2. Mose 33:20 - O Debleskro Lab 2024 (Sinte-Manouche)

²⁰ Mire yaka oun miro mouy dikess tou gar. Kek mensho, kay dikas man, ačell djido.

O Debleskro Drom 2021 (Sinte)

²⁰ Mire jaka un miro mui dikess tu gar. Kek mensho, kai dikas man, atchell djido.

2. Mose 33:20 ပူးပေါင်းရင်းမြစ်များ

1. Mose 32:30

Penas o Yakob ap leste: “Kanna pen mange tiro lab!” Penas yob: “Hoske poučeh pal miro lab?” Oun yob penas Ač o Debleha! ap o Yakobeste.

2. Mose 24:10

Oun yon dikan o Israeleskro Debles. Oun tel leskre herya his čomone, hoy vi-dikas har kol kouč barra, hoy kharenna Safire. Oun kova his yaake djoudjo oun blaueto har o bolepen.

2. Mose 24:9

Palle djas o Mose, o Aron, o Nadab, o Abihu oun 70 (efta-deesh) i phourendar dran Israel ap i berga pre.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

2. Mose 33:18

O Mose mangas: “Mouk man tiro raylepen te dikell!”

2. Mose 33:23

Palle lau miro vast pale, oun tou nay dikeh mange palla. Mire yaka oun miro mouy nay dikell kek.”

Jesaja 6:5

Oun me penom: “Kanna hounte merap! Me hom i morsh, dran koleskro mouy savo rakepen djas, te nay vau me gar glan o Debleste. Oun me djivau mank menshende, dran kolengre mouya ninna savo rakepen djal. Oun mire yakentsa dikom o baro rayes, les, o baro Debles, kay hi o ray pral o bolepen oun i phoub.”

Johanni 1:18

Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

5. Mose 5:24

oun penan: “Dik, maro baro Devel sikras men peskro raylepen oun barepen. Oun mer shounam leskro rakepen dran i yag vin. Kava dives hayvam mer, te rakrell o baro Devel i menshentsa, oun o yon ačenn djides.

1. Timoteo 6:16

Yob nay merell gar. Yob djivell kote, kay i momeli yaake zorelo hi, kay kek nay dren djala. O Debles dikas kek mensho, oun kek mensho nay dikell les. Koles vell o tselo raylepen oun i tseli zoor!

Hebrearja 1:13

Ap kekeste peskre bolepangre penas lo kova, hoy yob ap peskro čaveste penas: Besh tout ap miri čači rig! Oun me krau, te vess tou o ray pral kolende, kay rhan pen ap toute.

Čačepangre 13:22

Oun o Manoa penas ap peskri romni: “Kanna hounte meras! Mer dikam o Debles!”

Čačepangre 6:22

Har o Gideon dikas, te his kova o baro Debleskro bolepaskro, penas lo: “Ray, baro Devel, kanna hounte merap. Čačepah dikom o baro Debleskro bolepaskres an i yaka.”