2. Mose 32:4 - O Debleskro Lab 2024 (Sinte-Manouche)

⁴ Oun yob las len dran lengre vasta, oun čivas len an i yag, oun kras i devel, hoy dikas vin har i terno gouroum. Oun yon penan: “Kava hi tiro Devel, Israel, kova, kay tout dran o them Egiptia vin anas.”

O Debleskro Drom 2021 (Sinte)

⁴ Un job las len dran lengre wasta, un tchiwas len an i jag, un kras i dewel, hoi dikas win har i terno gurum. Un jon penan: “Kawa hi tiro Dewel, Israel, kowa, kai tut dran o them Egiptia win anas.”

2. Mose 32:4 ပူးပေါင်းရင်းမြစ်များ

1. Rajengro liil 12:28

Oun o ray Yerobeam djinas pash peste, hoy nay krell lo, oun moukas douy sonakangre terne groumyen te krell, oun penas ap i menshende: “T'mer Israelitarya, hi doha, kay djan t'mer yaake rah an Yerusalem, te mangenn o Debles an. Kate hi t'mare debla, kolla anan t'men dran o them Egiptia!”

1. Rajengro liil 12:32

Oun yob čivas i baro dives dren an o orhtato čon, ap o deesh-te-pančto dives, te vals ko dives har kol bare divessa an o them Youda. Oun ap i rhačepaskri rhačras lo firhen. Kova kras lo an Betel, kote rhačras lo firhen kol terne groumyenge dran sonakay, hoy lo kras. Oun kote an Betel čivas lo rashayen an pengri boudi dren, te his le rashaya ap kol moulne platse, hoy lo kras, kay mangenn le i moule deblen an.

2. Rajengro liil 10:20

Oun o Yehou penas: “Denn vin gole, te vell i baro dives, kay venn firhe maredo o debleske Baal, te vell yob sharedo!” Oun kava lab vas vin gole dino.

2. Rajengro liil 10:29

Kol vavar rhorhene deblen moukas lo tardo: kol sonakangre terne groumya an Betel oun Dan. Kolen kras o Yerobeam, koleskro dad o Nebat his. Oun o Yerobeam anas i Israelitaryen o Debleskro dromestar tele, te mangenn yon kol figure an. Oun o Yehou moukas len kova ninna te krell.

2. Familjakro liil 11:15

O Yerobeam rodas peske rashayen vin, kay boudran ap i moulne platse i bengenge oun kol moule deblenge, hoy vin dikan har terne groumya, hoy yob moukas te krell.

2. Familjakro liil 13:8

Oun kanna patsenn t'mer, te han zorleder har ko them, pral koleste o baro Devel o Davideskre čaven čivas, te venn le bare raya. Boud han, ko dikau, oun pash t'mende hi t'mare sonakangre terne groumya, hoy o Yerobeam t'menge das, te venn le t'mare debla.

Nehemia 9:18

Ninna palle djal tou lendar gar, har kran yon penge i sonakaskro terno gouroum oun penan: “Kava hi t'maro Devel, kay anas t'men vin dran o them Egiptia.” Yaake boud doukran le tout, maro Devel.

2. Mose 20:2

Me, o baro Devel, hom tiro Devel, koon tout vin las dran o them Egiptia, kay tou i pandlo boudepaskro hals.

2. Mose 20:23

Doleske krenn t'menge kek vavar debles, kek dran roup, vitar kek dran sonakay.

2. Mose 20:4

Oun tou kress touke kek devel, hoy vi-dikell har čomone an o bolepen, vitar gar har čomone ap i phoub oun vitar gar har čomone an o baro pani.

2. Mose 28:11

Mouk koy boudi yekestar te krell, hoy hayvell mishto laba an bar te činell. Oun kol barra venn čiddo an sonakangre goustria.

2. Mose 28:9

Le douy kouč barra, hoy kharenna Onyx! Oun an kolende mouk i laba o Israeleskre čavendar dren te činell:

2. Mose 32:1

Har dikan i menshe, kay o Mose i rah tsiro krik ačas, oun gar bouder koy berga tele vas, van le khetne pash o Aron oun penan ap leste: “Dja, kre menge i devel, kay djal glan mende! Mer djinah gar, hoy ko Moseha djas, kay anas men dran o them Egiptia vin.”

