2. Mose 35:29 - O Debleskro Lab 2024 (Sinte-Manouche)

²⁹ Yaake anan i Israelitarya, morsha oun djouvya, kolengre djia rhačan, boud koova pendar, te vell koy tseli boudi kerdo, hoy o baro Devel o Moseske penas.

O Debleskro Drom 2021 (Sinte)

²⁹ Jaake anan i Israelitarja, mursha un djuwja, kolengre djia chatchan, bud koowa pendar, te well koi tseli budi kerdo, hoi o baro Dewel o Moseske penas.

2. Mose 35:29 ပူးပေါင်းရင်းမြစ်များ

1. Familjakro liil 29:14

Me hom či, oun mire menshe hi či. Mendar nay dah tout gar savo boud koova! Lauter, hoy men hi, vell toutar. Ninna kava koova, hoy dam toute, lam toutar.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

1. Familjakro liil 29:3

Te krap o kheer miro Deblestar yaake shoukar har djala, dau ninna dran miro bravlepen

1. Familjakro liil 29:6

Har shounan kol laba i pralstoune pral i bare familyende oun pral i deesh-te-douy khera o Yakobeskre čavendar, ninna i pralstoune pral i lourdende, kolla pral yek zero oun kolla pral yek sheel, oun kol pralstoune pral ko tselo koova, hoy o baro rayeske his,

2. Familjakro liil 35:8

Oun i pralstoune an leskro them dan pendar kokres firhen i menshenge oun i rashayenge oun i Levitarenge. I pralstoune pral o Debleskro kheer, kolla his o Hilkiya, o Zakarie oun o Yehiel, yon dan i rashayende ko rhapaske Passa 2.600 (douy zerya-shob-sheel) tikne bakre oun tikne bouzya, koy pashel 300 (triin-sheel) groumya.

Esra 3:5

Pal ko tsiro anan le hako dives kol firhen, kay van taysarlake oun ratsyake rhačedo o baro Debleske. Oun ninna ap hako nevo čon oun ap i vavar bare divessa anan le firhen o baro Debleske. Oun dan ninna kova, hoy yek pestar kamas te dell o baro Debleste.

Esra 8:28

Oun me penom ap lende: “T'mer han o Debleske vi-rodedo, oun kol tsele kotya hi o Debleske ap i rig čiddo: Oun ko roup oun ko sonakay vas o Debleske dino dran o menshengro kamlepen. Yon dan kova pendar o baro Debleske, koles ninna pengre phoure an-mangan.

2. Mose 35:4

O Mose penas ap i tsele Israelitarya: O baro Devel penell t'menge:

2. Mose 35:5

Hakeno, hoy les an o dji rhačella, te dell lo man pestar čomone, kova nay dell man: Sonakay, roup oun lolo saster,

2. Mose 36:3

Oun o Mose das len ko tselo kouč koova, hoy i Israelitarya anan, te krenn le o baro Debleske i kheer. Oun hako dives taysarlakro van le pale te pale pash o Moseste oun anan leske boudeder kouč koova pendar.

Jesaja 8:20

Rikrenn t'men ap o Debleskro drom, oun ap kova, hoy yob t'mende sikrell! Te penenn i menshe t'menge vavar koova, palle vell lenge kek momeli ap lengro drom.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

1. Korintarja 3:5

Dikenn, koon hi o Apollo, oun koon hom me, o Paulo! O Debleskre boudepangre ham mer oun kram, kay van t'mer patslo. Hakeno mendar kras koy boudi, har o Devel leste das.

1. Korintarja 9:17

Te kroms me kova mandar, palle nay loms me kova playsedo. Me krau kova gar mandar. O Devel das man koy boudi.

2. Korintarja 9:7

Hakeno hounte dell yaake boud love, har leskro dji leske penella. Les hounte khaytell kova gar, hoy yob das! Yob dell kova pestar oun gar, har te kaman le les lestar. O Devel kamell kol menshen, kay denn o djiyestar.

Galatarja 6:16

Me kamoms, te dell o Devel peskri barht oun peskro kamlepen lauterende, kay rikrenn pen ap kal laba. Mou vell kova ninna ap i tsele Debleskre menshende an Israel!

5. Mose 11:32

Yaake denn yak ap halauter, hoy o baro Devel t'mendar kamell, oun ap leskre tsele čačepaskre laba, hoy me t'menge kava dives penau. Oun djivenn koy pal!

5. Mose 4:2

Čivenn kek lab koy pashel, hoy me penom, te hounte krenn! Lenn ninna či kolestar krik, te rikrenn les gar. Rikrenn t'men ap i laba t'maro baro Deblestar, hoy me t'menge penau.

2. Petro 1:19

Doleske djinah mer čačepah, kay kova čačo hi, hoy o Debleskre rakepangre penan. T'mer krenna mishto, te denn garda koy pre. Ko lab hi har i momeli, hoy rhačella an i rat, bis te vell o dives. Palle djal i rayli momeli an t'mare djia pre.

Čačepangre 5:2

Sharas o baro Debles! Čače morsha anan o Israel an o kourepen. Pendar vin djan i kourepangre lentsa.

Čačepangre 5:9

Miro dji hi i pralstunenge an Israel, oun i lourdentsa, kay pendar vin djan an o kourepen. Kolenge parkrenn t'men pash o baro Debleste!