ninna kutch bakrengro bal dren hi. Kowa his blaueto, lolo un lolo har jag. An kol plachte wan bolepangre dren sido an shukar wastengri budi.

2. Mose 36:8 ပူးပေါင်းရင်းမြစ်များ

1. Rajengro liil 6:23

Oun yob moukas douy bolepangre te krell, te venn le an kay kouč isema tardo. Kolla his panč metarya baro oun his kerdo dran olivtikro kasht.

1. Familjakro liil 15:1

Oun o David moukas peske khera te krell an o Davideskro foro. Yob rodas ninna i kotar phoub vin, kay te vell o morhton o Debleskre deesh labentsa pre čiddo, oun moukas leske i plarhteno kheer pre te čivell.

2. Familjakro liil 1:3

Khetne lentsa djas o Salomo ap i mangepaskri platsa pash o foro Gibeon. Kote his o Debleskro plarhteno kheer tardo. Ko kheer moukas o Mose, koles o baro Debleskro vast his, an o moulo tato them te krell.

2. Familjakro liil 3:10

Oun yob moukas ninna douy bolepangre te krell, hoy kharenn Keroubim, te venn le an kay kouč isema tardo. Kolla his shoukar kerdo oun pral-maklo o sonakayeha.

2. Mose 25:18

Kre ninna douy bolepangre, hakeno dran yek kotar sonakay. Oun čip ko yek glan ap o pralstouno kotar oun ko vavar palla ap o pralstouno kotar!

2. Mose 25:22

Kote kamau pash toute te vell. Mashkral kol douy bolepangre, hoy ap o morhton hi, kay i deesh laba dren hi, kotar rakrau touha oun penau touke lauter, hoy i Israelitarya hounte krenn.

2. Mose 31:6

Shoun, me rodom ninna i vavares vin, te djal lo leske pash o vast. Kova hi o Oholiab. Leskro dad hi o Ahisamak, dran o kheer Dan. Lentsa boudrenn hake vavar, kay hayvenn mishto lengre vastentsa te boudrell. Lenge dom me o gosvepen an o dji, te krenn le lauter yaake, har me touke penom:

2. Mose 31:7

O Debleskro plarhteno kheer, o morhton, kay o Debleskre deesh laba dren hi, o pralstouno kotar koy pre, hoy sikrella, kay o Devel lačo ap peskre menshende hi, ninna o tselo vavar koova, hoy an o kheer vell:

2. Mose 35:10

Koon mank t'mende hayvell shoukar koova te krell, kova te vell oun boudrell mentsa, te nay kras mer, hoy o baro Devel penas menge:

2. Mose 36:9

Haki plarhta his deesh-te-star metarya lengsto oun douy metarya bourhlo.

2. Mose 39:3

Yon dan sonakangre kotya khetne, te venn le sano, oun činan len an tikne thaba, te nay sivenn le len an o lačo layntikro than oun mank o bakrengro bal, hoy blaueto, lolo oun lolo har yag kerdo vas. Kova vas an lačo vastengri boudi kerdo.