2. Mose 35:35 - O Debleskro Lab 2024 (Sinte-Manouche)

³⁵ O baro Devel das kol douyen, o Bezalel oun o Oholiab, o gosvepen, te hayvenn le mishto sonakaskro koova te krell, ninna shoukar plarhte dran lačo layntikro than oun dran kouč bakrengro bal, hoy blaueto, lolo oun lolo har yag kerdo vas. Ninna nay sivenn le shoukar koova an kol kotya than. Yaake nay krenn le haki boudi, oun hayvenn, an pengro shero glan-vi te dikell, har te krenn le lat.

O Debleskro Drom 2021 (Sinte)

³⁵ O baro Dewel das kol dujen, o Bezalel un o Oholiab, o goswepen, te haiwenn le mishto sonakaskro koowa te krell, ninna shukar plachte dran latcho laintikro than un dran kutch bakrengro bal, hoi blaueto, lolo un lolo har jag kerdo was. Ninna nai siwenn le shukar koowa an kol kotja than. Jaake nai krenn le haki budi, un haiwenn, an pengro shero glan-wi te dikell, har te krenn le lat.

2. Mose 35:35 ပူးပေါင်းရင်းမြစ်များ

1. Rajengro liil 3:12

Doleske krau yaake har tou kova mandar mangal. Me dau tout i gosevo dji, te hayvess halauter, hoy glan toute vella. Yaake his pash kekeste glan toute. Oun pal toute vell vitar kek, har tou hal.

2. Familjakro liil 2:14

Miro ray, biče menge kanna kova, hoy tou penal: gib, djob, djet oun mool.

Hiob 7:6

Mire divessa djan trouyel yaake sik har i soub, hoy pre oun tele djal. Oun kova hoy gomme glan mande hi, nay vell či, hoy shoukar hi.

2. Mose 26:1

Ko kheer kress tou dran deesh pesse plarhte. Oun kolla venn sido dran lačo zorelo layntikro than, kay ninna kouč bakrengro bal dren hi. Kova hi blaueto, lolo oun lolo har yag. An kol plarhte venna bolepangre dren sido an shoukar vastengri boudi.

2. Mose 31:3

Me čivom miro dourho an leste, oun dom les gosvepen oun vasta, hoy hayvenn mishto te boudrell,

2. Mose 31:6

Shoun, me rodom ninna i vavares vin, te djal lo leske pash o vast. Kova hi o Oholiab. Leskro dad hi o Ahisamak, dran o kheer Dan. Lentsa boudrenn hake vavar, kay hayvenn mishto lengre vastentsa te boudrell. Lenge dom me o gosvepen an o dji, te krenn le lauter yaake, har me touke penom:

2. Mose 35:31

O baro Devel čivas peskro dourho an o Bezalel, oun das les gosvepen oun vasta, hoy hayvenn mishto te boudrell,

2. Mose 36:1

O Bezalel, o Oholiab oun kol vavar, kolen o baro Devel o gosvepen oun vasta das, te hayvenn le mishto halauter te krell, hoy lo penas, kolla te krenn leske kanna i kheer oun kol tsele koola, hoy koy dren hi.”

Jesaja 28:26

Oun har yob kova hounte krell, sikras les o Devel, kova hoy yob djinell, vell lestar.

Jesaja 38:12

Tele phagedo hi miro djipen, har o plarhteno kheer i bakrengro morshestar, kay doureder djal. Tele činlo hi miro djipen har i thab dran i kotar than. Dives oun rati moukeh tou man te hayvell, te hi mantsa trouyel.

Bičepangre 19:6

Oun o Paulo čivas i vasta ap lende, oun o Debleskro Dourho vas ap lende. Oun yon rakran an vavar rakepen, oun penan kova, hoy o Devel lende sikras.

Bičepangre 19:8

Triin čon ačas o Paulo kote oun rakras an i biboldengri kangri. Oun les his kek traash oun penas i menshenge i bari zoryah, kay o Devel o Yezous Kristes bičras, te lell lo len dran o čilačepen vin.

1. Korintarja 1:5

Yob das t'men boud gosvepen, te nay penenn o Debleskro lab, oun te hayvenn t'mer, hoy yob kamell t'menge te penell.

1. Korintarja 1:7

T'men hi haki zoor, hoy o Debleskro Dourho della. Oun t'mer dikenn ap ko dives, kay vell maro ray, o Yezous Kristo, pale.

1. Korintarja 12:12

O mensho hi dran boudeder kotya, har moussya, herya, oun vavar. Ninna te hi lo dran boud kotya, hi lo yek mensho. Yaake hi ninna o Yezous Kristeha oun kolentsa, kay ap leste patsenna.

1. Korintarja 12:4

O Debleskro Dourho dell i patslende koy zoor, te nay boudrenn le o Debleske. Ninna te hi koy zoor pash hakeneste vavarčandes, hi yek Debleskro Dourho, kay dell yekes kava oun ko vavares kova.

1. Korintarja 12:8

Ko yekes dell o Debleskro Dourho i gosevo lab, oun i vavares, te hayvell lo, hoy o Devel kamella. Oun yob penell kova i vavarenge doureder. Hi yek Debleskro Dourho, kay kova lauter krella.

Galatarja 3:2

Kova kamau me t'mendar te djinell: Har djas kova, kay lan o Debleskro Dourho? Lan t'mer les, har t'mer kran, hoy o Moseskre laba penenna? Na-a, t'mer lan les, har shounan o Yezousestar oun patsan ap leste.

Galatarja 3:5

O Devel das t'men peskro Dourho oun kras pash t'mende boud baro oun zorelo koova, hoy kek vavar nay krella. Kras lo kova, har djivan t'mer pal o Moseskre laba? Na-a! Yob kras kova, har t'mer shounan o Yezousestar oun ap leste patsan.

1. Timoteo 4:16

De garda ap toute, har tou djiveh oun har tou sikreh o Debleskro drom! Kre ko koova, hoy touke penom! Yaake djah tou ap o drom pash o Debleste. Oun kolla, kay shounenn ap kova, hoy tou peneh, aneh tou ninna ap ko drom.

2. Timoteo 2:15

Kre lauter, te vess i lačo boudepaskro o Debleske, oun hounte ladjess tout gar koleske, hoy tou kreh! Pen o Debleskro lab yaake, har čačo hi!