2. Mose 34:12 - O Debleskro Lab 2024 (Sinte-Manouche)

¹² Ma avenn mala kol menshenge an ko them, kay t'mer venna! Te vans lengre mala, nay anans le t'men miro dromestar tele.

O Debleskro Drom 2021 (Sinte)

¹² Ma awenn mala kol menshenge an ko them, kai tumer wenna! Te wans lengre mala, nai anans le tumen miro dromestar tele.

2. Mose 34:12 ပူးပေါင်းရင်းမြစ်များ

1. Rajengro liil 11:2

Kolla his save menshendar, kolendar o baro Devel ap i Israelitarya penas: “Ma moukenn t'men lentsa dren, oun yon hounte moukenn pen gar t'mentsa dren. Yon tserdans t'mare djia pash lengre deblende.” Ap kal djouvyende nashras o Salomo peskro dji.

2. Rajengro liil 17:10

Oun ap haki berga oun tel hako baro rouk čivan le bare barra pre pengre deblenge, ninna figure, kay i debletsa Ashera sikrenn.

2. Familjakro liil 24:18

Yaake vas, te djan i menshe an leskro them bouder gar an o kheer o baro Deblestar, kay o Devel lengre phourendar his. Yon mangan i figuren an, hoy i debletsa Ashera sikrenn oun vavar moule deblen. Yaake anan le doosh ap pende glan o baro Debleste. Oun leskri rholi vas pral o them Youda oun pral o foro Yerusalem.

Debleskri gili 106:36

oun mangan lengre deblen an. Yaake peran le o baro Debleskro dromestar tele.

4. Mose 33:52

hounte tradenn kol tsele menshen, kay djivenn kote, glan t'mende krik. Oun lengre tsele barrengre oun sasterne deblen, hoy kran yon penge, krenn paash, ninna kol pre-čidde barra.

5. Mose 20:18

Te krenn t'mer kova gar, anenn le t'menge pashel, har te krenn ko tselo djoungelo koova, hoy yon pengre deblenge kran. Oun yaake anens t'mer doosh ap t'mende glan t'maro baro Debleste.

5. Mose 31:5

Ap ko tsiro, kay dell o baro Devel kol menshen an t'maro vast, krenn lentsa yaake har penom me t'menge.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

5. Mose 7:2

Te dell t'maro baro Devel len an t'mare vasta, oun t'mer denn len, palle hounte marenn len halauteren. T'mer hounte krenn gar lentsa vin, te venn lengre mala, oun hounte sikrenn kek lačepen ap lende.

Josua 9:7

Koy penan i Israelengre morsha ap kol Hivarya: “Nay hi, te djivenn t'mer kate mashkral mende! Har nay kras mer palle savo koova t'mentsa vin?”

Čačepangre 6:10

Oun me penom t'menge: Me, o baro Devel, hom t'maro Devel. Ma mangenn kol deblen an, hoy i Amorarya an-mangenn, an kolengro them t'mer djivenn. Oun t'mer shounan gar ap mande.”

Čačepangre 8:27

Oun o Gideon kras dran ko sonakay yek devel. Oun čivas les pre an peskro foro, hoy kharella Ofra. Oun o tselo Israel vas koy, te mangenn le les an. Oun doleske peras o Gideon oun leskro tselo kheer o čačo dromestar tele.