2. Mose 33:7 - O Debleskro Lab 2024 (Sinte-Manouche)

⁷ Hako kopo, kay djan i Israelitarya ap i vavar platsa, čivas o Mose o plarhteno kheer pre vin glan koy platsa, kay i menshe hi. Yob penas: “Kova hi ko kheer, kay o baro Devel t'mentsa khetne vell.” Hako Israelitari, kay kamas o baro Deblestar čomone te poučell, hounte djas kote.

O Debleskro Drom 2021 (Sinte)

⁷ Hako kopo, kai djan i Israelitarja ap i wawar platsa, tchiwas o Mose o plachteno kheer pre win glan koi platsa, kai i menshe hi. Job penas: “Kowa hi ko kheer, kai o baro Dewel tumentsa khetne well.” Hako Israelitari, kai kamas o baro Deblestar tchomone te putchell, hunte djas kote.

2. Mose 33:7 ပူးပေါင်းရင်းမြစ်များ

2. Samuel 21:1

An ko tsiro, kay o David djivas, vas i bari bok pral o them, oun i menshen his triin bersh či te rhal. Oun o David poučas o baro Deblestar, hoske kova yaake hi. Oun o baro Devel penas: “Ap o Saul oun ap leskro kheer hi i rateskri doosh čiddo, doleske, kay o Saul das kol Gibeonaryen moulo.”

Debleskri gili 10:1

Baro Devel, hoske hal tou yaake dour mandar krik? Hoske khatreh tou tout mandar an o čilačo tsiro?

Debleskri gili 27:8

Tire laba van mange an o shero, hoy tou penal: “Avenn pash mande!” Doleske vau pash toute.

Debleskri gili 35:22

Baro Devel, tou dikal kova. Rike tout gar pale, rake! Miro ray, ma ab kanna dour mandar krik!

2. Mose 18:12

Oun o Yetro las i firho, hoy yob o Debleske maras oun tseles rhačras, oun ninna vavar firhe, hoy yob maras, te rhan le len khetne glan o Debleste. Oun o Aron oun i tsele phoureder dran Israel van oun rhan khetne o Moseskri romyakro dadeha kote, kay yon o Debles an-mangan.

2. Mose 18:7

Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala.

2. Mose 33:6

Yaake čivan i Israelitarya pengro sonakay oun roup tele, har his le pash i berga Horeb.

2. Mose 33:8

Hako kopo har djas o Mose vin pash o Debleskro plarhteno kheer, stan i tsele Israelitarya pre oun djan an i voudya glan lengre plarhtene khera, oun ačan koy tardo. Yon dikan o Moseske palla, har yob pash o Debleskro plarhteno kheer djas.

Gosewe laba 15:29

O baro Devel hi dour krik kolendar, kay čilačo hi. Yob shounell kova, hoy kolla lestar mangenna, kay an o čačepen tardo hi.

Jesaja 59:2

Na-a, t'mari doosh, hoy ap t'mende lan, hi tardo mank t'mende oun t'maro Debleste. Dran ko čilačepen, hoy kran, khatrell lo peskre yaka t'mendar, oun doleske shounell yob gar.

Hosea 9:12

Ninna te tserdenn le pengre čaven bares, lau len lendar pale krik. Kek lendar ačell djido. Havi bibarht vell pral lende, me te tserdau man lendar krik!

5. Mose 4:29

An kol themma rodenn t'mer palle o baro Debles, kay t'maro Devel hi. Te poučenn pal leste t'maro tselo djiyeha oun t'mari tseli zoryah, hatsenn t'mer les.

Hebrearja 8:2

Kote boudrell lo o Debleske an o čačo Debleskro kheer, hoy kras o Devel, oun kek mensho.