2. Mose 33:14 - O Debleskro Lab 2024 (Sinte-Manouche)

¹⁴ O Devel penas: “Me djau glan toute oun anau tout an i them, kay tou khere hal.”

O Debleskro Drom 2021 (Sinte)

¹⁴ O Dewel penas: “Me djau glan tute un anau tut an i them, kai tu khere hal.”

2. Mose 33:14 ပူးပေါင်းရင်းမြစ်များ

Hiob 34:29

Te rikrell pes o Devel pale, nay penell kek leske: Tou anal doosh ap toute! Te khatrell lo pes, nay dikell les kek. Hoy nay krenn i menshe, hoy nay krell i natsyona,

Debleskri gili 95:11

Doleske dom man sovel an miri rholi: “Yon te djan gar dren an miro them, kay nay vans le khere!”

2. Mose 13:21

O baro Devel djas glan lende ap o dives an i bari folka, te anell lo len ap o čačo drom, oun rati an i bari yag, te vell lenge i momeli, yaake te nay djan le ap o dives oun ninna an i rat.

2. Mose 3:12

Koy penas o Devel: “Me hom pash toute. Te anal tou mire menshen dran o them Egiptia vin, palle djan t'mer pash kay berga oun marenn kate firhen mange. Kova hi i sikepen, te bičrom me tout.”

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Jeremia 31:2

O baro Devel penell: Kol menshe, kay van gar maredo o rhareha, lenge sikrau lačepen an o moulo tato them; o Israel hi ap o drom khere.

Jeremia 6:16

O baro Devel penas lenge: Ačenn tardo ap ko drom, kay t'mer djan! Dikenn oun poučenn pal i phoure dromma! Hatsenn vin, havo drom anell t'menge lačepen! Oun djan kava drom! Palle vell shoukapen an t'mare djia. Yon penan: Kova kamah mer gar te krell.

Daniel 12:13

Oun tou, Daniel, ač o Debleha tiro tselo djipen! Oun palle sob! Te hi kay phoubyakro tsiro trouyel, steh tou pale pre o djipaske oun leh tiro bravlepen.”

Mateo 11:28

T'mer marenna t'men tele, te krenn kova, hoy t'mare phoure ap t'mende penan. Avenn pash mande! Me lau ko pharo koova t'mendar, te lenn t'mer pale nevi zoor.

Mateo 28:20

Penenn lenge, te rikrenn le ap lauter, hoy me t'menge penom! Čačepah, me hom pash t'mende hako dives yaake rah, har i phoub koy hi.”

5. Mose 12:10

Te djan vergel o pani Yordan oun djivenn an ko them, hoy t'maro baro Devel t'men dell te venn kote khere, nay krell kek t'men kote čilačepen, oun kek rodell kourepen t'mentsa.

5. Mose 25:19

Ap ko tsiro, kay lan t'mer ko them dren, hoy t'maro baro Devel t'men dell, oun t'mer bouder gar an o kourepen han kolentsa, kay troul t'mende djivenn, palle denn kol tsele Amalekaryen moulo, yaake te ačell či lendar pral, hoy sikrell, te his i tsiro, kay djivan le. Oun kova bistrenn gar!

5. Mose 3:20

T'mer kourepangre, avenn t'mare phralenge pash o vast yaake rah bis te lan le ko them dren, hoy o baro Devel len della ap i vavar rig o panyestar Yordan, oun bis te moukell lo len kote te djivell kek kourepah, yaake har yob ninna t'menge kras. Palle nay djan t'mer pale an t'maro them, hoy t'mende dom.”

5. Mose 31:8

O baro Devel hi kova, kay djal glan toute, yob hi touha! Yob ačell pash toute oun moukell tout gar kokres. Ma dare či oun ma traash kekestar!”

5. Mose 4:37

Yob kamas t'mare phouren o tselo djiyestar, oun rodas lengre čaven vin oun kolengre čaven, oun halauter kay lendar venna. Oun yob djas t'mentsa, har anas lo t'men vin dran o them Egiptia peskri bari zoryah,

Josua 1:5

Kek nay vell zorleder har tou, yaake rah har tou djiveh. Yaake har me o Moseha homs, yaake vau me touha. Me moukau tout gar, oun me djau gar toutar.

Josua 21:44

Oun o baro Devel kras, te vell len kek kourepen kol thementsa troul lende, yaake har lo pes glan lengre phourende sovel das, te krell lo kova. Oun kek, kay kamas pes lentsa te kourell, vas zorleder har yon. Kolen lauteren das o baro Devel an lengro vast.

Josua 22:4

Kanna kras t'maro baro Devel, te nay lan t'mare phralen lengro them ninna dren, oun yon nay djivenn kote an o lačepen, yaake har lo kova lenge penas. Doleske rissrenn kanna trouyel, oun djan pash t'mare plarhtene khera an ko them, hoy t'menge dino vas, te vell lo t'menge – ko them, hoy das t'men o Mose, koles o baro Debleskro čačo vast his, ap i vavar rig o panyestar Yordan.

Josua 23:1

Boud bersha djan trouyel, kay kras o baro Devel, te nay djivan i Israelitarya an o lačepen kol thementsa troul lende. Kek kolendar kouras pes lentsa. Oun o Yosua vas phouro. Les his i lengsto djipen.