2. Mose 32:25 - O Debleskro Lab 2024 (Sinte-Manouche)

²⁵ O Mose dikas, kay i Israelitarya bipandle van. O Aron moukas len te krell, hoy yon kaman. Yon kran pen sapaske kolenge, kay kamenn pen lentsa te kourell.

O Debleskro Drom 2021 (Sinte)

²⁵ O Mose dikas, kai i Israelitarja bi-pandle wan. O Aron mukas len te krell, hoi jon kaman. Jon kran pen sapaske kolenge, kai kamenn pen lentsa te kurell.

2. Mose 32:25 ပူးပေါင်းရင်းမြစ်များ

1. Mose 3:10

Penas o rom: “Me shounom, kay hal an i baar. Oun man his traash. Me hom nango. Koy khatrom man.”

1. Rajengro liil 12:28

Oun o ray Yerobeam djinas pash peste, hoy nay krell lo, oun moukas douy sonakangre terne groumyen te krell, oun penas ap i menshende: “T'mer Israelitarya, hi doha, kay djan t'mer yaake rah an Yerusalem, te mangenn o Debles an. Kate hi t'mare debla, kolla anan t'men dran o them Egiptia!”

1. Rajengro liil 14:16

Dran o čilačepen, hoy o Yerobeam kras, moukell o baro Devel i Israelitaryen. O Yerobeam djas o baro Debleskro dromestar tele, oun kras, te djan i Israelitarya ninna o baro Debleskro dromestar tele.”

2. Familjakro liil 28:19

Savi phagi moukas o baro Devel pral i menshende an o them Youda te vell doleske, kay moukas lengro baro ray, o Ahas, o baro Debles, oun kay moukas lo i menshen an peskro them bipandles te vell.

2. Mose 32:26

Koy djas o Mose an o voudar glan koy platsa, kay i menshe djivenn, oun das gole: “Koon kamell o baro Debles, kova te vell pash mande!” Yaake van i tsele Levitarya pash leste.

Gosewe laba 29:18

Te hi kek Debleskro rakepen koy, palle venn i menshe divyo oun bipandlo. Barhtelo hi kova, kay shounell ap o Debleskre laba.

Jesaja 47:3

Tou vell diklo, har djal nanges, oun ladj vell ap toute. Kanna dau me tout ko tselo čilačepen pale, hoy kral. Oun kek nay rikrell man pale.

Jeremia 5:5

Me kamau pash i pralstunende te djal, te rakrap lentsa. Kolla djinenn o Debleskro drom oun nay penenn mange, hoy an i yaka lengro Deblestar mishto hi. Palle hayvom: Ninna kolla kaman gar, te vell yob lengro ray, oun kaman gar ap leste te shounell.

Ezekiel 16:63

Me lau tiri tseli doosh toutar krik, hoy ap toute anal. Te vell touke palle tiro phouro djipen an o shero, ladjeh tou, oun nay kreh tiro mouy bouder gar pre i ladjatar. Kava penau me, o baro Devel, tiro ray.

Daniel 12:2

Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Hosea 2:3

Penenn t'mare phralenge, te hi le mire menshe, oun ap t'mare phenya, te krau me miro dji lenge pre.

Micha 1:11

T'mer, kay djivenn an o foro Shafir, djan an o pandepen, nanges oun an ladj. I menshe an o foro Zaanan djan gar vin dran lengro foro. An o foro Bet-Ezel vell baro ropen shounlo. Kote hi t'menge kek khatepen.

Remarja 6:21

Kova, hoy kran, his či moldo. T'mer kran savo koova, koleske kay dives ladjenn t'men. Savo koova anell an o merepen dren.

5. Mose 9:20

Ninna ap o Aron his o baro Debles i bari rholi, oun yob kamas les te marell. Oun me mangom an ko tsiro ninna o Aroneske.

Debleskro tsiro 16:15

Oun i triin benga anan len khetne an i them, hoy kharella ap hebretikes: Harmagedon. Kanna shounenn, hoy o Yezous Kristo penella! Yob penella: “Me vau har i čorepaskro. Barhtelo hi kova, kay yak della, oun gar sovella, oun leskre koola ap leste hi, yaake te hi lo gar nango oun ladjella.”