2. Mose 34:10 - O Debleskro Lab 2024 (Sinte-Manouche)

¹⁰ O baro Devel penas ap leste: Me dau t'men miro lab, oun dau miro vast pre: Glan t'mare yaka kamau me zorelo oun baro koova te krell, har an kek vavar them oun pash kek vavar menshende kerdo vas. Te dikenna i tsele menshe, kay troul t'mende hi, havo baro koova me t'menge krau, palle darenn le oun krenn bare yaka.

O Debleskro Drom 2021 (Sinte)

¹⁰ O baro Dewel penas ap leste: Me dau tumen miro lab, un dau miro wast pre: Glan tumare jaka kamau me sorelo un baro koowa te krell, har an kek wawar them un pash kek wawar menshende kerdo was. Te dikenna i tsele menshe, kai trul tumende hi, hawo baro koowa me tumenge krau, palle darenn le un krenn bare jaka.

2. Mose 34:10 ပူးပေါင်းရင်းမြစ်များ

2. Samuel 7:23

Oun kay hi menshe ap i phoub har tire menshe Israel? Kolenge djal tou koy, te less len dran o pandepen vin, te venn le tire menshe. Ko baro oun zorelo koova, hoy tou lenge kral, kras, te val prindjedo ap i phoub. Tou tradal vavar menshen lengre deblentsa vin glan tire menshende, kay tou vin lal dran Egiptia, te venn le tire.

Debleskri gili 106:22

savo koova, hoy kek vavar nay kras, ninna savo zorelo koova pash o Baro Lolo Pani, kay lenge o rakepen krik ačas.

Debleskri gili 136:4

Yob kokres krell baro koova, hoy kek vavar nay krella. Leskro lačepen ačella hako tsireske!

Debleskri gili 145:6

Yon rakrenn pral tiri zoor, hoy yaake baro hi, te vell men daar. Oun me rakrau pral tiro raylepen.

Debleskri gili 147:20

Kova kras lo kek vavar menshenge. Leskre čačepaskre laba prindjrenn yon gar. Sharedo vell o baro Devel!

Debleskri gili 65:5

Har barhtelo hi kova, koles tou touke vin rodal, oun moukeh les pash toute te vell, te djivell lo ap i platsa glan tiro kheer. Kova vell čalo o lačepastar an tiro raylo kheer, kay tou djiveh.

Debleskri gili 66:3

Penenn ap o Debleste: Har baro hi kova lauter, hoy tou kral. Kolla, kay tout gar kaman, hounte čivenn pen tele glan toute, glan tiri bari zoor!

Debleskri gili 66:5

Avenn oun dikenn, hoy o Devel kras. I menshenge ačell o rakepen krik, te dikenn le, hoy kras lo ap lende.

Debleskri gili 68:35

Hadenn o Debles! Yob hi o bareder. Leskro raylepen hi pral o Israel, oun leskri zoor djal bis ap i volke.

Debleskri gili 72:18

Sharas o baro Debles, ko Debles pral o Israel. Yob kokres krell baro oun zorelo koova!

Debleskri gili 76:12

Denn t'men sovel, te denn čomone o baro Debleste, kay t'maro Devel hi. Oun rikrenn t'mari sovel! Anenn leske kouč koova, t'mer dran i tsele themma, kay troul leste hi. Yob hi kova, kolestar hakeno darella.

Debleskri gili 77:14

Miro Devel, halauter, hoy tou kreh, hi čačo. Kek vavar devel hi yaake zorelo har tou.

Debleskri gili 78:12

Glan lengre phourende kras yob baro zorelo koova an o them Egiptia, pash o foro Soan.

2. Mose 34:27

O baro Devel penas o Moseske: “Čin kal laba an i liil, te rikrenn t'men ap lende. Palle han mire menshe, oun me rikrau miro lab, hoy dom miro vast pre oun krau touke oun i Israelenge, hoy me penom.”

2. Mose 34:28

Star-desha divessa oun ratsya ačas o Mose ap i berga pash o baro Debleste. An kova tsiro rhas lo či oun piyas lo či. Yob činas kol deesh laba ap kol douy barra, – kol laba, kay penenna, hoy o Devel peskre menshendar kamella.

Jesaja 64:3

An kek tsiro shounas yek i deblestar yaake har tou hal. Kek kand shounas savestar, oun kek yak dikas i debles, kay krell savo baro koova kolenge, kay dikenn ap leste.

Jeremia 32:21

Tou kral baro oun zorelo koova, hoy kek vavar nay krella, har anal tire menshen, i Israelitaryen, vin dran o them Egiptia i zorelo vasteha, oun i pre-hadedi moussyah, oun kral bari traash i vavarenge.

Micha 7:15

Mouk men tiri zoor te dikell, ko zorelo koova hoy menge kral, har mare phoure dran o them Egiptia djan,

5. Mose 10:21

Yob hi kova, koleske sharenn t'men i vavar menshe. Yob hi t'maro Devel, kay kras savo baro oun zorelo koova pash t'mende. Kova dikan t'mer t'mare yakentsa.

5. Mose 32:30

Har nay las yek lourdo i zero (1.000) Israelitaryen palla? Har nay tradan douy lourde deesh-zerya (10.000) Israelitaryen yaake, te nashan le penge i daryatar? Kova vas, har o baro Devel, lengro rikepaskro, len an kolengre vasta das.

5. Mose 4:13

Oun yob kras t'mentsa vin, te hi lo t'maro Devel, oun t'mer han leskre menshe. Oun yob das t'men kol deesh laba, hoy činas lo an douy barra, oun penas t'menge, te hounte rikrenn t'men ap kova, hoy t'mer leha vin kran oun hounte djivenn pal kol deesh laba.

5. Mose 9:19

Leskri rholi ap t'mende his yaake baro, te darom, te marals yob t'men. Oun o baro Devel shounas ninna kava kopo ap mande.

Josua 6:20

Koy phourdan i rashaya an i phourdepangre. Oun har i morsha i phourdepangre shounan, dan le i kourepaskri gole. Koy peran i pre-čidde barra troul o foro an pende khetne. Oun i tsele lourde djan haki rigyatar pre an o foro. Yaake lan le o foro dren.