2. Mose 35:26 - O Debleskro Lab 2024 (Sinte-Manouche)

²⁶ Vavar djouvya, kay hayvan oun kaman thaba te krell dran bouzyengro bal, kran kova ninna.

O Debleskro Drom 2021 (Sinte)

²⁶ Wawar djuwja, kai haiwan un kaman thaba te krell dran busjengro bal, kran kowa ninna.

2. Mose 35:26 ပူးပေါင်းရင်းမြစ်များ

2. Rajengro liil 23:7

Oun yob moukas kol tsele loubyengre khera tele te phagell, kay pash o baro Debleskro kheer tardo his. An kol khera kran i djouvya ripya i Asherake.

2. Mose 35:21

Halauter, kolengre djia rhačan, oun kay kaman pendar čomone te dell, van oun anan čomone o baro Debleske, te vell leske i plarhteno kheer kerdo, kay i rashaya nay boudrenn leske, oun te nay krenn le ripya kolenge.

2. Mose 35:25

I tsele djouvya, kay hayvan mishto thaba dran kouč bakrengro bal te krell, kran kova oun anan yaake thaba, hoy blaueto, lolo, oun lolo har yag kerdo vas, ninna lačo layntikro than.

2. Mose 35:27

Kol deesh-te-douy pralstoune morsha, kay his i pralstoune pral kol deesh-te-douy bare familye, kay van o Israeleskre čavendar, kolla anan kouč barra, hoy kharenna Onyx, oun vavar kouč barra, te venn le ap o rashayeskri damdira oun ap o bečeskri possita kerdo.

2. Mose 35:29

Yaake anan i Israelitarya, morsha oun djouvya, kolengre djia rhačan, boud koova pendar, te vell koy tseli boudi kerdo, hoy o baro Devel o Moseske penas.

2. Mose 36:2

O Mose kharas o Bezalel oun o Oholiab pash peste, ninna kol tsele vavaren, kay o baro Devel gosvepen an lengro dji das oun vasta, te boudrenn le mishto, oun kay van pendar, te krenn le koy boudi.

2. Mose 36:8

Yaake kran kol tsele boudepangre, kay hayvan mishto shoukar koova te krell, o Debleskro kheer dran deesh pesse plarhte. Kolla van sido dran lačo zorelo layntikro than, kay ninna kouč bakrengro bal dren hi. Kova his blaueto, lolo oun lolo har yag. An kol plarhte van bolepangre dren sido an shoukar vastengri boudi.

Gosewe laba 31:19

Yoy lell koy thabeskri spindla an o vast, oun krell peskre thaba.