2. Mose 33:16 - O Debleskro Lab 2024 (Sinte-Manouche)

¹⁶ Tou te djah mentsa, palle hayvell hakeno, te dikeh lačes ap mande oun ap kal menshende. Yaake sikreh i tsele vavar menshende ap kay phoub, te ham kouč touke.”

O Debleskro Drom 2021 (Sinte)

¹⁶ Tu te djah mentsa, palle haiwell hakeno, te dikeh latches ap mande un ap kal menshende. Jaake sikreh i tsele wawar menshende ap kai phub, te ham kutch tuke.”

2. Mose 33:16 ပူးပေါင်းရင်းမြစ်များ

2. Samuel 7:23

Oun kay hi menshe ap i phoub har tire menshe Israel? Kolenge djal tou koy, te less len dran o pandepen vin, te venn le tire menshe. Ko baro oun zorelo koova, hoy tou lenge kral, kras, te val prindjedo ap i phoub. Tou tradal vavar menshen lengre deblentsa vin glan tire menshende, kay tou vin lal dran Egiptia, te venn le tire.

Debleskri gili 147:20

Kova kras lo kek vavar menshenge. Leskre čačepaskre laba prindjrenn yon gar. Sharedo vell o baro Devel!

2. Mose 34:10

O baro Devel penas ap leste: Me dau t'men miro lab, oun dau miro vast pre: Glan t'mare yaka kamau me zorelo oun baro koova te krell, har an kek vavar them oun pash kek vavar menshende kerdo vas. Te dikenna i tsele menshe, kay troul t'mende hi, havo baro koova me t'menge krau, palle darenn le oun krenn bare yaka.

2. Mose 34:9

“Miro ray, te dikeh tou lačes ap mande, palle dja mentsa, ninna te djan kal menshe pal pengro shero. Biste mari doosh oun ko čilačo koova, hoy kram, oun mouk men pale tire menshe te vell.”

2. Mose 8:22

O Mose penas: “Kova djal gar. Kol firhen, hoy mer maro baro Debleske marah, hi pale-čiddo pash i Egiptarya. Te marah mer kol firhen kote, kay i Egiptarya nay dikenn men, palle hadenn yon barra pre oun vitsrenn men lentsa moules.

3. Mose 20:24

T'menge penau: Lengro them dau t'mende, te vell lo t'maro. Kova hi i them, kay boud thoud oun gvin hi. Me, o baro Devel, hom t'maro Devel, oun rodom t'men mange dran i vavar themma vin.

3. Mose 20:26

Me hom o baro Devel. Kek vavar hi har me. An mande hi kek čilačepen. Oun t'men rodom vin dran i vavar themma, te venn t'mer miro. Doleske hounte venn kokres mange oun djivenn har i Debleskre menshe djivenn.

4. Mose 14:14

penenn le kova kol menshenge an kava them. Kolla shounan, kay tou, baro Devel, mashkral tire menshende hal, oun kay nay dikenn yon tout, oun tiri folka pral lende tardo hi, oun kay tou, o baro Devel, glan lende djah, an i folka ap o dives, oun rati an i yag.

4. Mose 23:9

Pral ap i berga hom tardo, oun dikau tele ap kol menshende. Yon hi menshe, kay djivenn penge, oun djinenn, kay yon gar hi har i vavar menshe.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

2. Korintarja 6:17

Doleske penell o Devel: Djan kolendar krik, kay sharenn vavar koova! Ma avenn lentsa khetne! Lenn či an t'mare vasta, hoy hi pale-čiddo glan mire yaka! Palle lau t'men kamles pash mande pre.

5. Mose 4:34

Kek vavar devel djas oun las peske menshen vin dran i vavar them, har yob kras, har las lo t'men vin dran o them Egiptia. Yob sikras peskri bari zoor oun kras sau koova, hoy kek vavar nay krell, oun anas boud bibarht ap i Egiptaryen. Yob kouras pes t'menge. Peskro zorelo vasteha oun peskri pre-hadedi moussyah las lo t'men vin, oun kras i Egiptarenge bari daar. Kova lauter dikan t'mer.

5. Mose 4:7

Kay hi savi bari natsyona, kolenge lengro devel ap i rig vell, har menge maro baro Devel ap i rig vell hako kopo, kay dah mer les an-gole?