2. Mose 36:29 - O Debleskro Lab 2024 (Sinte-Manouche)

²⁹ Kol kashta venn tella oun pral i goushtentsa khetne rikedo.

O Debleskro Drom 2021 (Sinte)

²⁹ Kol kashta wenn tella un pral i gushtentsa khetne rikedo.

2. Mose 36:29 ပူးပေါင်းရင်းမြစ်များ

Debleskri gili 122:3

Yerusalem hi i zorelo kerdo foro, kay i menshe khetne venna.

Debleskri gili 133:1

I gili o Davidestar te givell ap o drom an Yerusalem. Dikenn, har mishto oun shoukar hi, te djivenn phrala an o lačepen khetne.

2. Mose 26:24

Kol douy kashta venn tele oun pral khetne rikedo kol činle kashtentsa ap i servi rig oun ap i čači rig, yaake te krenn le serves oun čačes i ekka.

2. Mose 36:28

oun douy vavar, hoy venn yaake khetne tardo, te krenn le serves oun čačes i ekka ap i palstouni rig o kherestar.

2. Mose 36:30

Yaake hi orhta činle kashta ap i palstouni rig oun deesh-te-shob roupene herya: tel hako činlo kasht douy herya.

Bičepangre 2:46

Hako dives van le khetne an o Debleskro baro kheer. Yon rhan o maro khetne an i khera. Oun yon his barhtelo, te dan yon nay i phralen ninna te rhal. Kova kran le o djiyestar.

Bičepangre 4:32

Kol tsele patslen his yek dji oun yek djipen. Kek lendar penas: Ko bravlepen, hoy man hi, hi mange kokres. Na-a, kova his lauterenge koy!

1. Korintarja 1:10

Mire phrala, me shounom, kay hi čingepen mashkral t'mende. Kova penan mange kolla dran i familya koy djouvyatar Kloe. Kanna mangau t'men an o lab maro rayestar, o Yezous Kristestar: Ma čingrenn t'men bouder! Ačenn khetne oun rikrenn khetne an kova, hoy t'mer krenna oun patsenna!

1. Korintarja 12:13

Kolla, kay ap o Yezous Kristeste patsenna hi bibolde oun kolla, kay kek bibolde hi, hi raya oun boudepangre. Kolla lauter lan o Debleskro Dourho. Ko Dourho anas len lauteren khetne.

2. Korintarja 1:10

Oun yob moukas men gar te merell, oun krell kova vitar gar an ko tsiro, hoy glan mende hi. Ava, ap leste dikah, te lell lo men pale te pale vin dran o merepen an ko tsiro, hoy gomme glan mende hi.

Efesarja 2:15

Har yob ap o troushel meras, čivas lo o Moseskre lila ap i rig, kay činlo hi, har i bibolde hounte djivenna. Yob kras čomone neves, te vell i biboldo khetne koleha, kay kek biboldo hi, oun te venn le lauter mala.

Efesarja 2:19

Kanna han t'mer bouder gar save menshe, kay vin hi oun o Debles gar prindjrenna. Na-a, khetne kol vavar patslentsa han t'mer kanna o Debleskre menshe oun han khere pash leste.