2. Mose 32:27 - O Debleskro Lab 2024 (Sinte-Manouche)

²⁷ Oun yob penas ap lende: “O baro Devel, o Devel pral o Israel, penell t'menge: Lenn hakeno peskro rharo, oun djan pral koy tseli platsa, kate te kote! Hakeno lell peskro phrales, peskro males, oun koles, kay langs leste djivell, oun dell les moulo.”

O Debleskro Drom 2021 (Sinte)

²⁷ Un job penas ap lende: “O baro Dewel, o Dewel pral o Israel, penell tumenge: ‘Lenn hakeno peskro charo, un djan pral koi tseli platsa, kate te kote! Hakeno lell peskro phrales, peskro males, un koles, kai langs leste djiwell, un dell les mulo.’”

2. Mose 32:27 ပူးပေါင်းရင်းမြစ်များ

2. Rajengro liil 10:25

Har kolla pre rhačan, penas o Yehou ap kol klistende oun pralstoune lourdende: “Djan dren oun denn lauteren moulo! Moukenn kekes krik nashell!” Oun yon dan len o rhareha. Oun kol lourde, kay yak dan oun pralstoune lourde vitsran kolen vin, kay moulo hi, oun djan doureder dren an o kheer o deblestar Baal.

2. Mose 32:26

Koy djas o Mose an o voudar glan koy platsa, kay i menshe djivenn, oun das gole: “Koon kamell o baro Debles, kova te vell pash mande!” Yaake van i tsele Levitarya pash leste.

2. Mose 32:28

I Levitarya kran, har o Mose lenge penas. Oun ap kova dives meran yaake triin zerya morsha.

2. Mose 32:29

O Mose penas ap i Levitarya: “Kava dives van t'mer rashaya o baro Debleske. T'mer rikran t'men gar pale, te maran ninna t'mare morsh čaven oun phralen. Doleske čivell o baro Devel peskri barht ap t'mende.”

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

4. Mose 25:5

Oun o Mose penas ap kol Israeleskre čačepangre: “Denn moulo hakeno peskre menshen, kay nashan o Baal-Peor palla!”

Louka 14:26

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

2. Korintarja 5:16

Doleske dikah kanna bouder gar yaake ap i mensheste har an o tsiro, har hams gomme gar patslo. Ninna prindjrah mer o Yezous Kristes kanna vavarčandes har an ko tsiro, har djivas lo ap i phoub.

5. Mose 13:10

Na-a, tou dess les moulo. Tou vess o ersto, kay lell i bar an peskro vast, te vitsress ap leste, oun pal toute i tsele vavar.

5. Mose 13:6

Oun ko rakepaskro, ninna kova, koles kol sounya hi, yob hounte vell maredo. Yob kamas t'men t'maro baro Deblestar krik te anell, kolestar, kay anas t'men vin dran o them Egiptia oun las t'men vin dran o pandepen. Ko mensho kamas te djan t'mer tele o dromestar, hoy t'maro baro Devel penas, te hounte djan ap leste. Oun t'mer hounte vitsrenn vin o čilačepen, hoy mashkral t'mende hi.