2. Mose 32:24

Me poučom: Kones hi sonakay? Yaake lan le pengro sonakay tele oun dan les mande. Me lom ko sonakay oun čivom les an i yag, oun hoy vin vas, his ko terno gouroum.”

2. Mose 32:3

Yaake lan i tsele menshe pengre kanengre dran i kanda, oun anan len pash o Aron.

2. Mose 32:35

Oun o baro Devel das i Israelitaryen doleske, kay yon mangan ko terno gouroum an, hoy o Aron kras.

2. Mose 32:5

Har dikas kova o Aron, kras yob i rhačepaskri glan ko gouroum, te rhačrenn le firhen leske koy pre, oun moukas vi-gole te dell: “Taysar hi i baro dives, kay sharah o baro Debles!”

2. Mose 32:7

O baro Devel rakras ap o Mose: “Naash, dja tele, tire menshe, kay tou dran o them Egiptia vin anal, kran djoungelo koova.

2. Mose 32:8

Sik djan le ko dromestar tele, kay me sikrom lende. Yon kran penge i devel, – i terno gouroum, – oun mangan les an, maran firhen leske oun penan: Kava hi tiro Devel, Israel, kova, kay anas tout dran o them Egiptia vin.”

Jesaja 30:22

Palle dikenn t'mer ap t'mare roupene oun sonakangre figure har ap čomone, hoy pale-čiddo hi. Krik kolentsa penenn t'mer oun vitsrenn len krik har čik.

Jesaja 46:6

Kol menshe, kay krenn pen i rhorheno devel, lenn sonakay dran lengri possita, oun čivenn roup ap i vaga, te playsrenn le koles, kay hayvell mishto te boudrell an sonakay oun roup, te krell lo kolestar i devel lenge. Glan koleste vitsrenn yon pen tele ap i phoub, oun mangenn les an.

Ezekiel 23:8

Har li i terni djouvel his an o them Egiptia, sovan i morsha lah, oun tapran lakre čoučya an, oun kran lah trouyel. Oun savo koova moukas li kanna gar.

Hosea 10:5

I menshe an o foro Samaria darenn, te vell ko sonakaskro terno gouroum krik lino, hoy hi tardo an o foro Bet-Aven. Yon rovenna har pal yekeske, kay meras. Leskre rashaya trissenna troul leskro shoukapen, te vell lo lestar krik lino.

Hosea 13:2

Oun kanna krell o kheer Efrayim boudeder čilačo koova: Dran pengro roup krenn le penge figure, hoy vi-dikenn, har yon kamenn, oun hoy le an-mangenn. Morsha, kay lengri boudi mishto hayvenn, krenn len pengre vastentsa. I menshenge vell penlo: Koon anell čomone o Debleske, hounte čoumrell kal roupene terne groumyen!

Bičepangre 17:29

Mer te vah o Deblestar, palle hi kova dinlepen, te patsenn t'mer, kay hatsenn o Debles an kova, hoy t'mer t'mare vastentsa kran dran sonakay, roup oun barra.

Bičepangre 7:41

An ko tsiro kran le i groumni dran sonakay, te vell kaya lengro devel. Oun yon anan firhen, maran len oun rhačran len lake, oun van barhtelo pral kova, hoy yon kran.

1. Korintarja 10:7

Ma mangenn vavar koova an har o Debles! Mank kolende an o phouro tsiro his save, kay kran kova. An o Debleskro lab hi činlo: Yon beshan tele, te rhan le oun piyan le oun stan pre, te khelenn le glan o sonakaskro firho.

5. Mose 9:16

Oun me dikom, t'mer kran baro čilačepen ap t'maro baro Debleste. T'mer kran t'menge i sonakaskro terno gouroum oun djan sik tele ko dromestar, hoy o baro Devel sikras t'mende, te hounte djan.

Čačepangre 8:24

Oun o Gideon penas pale ap lende: “Yek kamau t'mendar te mangell: Denn man kol kanengre, hoy lan kolendar, kay kouran t'men lentsa!” Kolla his Ismaelarya oun doleske his len sonakangre kanengre.

Čačepangre 8:27

Oun o Gideon kras dran ko sonakay yek devel. Oun čivas les pre an peskro foro, hoy kharella Ofra. Oun o tselo Israel vas koy, te mangenn le les an. Oun doleske peras o Gideon oun leskro tselo kheer o čačo dromestar tele.