2. Mose 34:24 - O Debleskro Lab 2024 (Sinte-Manouche)

²⁴ Me tradau i tsele vavar menshen glan t'mende krik, oun krau t'maro them bareder. Yaake vell kek an t'maro them, te lell lo peske i kotar them ap ko tsiro, kay djan t'mer triin kope an o bersh pash t'maro baro Debleste, te venn khetne glan leste.

O Debleskro Drom 2021 (Sinte)

²⁴ Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

2. Mose 34:24 ပူးပေါင်းရင်းမြစ်များ

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 35:5

Oun yon kran pen ap o drom. Oun o Devel čivas i daar ap kol menshende, kay djivan an i forya troul lende. Oun kolla lan len gar palla.

1. Rajengro liil 5:1

Oun yaake his o Salomo o baro ray pral i tsele themma, hoy hi čiddo mank o pani Eufrat oun ko them, kay i Filistarya djivan, oun tele bis pash o them Egiptia. Pral kolende his les penepaske, oun yon playsran leske roup oun sonakay, yaake rah har yob djivas.

1. Familjakro liil 4:10

Oun o Yabez das gole ap o Israeleskro Debleste oun penas: Čip tiri barht ap mande, oun kre miro them bareder har lo kanna hi. Ab mantsa, oun rike tiro vast pral mande, te vell nay kek douk pral mande! Oun o Devel moukas te vell, hoy yob poučas peske lestar.

2. Familjakro liil 17:10

Ap i tsele themma, hoy troul o them Youda čiddo his, moukas o baro Devel i traash te vell, yaake te djas kek an o kourepen o rayeha Yosafat.

Hiob 1:10

Tou deh yak ap leskro kheer oun ap lauter, hoy les hi. Tou čival tiri barht ap lauter, hoy yob an-taprell. Oun leskre firhe van boud oun boudeder an o tselo them.

Debleskri gili 120:1

I gili te givell ap o drom an Yerusalem. Har djas mange djoungeles, dom gole ap o baro Debleste, oun yob shounas man.

Debleskri gili 78:55

Yob tradas i tsele vavar menshen glan lende vin, oun das lengro them peskre menshende, hakeneste kol deesh-te-douy bare familyendar das lo lengro kotar, te vell ko them lengro. An i plarhtene khera kol vavar menshendar moukas lo i Israelitaryen te djivell.

Debleskri gili 80:8

Tou, Devel oun ray pral o bolepen oun i phoub, hade men pale pre! Dik lačes ap mende, yaake djal menge pale mishto.

2. Mose 33:2

Oun me bičrau i bolepaskro. Kova djal glan t'mende. Oun me tradau i vavar menshen an kava them vin: i Kanaanitarya, i Amorarya, i Hetarya, i Perisarya, i Hivarya oun i Yebousarya.

2. Mose 34:11

Me tradau kol Amorarya, Kanaanitarya, Hetarya, Perisarya, Hivarya oun Yebousarya dran lengro them oun dau les t'mende. Rikrenn kal laba, hoy me penau t'menge kava dives!

Gosewe laba 16:7

Te dikell o baro Devel lačes ap kova, hoy yek krell, palle krell lo, te venn ninna kolla leskre mala, kay kaman leske čilačepen.

3. Mose 18:24

Ma krenn t'men sau koveha pale-čiddo! Kova lauter kras kol vavar menshe pale-čiddo, kolen me glan t'mende dran o them vin tradau.

Bičepangre 18:10

Me hom pash toute oun kek nay doukrell tout. An kava foro hi boud menshe, kay kamenna ap mande te patsell.”

5. Mose 12:20

Te dell t'maro baro Devel – yaake har lo rakras – t'mende boudeder them, oun t'men hi bok ap mass, palle rhan mass an t'mare gaba oun forya, yaake boud har kamenn!

5. Mose 16:16

Triin kope an o bersh hounte venn t'mare tsele morsha glan t'maro baro Debleste ap koy platsa, hoy yob peske vin rodell: ap kol bare divessa, kay rhan kek maro dran shoutlo yarro, oun ap ko baro dives, kay anenn o baro Debleske o nevo djobestar, hoy t'mer dren anan, oun ap kol divessa, kay djivenn an patyengre khera. Oun kek vell, koles či pash peste hi, hoy yob o baro Debleske anella.

5. Mose 19:8

Te krenn t'mer halauter, hoy t'menge kava dives penau, te hounte krenn, te kamenn t'maro baro Debles o tselo djiyeha oun djan ap leskre dromma, palle krell t'maro baro Devel t'maro them bareder, yaake har yob pes glan t'mare phourende sovel das. Ap ko tsiro, kay das lo t'men o tselo them, palle rodenn t'menge triin vavar forya vin!

5. Mose 7:1

T'maro baro Devel anell t'men an ko them, hoy t'maro vell. Oun yob tradell boud menshen glan t'mende vin: I Hetarya oun i Girgasharya oun i Amorarya oun i Kanaanitarya oun i Perisarya oun i Hivarya oun i Yebousarya. Kolla hi efta natsyone, kay hi bareder oun zorleder har t'mer.