2. Mose 32:19 - O Debleskro Lab 2024 (Sinte-Manouche)

¹⁹ Har vas o Mose pash i menshende, oun dikas ko terno gouroum, oun har i menshe khelan, vas an leste i bari rholi. Yob vitsras kol barra dran peskre vasta oun phagas len an kotya tella pash i berga.

O Debleskro Drom 2021 (Sinte)

¹⁹ Har was o Mose pash i menshende, un dikas ko terno gurum, un har i menshe khelan, was an leste i bari choli. Job witsras kol barra dran peskre wasta un phagas len an kotja tella pash i berga.

2. Mose 32:19 ပူးပေါင်းရင်းမြစ်များ

2. Samuel 6:14

O David khelas peskri tseli zoryah glan o baro Debleste. Oun troul leste his les i rashayeskri layntikri damdira.

Debleskri gili 119:53

I rholi taprell man, te dikau, har i čilače moukan tiro drom.

2. Mose 15:20

Oun i Miryam, o Aroneskri pheen, his i Debleskri rakepaskretsa. Oun yoy las peskri bashepaskri, hoy kharella pauka, an o vast, oun i tsele djouvya lan ninna pengre bashepangre, oun djan lake palla, oun bashran oun khelan.

2. Mose 32:11

O Mose mangas o baro Debles, kay leskro Devel his, oun penas: “Baro Devel, tiro zorelo vasteha anal tou tire menshen dran o them Egiptia vin, oun sikral tiri tseli zoor. Hoske kameh tou len kanna an tiri rholi temerl te dell?

2. Mose 32:18

Koy penas o Mose leske: “Kaya hi kek gole, har pal i kourepen, kay vans le i zorleder, vitar kek gole, har te nashans le penge. Me shounau i gole, har te givenn le oun khelenn le.”

2. Mose 34:1

O baro Devel penas ap o Moseste: “Kre touke douy bare barra, har kolla his, kay tou paash dal! Palle kamau me pale kol laba dren te činell, hoy an i vavar barra činlo his.

Jeremia 31:32

Kova hi gar har kova, hoy lengre phourentsa vin krom, har lom len pash o vast oun lom len dran o them Egiptia. Kol laba, hoy lende dom, te rikrenn le pen ap lende, phagan le, ninna te hom me lenge i lačo ray.

Ropaskre gilja 5:15

Mare djia givenn bouder gar, maro khelepen hi kanna maro ropen.

Zakarie 11:14

Palle phagom miro kasht, hoy kharom harmenatsyona. Yaake sikrom, kay i menshe an o them Youda oun an o them Israel bouder gar phrala hi.

4. Mose 12:3

O Mose his i mensho, kay kras pes gar bares. Kek mensho his ap i phoub, kay his yaake har o Mose oun hadas pes gar.

Mateo 5:22

Me penau t'menge: Koon ap peskro phraleste rhoyedo hi, kova hounte vell glan o čačepaskro anlo. Oun koon peskro phrales praasella, kova hounte vell glan i pralstoune čačepangre anlo. Oun koon penella: Dja touke pash o bengeste! kova vella an o bengeskri yag vitsedo.

Markus 10:14

Har o Yezous kova dikas, vas lo rhoyedo, oun penas ap lende: “Moukenn kol čaven pash mande te vell! Ma rikrenn len pale! Save har yon, kolen das o Devel gole, te djivenn le khetne leha an o bolepen.

Markus 3:5

Kova doukas les, kay lengro dji har i bar his. Oun yob dikas rhoyemen ap lende oun penas ap ko morsheste: “Sike tiro vast!” Oun yob sikras peskro vast. Oun ko vast vas sasto.

1. Korintarja 10:7

Ma mangenn vavar koova an har o Debles! Mank kolende an o phouro tsiro his save, kay kran kova. An o Debleskro lab hi činlo: Yon beshan tele, te rhan le oun piyan le oun stan pre, te khelenn le glan o sonakaskro firho.

Efesarja 4:26

Te venn t'mer an i rholi, palle denn garda, te krenn kek čilačo koova! Moukenn o kham gar tele te djal pral t'mari rholi!

5. Mose 10:2

Oun me činau ap kol barra kol laba hoy ap kol glanstoune dren činlo his, kolen tou paash phagal. Oun tou čivess kol barra an kava morhton!”

5. Mose 27:26

“Praasedo vell kova, kay rikrell gar kal tsele čačepaskre laba.” Oun i tsele menshe hounte penenn: Amen!