2. Mose 34:16 - O Debleskro Lab 2024 (Sinte-Manouche)

¹⁶ T'mer romedinerans t'mare morsh čaven lengre čentsa. Oun kolla djouvya anans t'mare morsh čaven o Debleskro dromestar tele, te mangenn le ninna kol deblen dran kasht oun bar an.

O Debleskro Drom 2021 (Sinte)

¹⁶ Tumer romedinerans tumare mursh tchawen lengre tchentsa. Un kolla djuwja anans tumare mursh tchawen o Debleskro dromestar tele, te mangenn le ninna kol deblen dran kasht un bar an.

2. Mose 34:16 ပူးပေါင်းရင်းမြစ်များ

1. Mose 24:3

oun de tout sovel ap o baro Debleste, ap o Debleste pral o bolepen oun i phoub, te less miro čaveske kek romyat, kay vell kate dran o them Kanaan.

1. Rajengro liil 11:1

O baro ray Salomo romedineras boud djouvyen dran vavar themma: koy čay o baro rayestar pral o them Egiptia, ninna djouvya dran i themma Moab, Ammon, oun Edom, dran o foro Sidon oun i menshendar Het.

1. Rajengro liil 21:25

Čačepah, kek his koy har o Ahab, kay bikras pes, te krell lo o čilačepen glan i yaka o baro Deblestar. Oun leskri romni, i Isebel, his koya, kay anas les ap kava čilačo drom.

2. Familjakro liil 21:11

Ninna kras lo moulne platse ap i berge an o them Youda, kay i menshe i moule debla an-mangan. Yaake anas lo i menshen an Youda oun an Yerusalem o baro Debleskro dromestar tele.

Esra 9:12

Doleske ma denn t'mare čen lengre čavenge! Oun lengre čen ma lenn len t'mare čavenge! Ma avenn lengre mala! Oun denn yak, te venn le gar bravelo, an kek tsiro. Palle nay venn t'mer zoreles an o them, oun nay rhan ko lačepen, hoy an ko them koy hi. Kova nay denn palle t'mare čaven, te djivenn le an hako tsiro an ko them.

Esra 9:2

Yon lan kolengre djouvyen penge oun pengre morsh čavenge ninna. Oun yaake hi mank o Debleskre menshende save, kay gar lendar hi. I pralstoune oun i čačepangre morsha his i erste, kay kova kran, oun peran o Deblestar tele.”

Nehemia 10:30

yon dan pen khetne pengre phralentsa, kol pralstunentsa mank lende, oun dan pen sovel, te djan le ap o Debleskro drom, yaake har sikras lende o Mose, koles o Debleskro vast his, te djivenn le pal hako lab oun pal o čačepen, hoy das len o baro Devel, lengro ray, oun te kamenn kova te krell, hoy yob lendar kamell.

Nehemia 10:31

Mer kamah mare čen gar i morshentsa i vavar menshendar an kava them te romedinerell, oun ninna lengre čen gar mare čavenge te lell.

Nehemia 13:23

An ko tsiro dikom me bibolden, kay lan penge romyen dran o Filistarengro foro Ashdod, ninna dran i themma Ammon oun Moab.

Nehemia 13:25

Oun me čingrom kol morshentsa, praasom len, oun dom ninna morshen lendar, oun tserdom lengre balla vin. Oun krom, te denn le pen sovel pash o Debleste, te denn le kek pengre čendar kol vavarengre čavende, oun lenn kek kolengre čendar penge oun pengre čavenge.

Debleskri gili 106:39

oun kran pen pale-čiddo koleha, hoy yon kran, oun peran o baro Debleskro dromestar tele.

Hosea 1:2

Har rakras o baro Devel o ersto kopo ap o Hosea, te penell yob leskre laba i menshenge, penas lo ap leste: Rode touke i loubni oun romedine lat! Tout hounte vell čave, kay i loubyatar ap i phoub anlo venn. Yaake sikreh: I menshe an kava them hi har i loubni: Yon moukan man oun nashenn vavar deblenge palla.

3. Mose 21:15

Kova hounte krell lo, te lell lo gar čave, kay pale-čiddo vans. Me hom o baro Devel, oun rodom les mange vin, te vell lo miro rashay.

Josua 23:12

Te rissrenn t'mer t'men lestar tele, oun čivenn t'men kol vavar menshentsa khetne, kay gomme an kava them djivenn, oun romedinerenn len,

Josua 23:13

palle djinenn, palle tradell o baro Devel gar bouder kal vavar menshen glan t'mende vin dran o them. Oun yon venn t'menge har dorya oun netse, an kolende t'mer tapedo venn, oun har čoupnia ap t'mare dume, oun doukrenn t'men har i kasht an o yak. Kova djal yaake dour, bis te kek t'mendar bouder an kava lačo them hi, hoy t'maro baro Devel t'men das.

Čačepangre 14:3

Kote penas leskro dad oun leskri day ap leste: “Hi mank tire tsele menshende kek čay touke? Hatseh kek romni mank i tsele Israelitarya, te hounte djas tou pash i Filistarya, oun less touke i romni kolendar, kay gar činlo hi ap pengro mass?” O Simson penas ap peskro dad: “Koya le mange! Yoy hi i shoukar an mire yaka.”

Čačepangre 3:5

Oun yaake djivan i Israelitarya mashkral i Kanaanitarya, i Hetarya, i Amorarya, i Perisarya, i Hivarya oun i Yebousarya.

Čačepangre 3:6

Oun i Israelitarya lan penge lengre čen oun romedineran len. Oun yon dan pengre čen lengre čavende, oun mangan lengre deblen an.

Čačepangre 8:27

Oun o Gideon kras dran ko sonakay yek devel. Oun čivas les pre an peskro foro, hoy kharella Ofra. Oun o tselo Israel vas koy, te mangenn le les an. Oun doleske peras o Gideon oun leskro tselo kheer o čačo dromestar tele.