2. Mose 34:27 - O Debleskro Lab 2024 (Sinte-Manouche)

²⁷ O baro Devel penas o Moseske: “Čin kal laba an i liil, te rikrenn t'men ap lende. Palle han mire menshe, oun me rikrau miro lab, hoy dom miro vast pre oun krau touke oun i Israelenge, hoy me penom.”

O Debleskro Drom 2021 (Sinte)

²⁷ O baro Dewel penas o Moseske: “Tchin kal laba an i liil, te rikrenn tumen ap lende. Palle han mire menshe, un me rikrau miro lab, hoi dom miro wast pre un krau tuke un i Israelenge, hoi me penom.”

2. Mose 34:27 ပူးပေါင်းရင်းမြစ်များ

2. Mose 17:14

Palle penas o baro Devel ap o Moseste: “Čin kava pre, te bistrenn le kova gar! Oun rake les o Yosua an o dji, te bistrell lo kava kourepen gar. Oun pen leske ninna, te kamau me te marap i tsele Amalekarya yaake, te venn le hakenestar bistedo ap kay phoub.”

2. Mose 24:4

Koy činas o Mose hako lab, hoy o baro Devel penas, an i liil. Oun sik taysarlakro stas yob pre oun kras i rhačepaskri tele glan i berga, kote pre firhe rhačedo venna o baro Debleske. Ninna čivas lo deesh-te-douy barra pre kol deesh-te-douy bare familyenge, kay van o Israeleskre čavendar: yek bar haki familyake.

2. Mose 24:7

Oun yob las o liil, kay yob dren činas, hoy o baro Devel peskre menshendar kamella, oun draveras kava liil i menshenge glan. Oun i tsele menshe penan: “Lauter, hoy o baro Devel penas, kamah mer te krell, oun ap leste shounell.”

2. Mose 34:10

O baro Devel penas ap leste: Me dau t'men miro lab, oun dau miro vast pre: Glan t'mare yaka kamau me zorelo oun baro koova te krell, har an kek vavar them oun pash kek vavar menshende kerdo vas. Te dikenna i tsele menshe, kay troul t'mende hi, havo baro koova me t'menge krau, palle darenn le oun krenn bare yaka.

5. Mose 31:9

O Mose činas kal čačepaskre laba an i liil, oun das les kol phoureden pral Israel oun kol rashayende dran o kheer Levi, kay o Debleskro morhton hidjran, kay o Debleskre deesh laba dren hi.

5. Mose 4:13

Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.