2. Mose 32:15 - O Debleskro Lab 2024 (Sinte-Manouche)

¹⁵ O Mose djas pale koy berga tele. An leskro vast his les kol barra, kay o Debleskre deesh laba ap hake douy rigya dren činlo hi.

O Debleskro Drom 2021 (Sinte)

¹⁵ O Mose djas pale koi berga tele. An leskro wast his les kol barra, kai o Debleskre deesh laba ap hake dui rigja dren tchinlo hi.

2. Mose 32:15 ပူးပေါင်းရင်းမြစ်များ

Debleskri gili 19:7

O kham djal pre ap koy yek rig o bolepastar, oun nashell peskro drom bis ap i vavar rig, oun glan leskro tatepen ačella či khatedo.

2. Mose 16:34

Yaake har o baro Devel o Moseske penas, čivas o Aron ko khoro glan o sonakaskro morhton, kay o Debleskre deesh laba dren hi, te ačell ko khoro koy.

2. Mose 24:12

Oun o baro Devel penas ap o Moseste: “Ab pash mande ap i berga pre oun ač kote, te dap tout kol barra, kay činom mire laba dren, te sikrap mire menshende, har te djivenn le, te djinenn yon, hoy te krenn oun hoy te krenn gar.”

2. Mose 24:18

O Mose djas mashkral dren an koy folka, oun djas doureder pre ap i berga, oun ačas star-deesh divessa oun star-deesh ratsya pral ap koy berga.

2. Mose 31:18

Oun har o baro Devel kova lauter ap o Mose rakras ap i berga Sinay, das yob les i douy barra, kay o Debleskre deesh laba dren činlo hi. O Devel činas len peskro goushteha dren.

2. Mose 32:16

Kol barra kras o Devel kokres oun činas kol laba dren.

2. Mose 34:29

Har o Mose kol douy barrentsa an o vast i berga Sinay tele djas, djinas lo gar, kay vas leskro mouy har o kham, har rakras lo o Debleha.

2. Mose 40:20

Oun yob las i barra, kay o Debleskre deesh laba dren činlo hi, oun čivas len an o sonakaskro morhton, oun čivas i hidjepaskre kashta an i goustria ap o morhton. Oun pral ap o sonakaskro morhton čivas lo o pralstouno kotar, hoy sikrella, kay o baro Devel peskre menshenge lačo hi.

2. Korintarja 3:3

Dran mari boudi van t'mer pash o Yezous Kristeste. Oun kanna han har i liil, hoy vella o Yezous Kristestar. Kava liil činas o Dourho o djido Deblestar, oun kek mensho. Kava liil vas gar činlo ap i barra. Na-a. Kava liil vas činlo an i menshengre djia, an t'mare djia.

2. Korintarja 3:7

Kol phoure činle laba, hoy anenn i menshen an o merepen, his činlo ap i barra. Har anas o Mose i menshenge kol barra, vas leskro mouy yaake rayles, te dikan nay i Israelitarya gar ap leste. Yaake dikah, ninna ap o phouro drom vas o Debleskro raylepen diklo, ninna te djas ko raylepen pal i tikno tsiro krik.

5. Mose 5:22

Kal laba rakras o baro Devel ap t'mende halauter, har van khetne pash i berga. Dran i yag vin, dran koy kali pessi folka vin rakras lo bari golyah. Kek vavar lab čivas lo pashel. Oun yob činas len ap douy barra oun das len mande.

5. Mose 9:15

Me rissrom man oun djom koy berga tele. Oun koy berga rhačas an i yag. Oun kol douy barra kol deesh labentsa his an mire vasta.

Hebrearja 9:4

An i palstouni isema his o sonakaskro bob tardo, kay kouč goudlo kasht pral pre rhačedo vas, hoy mishto soungella. Koy his ninna o sonakaskro morhton. An leste his o sonakaskro khoro, kay his ko maro dren čiddo, hoy Manna kharella. An ko morhton his ninna o Aroneskro kasht, hoy zenelo vas, ninna kol douy činle barra. Ap kolende his i deesh Debleskre laba činlo, hoy o Devel peskre menshentsa vin kras.

Debleskro tsiro 5:1

Oun me dikom i liil an o čačo vast kolestar, kay ap o rayeskro beshepaskro beshdo hi. Ap ko liil his dren oun vin čomone činlo. Oun ko liil his khetne pandlo efta doryentsa.