2. Mose 34:35 - O Debleskro Lab 2024 (Sinte-Manouche)

³⁵ Har vas lo vin, te penell lo ap i Israelitarya, hoy o baro Devel leske penas, dikan yon, har leskro mouy hi har o kham. Palle khatras o Mose peskro mouy pale tel ko diklo, bis te djas lo pale dren, te rakrell lo o baro Debleha.

O Debleskro Drom 2021 (Sinte)

³⁵ Har was lo win, te penell lo ap i Israelitarja, hoi o baro Dewel leske penas, dikan jon, har leskro mui hi har o kham. Palle khatras o Mose peskro mui pale tel ko diklo, bis te djas lo pale dren, te rakrell lo o baro Debleha.

2. Mose 34:35 ပူးပေါင်းရင်းမြစ်များ

2. Mose 35:1

O Mose das i tsele Israelitarya khetne gole oun penas ap lende: “O baro Devel penas t'menge:

Sikepaskro 8:1

Kay hi ko mensho, kay hi čačepah gosevo? Kay hi kova, kay hayvell te penell, hoske čomone yaake hi har kova hi? Dik i menshes an i yaka, palle nay peneh, hi lo gosevo oder gar. Te hi lo gosevo, palle dikell lo lačes ap i vavareste. Leskro gosvepen lell leskri rholi krik.

Daniel 12:3

Oun kolla, kay hayvan o Debleskro drom, hi har i momeli ap o bolepen. Oun kolla, kay sikran i vavarende o čačo drom, hi har i bolepangre momlia hako tsireske.

Mateo 13:43

Palle hi kolla, kay kran, hoy lengro dad an o bolepen kamas, har i bari momeli an leskro raylo them. Moukenn kova an t'maro shero trouyel te djal!

Mateo 5:16

Yaake hounte venn t'mer har i momeli, hoy rhačell glan i menshende, te dikenn le, havo lačo koova t'mer lauter krenna, oun te sharenn le o Debles, kay hi t'maro dad an o bolepen.

Johanni 5:35

O Yohanni his i momeli, kay rhačas. Oun i tikno tsiro hans t'mer barhtelo pral kova, hoy yob penas oun kras.

2. Korintarja 3:13

Mer krah kova gar har o Mose: Kova čivas i diklo glan peskro mouy, te dikenn kol Israelitarya gar, har leskro raylepen krik djas.

Filiparja 2:15

Yaake djivenn t'mer, har mishto hi. Oun kek hatsell i doosh ap t'mende. T'mer han o Debleskre čave, oun djivenn mashkral kol menshende, kay hi čilačo oun nashran pen an boud dinelo koova. Mashkral kolende han t'mer har i momlia an i rati,